Kathakallolini p48
Kathākallolinī p48
- Language
- Sanskrit
p48
gurudakṣiṇārthaṃ hemakoṭiṃ yācita iti tena sadyonandasya mantrī śakaṭālaḥ ‘suvarṇakoṭimasmai dāpaya’ iti samādiṣṭaḥ | kintu prātibhaśaktisampanno mantrī śakaṭālo mṛtasyojjīvanasamakālamevārthinamāgatamavalokyāvadhṛtasarvatattvo nandasya tanayo bāla iti cintayannandasya bahuśatrurvaiṃlarājyamabhirakṣituṃ tathābhūtamapi nandasya dehamabhirakṣituṃ niścinvānastatkṣaṇameva sarvān śavānadīdahat | tanmadhye cārairupalabdhamindradattakalevaramapi-tadvakṣakaṃ vyāḍimapasārya-dāhitavān | atrāntare'rthine hemakoṭisamarpaṇāya tvaramāṇaṃ rājānamāha-‘deva, idānīṃ sarvo'pi parijanaḥ utsavāsaktasvānta ityayaṃ kṣaṇaṃ pratīkṣatām | tadanantaraṃ kautaskutaḥ kauskaॉn upahārān vāñchatīti pṛṣṭvā bhavadājñayā sarvaṃ sampādayiṣyate |'