Kathakallolini p77

p77

sarvāsminnevaṃ saṃjāte'valambitamaune mayi ca dvitīyasminnahani rājāntikaṃ prātarittvani, kaścidvijaḥ svayaṃkṛtaślokamekamapaṭhat | yañcākarṇya rājā samyak saṃskṛtayā giraikaika makṣaraṃ spaṣṭamanvācaṣṭa yena ca tatrasthāḥ sarve janāḥ pramuditāḥ saṃjātāḥ | tadanantaraṃ rājñā savinayaṃ pṛṣṭaḥ śarvavarmā svasmin kṛtaṃ devānugrahaprakāramevaṃ savistaramupavarṇitavān-'deva, ita ito'haṃ hīnāhāraḥ, saṃyatavyāhāraḥ, parityaktabandhubāndhavajāyākauyādimāyaḥ, tīvratapaḥkṛśaklīntakāyaḥ, niḥsaṃjño 'dhvani dharaṇyāmekatra nyapatam | tadā jāne, kaścicchūktihastaḥ pumānetya māmevaṃ vispaṣṭamācaṣṭa 'putra, uttiṣṭhābhīṣṭaṃ sarvaṃ te sampatsyate', iti | tenāhaṃ tadā sudhādhārāsārasaṃsikta ivānanubhūtāśanāyodanya ivābhavam | tadanantaraṃ devasya sīmīpyaṃ prāpya bhaktyāsatacetase snātvā garbhagṛhaṃ praviṣṭāya me prabhuṇā skandena darśanaṃ dattam | mukhaṃ ca madīyaṃ sākṣātsarasvatī praviṣṭā | atha bhagavān ṣaḍānanaḥ ṣaḍbhirānanaiḥ 'siddho varṇasamāmnāyaḥ' iti sūtrasamudairayat