Kathakallolini p339
Kathākallolinī p339
- Language
- Sanskrit
p339
kauleyakelikalitasya sudarśanākhyenaikena dyūtakreṇa saṅgatiḥ sañjātetyacireṇaiva dyūtāpahāritasarvasvaṃ taṃ tyaktvā'naṅgaprabhā sudarśanameva svapatitvenāśriṣyat | naṣṭadāradhano nāṭyācāryaśca nirāśrito vairāgyātpravṛddhajaṭastaṭaṃ taṭinyā gaṅgāyāstapase samāśrayat | navanavapriyapriyā'naṅgaprabhā ca tatraiva sudarśanena saha tasthau | ekadaikāgārikairāvṛto madhyarātre³ sudarśano muṣitāśeṣasarvasvīkṛta iti dravyābhāvātsa svamitrād hiraṇyaguptād vaṇijaḥ kiñciddhanamṛṇarūpeṇādātumanaṅgaprabhayā saha parāmṛśat | tathā svīkṛtavatyā ca tayā sahaiva nijamitragṛhaṃ gatvā dhanamayācat | tatra vaṇiganaṅgaprabhobhayānyonyālokane sañjāte tāvanyonyābhilāṣau sañjātāviti kuśalo vaṇik sudarśanamaparasmin dine dhanaṃ dātumuktvā tasmin dine svagṛhe bhoktumuktavān | kintu sudarśanena pratyākhyāte bhojane 'astu, tava vanitāta prathamamevāsmākaṃ gṛhamāyātetīyameva bhuṅktām' iti tanmitreṇāgrahaḥ kṛto'tastūṣṇīṃbhūte sudarśane kitavo vaṇiganaṅgaprabhāyukto'bhyantaraṃ prāviśat | atarkitopanatayā ca tayā saha yathecchaṃ pānāhāravihārādi kurvāṇastatraiva vyalambata | sudarśanaśca barhīikaprakoṣṭhe tannirgamaṃ pratīkṣamāṇo vaṇikpreritasevakairukto yattvadīyā bhāryā bhuktvā bhavanaṃ gateti tavātra sthitiranarthikā | sādyāvadhi na niryātetyuktāśca te nirbandhaparaṃ taṃ sapādaprahāraṃ bahirniborderrakālayan iti niratiśayaṃ duḥkhitastena sudarśano nijamitreṇāpahṛtāṃ svavaniṃtāmanucintya 'yanmayā'nyasya kṛtaṃ tanmamānyena kṛtamiti kopāhaṃ svakarmaivātra hetu | atastasmai krodho vyarthaḥ' iti vicārya bhavacchedi tapastaptuṃ vadarikāśramamagamat | anaṅgaprabhā ca rūpādhikaṃ vaṇikpatimavāpya puṣpātpuṣpaṃ gatā bhṛṅgīva tatrānaṅgarasāsvādanaṃ kurvāṇā, vipulaśriyastasya prāgadhanā, prāṇeṣu, dhaneṣvapi ca svāminī saṃjātā | kintu bandhakyadhiṣṭhite gṛhe kulastrīva śrīmlāṃyatīti katipayaireva dinairalpībhūtadhane hiraṇyagupte, lupte cākhilavāhyāḍambare, sambhṛtabhāṇḍako'sāvavaśiṣṭadhanamādāyānaṅgamabhayā saha vaṇijyārthaṃ suvarṇabhūmyākhyadvīpe sāgarapuranāmakaṃ nagaramavāpa | tatrābdhijīvinā sāgaravīrākhyena niṣādādhipena cāmilat