Kathakallolini p321

p321

ekaidā sā alaṅkāravatī prajñaptisaṃjñikayā vidyayā kaśmīreṣu gatvā puṇyakṣetreṣu śambhuṃ pūjayituṃ samupadiṣṭeti mātrā saha tatra gatvā mahādevagirau nandikṣetre girijāpatiṃ samapūjayat | kālena ca sā svamātrā saha gṛhamāgatavatīti saiṣā'laṅkāravatīkanyā, ahañcāsyā mātā kāñcanaprabhā nāma | adya caiṣā māmanuktvaivehāyātā | tvamapīhāyāto'si 'iti prajñaptividyāto vijñāya ahamihāyāteti devatādiṣṭaṃ sutāṃ māmakīnāmimāṃ tvamupayacchasva | prātaścaitatpitrokto vivāhāvasaraḥ samprāpta iti tvamitaḥ kauśāmbīṃ vraja | āvāñcetastapovanādbhātārgantāva iti rājā'laṅkāraśīlaḥ sutāṃ svakīyāmimāṃ svata eva tubhyaṃ dāsyatīti | kāñcanaprabhayaivamukto naravāhanadatto rajanīmātramapyalaṅkāravatīviśleṣāsahamānātmā sāśrulocanaḥ kauśāmbīmāgatya tatra ca yathākathañcitparijanebhyaḥ tāstāḥ kathāḥ śṛṇvan triyāmāṃ tāmatyavāhayat | prātaścotthāya vihitāvaśyakakṛtyo gaganādavarohantīṃ bhartrā ala-