Kathakallolini p78
Kathākallolinī p78
- Language
- Sanskrit
p78
tadākarṇya mānavasulabhacāpalena mayābhyūhyottaraṃ sūtramuditamiti devo māmevamabravīt—yatsvayaṃ cettvaṃ nāvadiṣyaḥ śāstrametatpāṇinīyopamardakamabhaviṣyat | adhunā caitatsvalpatantratvātkātantrākhyam, madvāhanasya kalāpasya ca nāmnā kalāpakamiti prasiddhiṃ yāsyati | evamabhinavaṃ laghuśabdaśāstraṃ prakāśya sa bhūyo māmabhāṣata . yad yuṣmadīyo rājā pūrvasmiñjanmani bharadvājamuniśiṣyo mahātapāḥ kṛṣṇanāmā munirāsīt | tulyābhilāṣāṃ munikanyakāmekāmālokyākasmātkandarpaśaraśaravyatāṃ gataḥ sa munibhiḥ śapto'dhunā'vatīrṇaḥ | tasya devī bhavituṃ sa munikanyakāpyavatīrṇā | itthamṛṣyavatāro nṛpatirayaṃ sātavāhanastvayi dṛṣṭe tvadicchayaivāptasarvavidyo bhaviṣyati| evamuktvā'ntarhite deve, gṛhītadevavalataṇḍulavalo'haṃ bahirāgaccham | alpamātrā api bhakṣitā bubhukṣāvācaṃ naste ca taṇḍulā mayā mārge'nudinaṃ bhujyamānā api tāvanta eveti citrīyamāṇacetāḥ krameṇāhamihāyātaḥ