Kathakallolini p74

p74

sṛtyāgre vaktumevamārabhata—‘sa ca sātavāhana ekadā vasantotsavasamaye nandane'marapatiriva nijārāme rāmau dīvyan gāhamānajanatāpahāriṇi vāriṇi ramaṇīye jalakrīḍāṃ karttuṃ tannatyavāpīmavatīrṇaḥ tatra vyāsthuścikāẏāmatyāyatārkṣīṇāṃ karavāribhirabhitaḥ sicyamāno vāraṇo vaśāsu iva krīḍāparavaśāsu tāsu nakhadyutivalakṣadambhaḥ siñcam̐stadabhiṣiktimasahamānayā śirīṣasukumārāṅgyā svakīyānyatamamahiṣyoktaḥ, 'deva, modakairmāṃ tāḍayeti' | tadākarṇya priyā me modakaistāḍyamānāmātmānamicchatīti buddhyā nṛpatirdrutaṃ vacanakareṇa bahumodakānānāyayat | tānālokya vihasya sā'bhāṣata—rājannatra jalāntare ko'vasaro modakānām ? udakairmāṃ mā siñca ityevamuktastvaṃ māśabdodakaśabdayoḥ sandhiṃ prakaraṇañca nāvagacchasītyetāvān mūrkhaḥ| parajanamejam̐yo'pi śabdaśāstravidā tayaivaṃ parājito rājā sabrīḍaḥ pastyaktajalakrīḍaḥ, jātāvamānaḥ, parityaktakāryāntarāvadhānastatkṣaṇaṃ nijāvāsamaviśat | tatra ca parityaktāhāravihāraḥ, vivarjitākhilavyāhāraḥ, virahitakuśeśayaśayanīyaḥ pāṇḍityaṃ mṛtyuṃ vā śaraṇaṃ karavāṇīti kṛtamanā na manāgapi śāntimupajagāma | akasmādatha rājñastathāvidhāmabhūtapūrvāvasthāmavalokya sambhrānte sarvasmin parijanakrame krameṇāhaṃ śarvavarmā ca tatsarvamavagatavantāvibhyasmadāhūtapṛṣṭena haṃsākhyena rājaceṭakenāvāci yadvāhyayacamānānutāpajanyamanyunā'niśaṃ dandahyamānamānaso nṛpo na niśi netre nidrayā nimīlayati | etadākarṇyānyonyamālocyāhaṃ śarvavarmā ca sarvāvaruddhapraveśamapi sātavāhanavāsaveśma kathamapi prāviśāva | nikaṭopaviṣṭena ca mayā tadasvasthāvasthāhetumanuyukto nṛpo'vikalasakalendriyo'pi vācām̐ vikala ivānuttarayanneva maunenai muniriva tathaiva tūṣṇīkāmāsta | kintu tataśśarvavarmaṇi 'deva, śaryānaina mayā'dya dṛṣṭaṃ yannabhaso'mbujamekaṃ cyutam | tacca divyena kenacit kumāreṇa vikāsitam | tasmānnirgatā dhavalāmbaraikā divyā strī tatkṣaṇameva bhavanmukhaṃ praviṣṭā | itthaṃ svapnam̐nāhaṃ prabuddhaḥ manye, sā strī sākṣātsarasvatī devasya vadanaṃ praviṣṭeti' | itthaṃ niveditanijasvapne, bhagnamaunamudraḥ sātavāhanaḥ sākūtaṃ māmavadat—'prayatnena śikṣyamāṇaḥ pumān kiyatā kālena pāṇḍityamadhigacchatīti tvayā'haṃ vācyaḥ | yato hi tena vinaiṣā sampanna ramaṇī ramaṇīgaṇayuktasyāpi me