Kathakallolini p70

p70

ekasminsasamaye'haṃ saśiṣyaḥ pratiṣṭhitaṃ nagaraṃ praviśya tatratyānāṃ parāparāṇāṃ7 paurāṇāṃ vividhā vārttāḥ samākarṇayan, pratipadaṃ tatkṛtakautukāni cāvalokayannindrasadanasadṛśaṃ rājaprāsādmāsādayam | tatra ca śiṣyairnirdiśyamānavararmā'ntaḥ samāviṣṭo'hamāsthānasthitamamaraiḥ sarvataḥ parivāritaṃ vāsavamiva śarvavarmaprabhṛtibhiḥ svamantribhiḥ parivṛtaṃ ratnasiṃhāsanamāsīnaṃ8 rājānaṃ sātavāhanamapaśyam | tatra rājñe vihitasvastikāraṃ viṣṭaropaviṣṭaṃ māṃ stutipūrvakaṃ śarvavarmmādayaḥ 'deva, ayameva jagadvikhyātaḥ, sarvānavadyavidyāvidyotitāntaḥkaraṇaḥ, vividhaguṇagaṇāḍhyo guṇāḍhyaḥ' iti rājñā paryyacīcayan | rājā cāpi nijamantribhiḥ sum̐stutaṃ māmākarṇyātiprītaḥ satkṛtya nijamantritve nyayūyujata | ahamapi ca kṛtadāraparigrahastatra śiṣyānadhyāpayan sātavāhana-rājakāryāṇi cānucintayan sasukhaṃ nyavasam | etadākarṇya sātavāhananāmakaraṇakautūhalākrāntamanāḥ sumanāḥ kāṇabhūtistannāmakaraṇahetuṃ guṇāḍhyamapṛcchat | yadākarṇya guṇāḍhya evaṃ tasya tatkautūhalamapanetuṃ prārabhata-