Kathakallolini p63

p63

gacchatsvahassu tapovane tasminnayodhyātaḥ samāyātaḥ kaścidvipra ityekadopalabdho mannivasatiṃ samaya yoganandasya vārtāmanuyukta itthamavocat-'yoganandasya sakāśāt tvayi gate labdhāvakāśaḥ śakaṭālo yuktyā tadvadhopāyaṃ cintayaṃstena saha ciramavasat | ekadā ca sa pathi kṣitiṃ khanantaṃ cāṇakyanāmānaṃ brāhmaṇamapaśyat | kimarthametat karoṣīti pṛṣṭaścāṇakyaḥ 'anena darbheṇa madīyaḥ pādo viddhaḥ, ahamenamataḥ samūlaṃ nāśayiṣyāmi' ityavadat | etadākarṇya mantrī śakaṭālo nāhamevaṃ krūrāgrahe'tīmaṃ kamapyanyaṃ nandavināśāya sādhanabhūtaṃ prāpsyāmītyavadhāryābhāṣaṇasambandhena taṃ cāṇakyanāmānaṃ ca parijñāya uktavān- 'vipra, nandasya gṛhe trayodaśīśrāddhāhe'haṃ tvayiṃ susvādubhojyānnamādayiṣyāmi | tatra sarvataḥ prathamaṃ bhuktasya tava svarṇamudrālakṣaṃ dakṣiṇā bhaviṣyati | tvaṃ tāvanmadgṛhamehi |' evamuktvā svagṛhakānītaścāṇakyaḥ śrāddhāhe nandaṃ pradarśito dhuryyupaviṣṭaḥ | kintu kaścitsubandhunāmā'nyo brāhmaṇastatra dhuryyupavivikṣuriti śakaṭālena tathā kartuṃ vijñapto bhūpatirbhuri tamupācīviśat | cāṇakyaṃ copagatya bhayāvanataḥ śakaṭālaḥ 'bhagavan ! nāhametasyāparādhakaḥ, apitu rājñājñayaivainaṃ saṃjātam' iti samabhāṣata | etenāmandaṃ nandaṃ prati kruddhaścāṇakyo'jvalihyamāna ivāpādamastakaṃ krodhaśikhiśikhayā, śikhāṃ ca svikīṃrmunmuñcannasidhārāsagandhāṃ sandhāmimāmābabandha, 'yatsapta-