Kathakallolini p67
Kathākallolinī p67
- Language
- Sanskrit
p67
guṇāḍhyavṛttāntaḥ vyatīteṣu katipayadibaseṣu matryaṃvapurmātyavān guṇāḍhya iti nāmnopalabdhakhyātiḥ sātavāhanabhūpatiṃ sevitvā prājño'pi rājño'gre pratijñayā parityaktaprākṛtasaṃskṛtadeśabhāṣo'tisuglaiḥ itastato vicaran vindhyavāsinīṃ darśakaṃ āyātastadādeśena tatraiva vindhyāṭavyāṃ kāṇabhūtiṃ draṣṭumājagāma | tatra ca kāṇabhūtisamavalokanasamakālameva smṛtanijajātiḥ paiśācyā girā nijanāma śrāvayitvā kāṇabhūtimidamavadat-sakhe, puṣpadantādākarṇitāṃ divvāṃ kathāmāśu māṃ bhāṣaya, yena dvāvapi vimuktaśāpau syāveti | tadākarṇyātihṛṣṭaḥ kāṇabhūtiruvāca — prabho, bhavadanujñāto'hamavaśyaṃ tāṃ kathāṃ kathayiṣyāmi| kintu kṛpayā pūrvamātmīyaṃ caritamājanma māṃ śrāvayitvā vigatakautūhalaṃ kuru | evaṃ tenābhyarthito guṇāḍhyo vaktumevamupākramata-