Kathakallolini p72

p72

dvigno1 dīpakaṇiraputro'pi vidhura eva dhuraṃ rājyabhārasya vivahan śaiṣāyuṣako brahmacārī na punarudvāhamacintayat | ekadā rājyāhaṃ putrāsadbhāvodvignamānasaṃ rājānaṃ bhagavān śaśiśekharaḥ svapne samādideśa—'aṭavyāmaṭan tvaṃ kumārakamekamavalokayiṣyasi | tamādāya gṛhamāgaccheḥ | sa te putro bhaviṣyati' | prabuddho rājā svaipnaṃ smarannatiprahṛṣṭastamanehasaṃ sampratīkṣamāṇo'tiṣṭhat | ekadā''kheṭākṛṣṭo'ṭavyāmupamahīṃdhraṃ4 davīyasīṃ padavīmavagāhamāno madhyāhne ekasya padmasasarastīre tapanatejasaṃ siṃhārūḍhaṃ pañcaṣavarṣaṃ bālakamaikamapaśyat | smṛtasvapnena tena nṛpeṇām̐vatāritabālaka ekenaiva ca śareṇam̐ vyāpāditaḥ siṃhaḥ sadyaḥ puruṣatvaṃ prapadya rājānaṃ sambodhyāvāca-dhanadasya sakhā sātasaṃjño yakṣo'ham | purā vyomacaraḥ srāntīṃ munikanyāmālokya sañjātamanmathonmathita-mānaso'haṃ sānnidhyamupagatastatsvīkṛtipūrvakaṃ gāndharveṇa vidhinā tāṃ paryaṇayam | avabuddhaitadvṛttāntastadbāndhavā āvayoḥ svecchācāramimamasahamānāḥ 'pāpau, svecchācārau siṃhau stām' ityaśapanta | munayaśca putraprasavakālaṃ tasyāḥ, tadanantaraṃ tvaccharāghātaparyantaṃ ca mama, śāpāvadhiṃ vyadadhuḥ | atha kālena siṃhayonimāpannayorāvayorudārake'smin jāte sāśu svāsubhirvyayujyatetyanyasiṃhīstanyasaṃvardhitamimaṃ prakṛtyām̐ mahāsattvaṃ sutaṃ mahattaṃ tvaṃ gṛhāṇa | ahaṃ tava bāṇāhato vimukto yathāprāptagatiṃ sukhenai yami | evamuktvā'ntarhite sātanāmni tasmin guhyake, tasya bālakasya audāyacaraḥ saprasādamāsāditanijaprāsādo dīpakaṇiḥ sātenoḍhatayā bālakasya tasya 'sātavāhana' iti nāma kṛtvā kālena ca tameva rājye'bhiṣicyāraṇyamāśrayat | sātavāhanaśca sārvabhaumo bhūpatiḥ saṃvṛttaḥ