Kathakallolini p59

p59

badhyaḥ' iti | tadājñāṃ svīkṛtya bahirnissṛtaḥ śakaṭālo'cintayad yad divyabuddhiprabhāvasya vararuceḥ cāṇḍālain vadhaṃ kārayitum ahamaśaktaḥ | samāpaduddharttā vipraśnāyamiti tadrakṣaṇameva śreyaḥ | evaṃ kṛtaniścayaḥ śakaṭālo māmāgatya rājño badhāntamakāraṇakrodhamabodhayat | tato rājā na māmabhikrudhyediti mayā kaścidanyo nihanyate tvañca madgehe'vacchannastiṣṭhetyuktavantaṃ tathaiva kurvantañca tamahamavocamtvamevaiko mantrī yo māṃ nājighāṃsat | rākṣasasuhṛdahaṃ nāpi ca kenāpi ghātyaḥ | dhyātamātra eva ca kṣaṇe rākṣasassa samāgatya viśvamātraṃ grasitumalam | etadākarṇya taṃ rākṣasaṃ didṛkṣuṇā mantriṇā dhyānasamakālamevopasthitaṃ taṃ rākṣasamahamadarśaye, yena so'tivismito bhītaśca sañjātaḥ | antarhite ca rākṣase śakaṭālo māmanvayuṅkta 'kathamayaṃ rākṣasastava sajūḥ sañjātaḥ' iti | ahaṃ tamevamavadaṃ, yatpurā nagararakṣārthamanuniśaṃ paryaṭannaikaiko nagarādhipo'kṣaiṣīt | tadākarṇya yoganandena nagarādhipatve'bhiniveśitena mayā amantratraiko rākṣaso'darśi | tena ca kā nārī 'nayanābhirāmā nagare'sminnibhāṣyate' ityanuyuktena mayā 'mūrkha ! yaiva yasyābhimatā saiva tasya kṛte nayanābhirāmā' iti nigaditaḥ | sa ca aho, ekenaivottareṇāhaṃ tvayā jita iti smṛtamātra eva tvāṃ sannidhāsye iti pratyajānāt | itthaṃ mitratvamavāpya madīyāpatsahāye tasmin rākṣase nirgate śakaṭālenābhyarthito'haṃ dhyānamātreṇaivopasthitāṃ gaṅgāṃ tamadarśayam | stutibhiḥ santoṣitāyāṃ tasyāmapi ca tirohitāyāṃ śaṃkaṭāle matsahāyo'bhavat