[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 2.1-3 # Vikramarkacaritra 2.1-3 Vikramārkacaritra 2.1-3 - **Language:** Sanskrit ### [2.1-3](https://indike.org/pramana/in.lit.short_stories.vikramarkacaritra.2.1-3) iti' snuṣā tu 'yadratnaṃ vastrābharaṇādikaṃ prasūte tadgrāhyam' ityāha | evaṃ parasparaṃ caturṇāṃ vivādaḥ samajāyata | tato brāhmaṇo rājñaḥ samīpamāgatya vivādaṃ nyavedayat | rājāpi tacchrutvā tasmai brāhmaṇāya catvāryapi ratnāni dadau iti kathāṃ kathayitvā sālabhañjikā bhojamabravīt — ‘tvayyevaṃvidhamaudāryaṃ vidyate cedasminsiṃhāsane samupaviśa’ iti | tacchrutvā rājā tūṣṇīṃ babhūva iti tṛtīyamupākhyānam atha caturthamupākhyānam bhūyo'pyekadā siṃhāsanamāroḍhumāgacchati bhoje turīyā sālabhañjikā bhaṇati sma— ‘yadi tvamaudāryeṇa vikramārkamanusarestarhīdaṃ siṃhāsanamāroha’ iti | rājā ‘brūhi me tasyaudāryavṛttāntam’ ityapṛcchat | tataḥ sālabhañjikā kathayitumārebhe—“vikramāditye rājye kurvati satyujjayinyāṃ ko'pi brāhmaṇaḥ sakalavidyāvicakṣaṇaḥ sakalaguṇālaṃkṛtaśca paraṃ putrahīnaḥ samabhavat tamekadā tatpreyasī jagad — ‘bhoḥ prāṇanātha putraṃ vinā gṛhasthasya gatirnāstīti śrutismṛtipurāṇavidaḥ samāmananti | tathā hi— aputrasya gatirnāsti svargo naiva ca naiva ca tasmātputramukhaṃ dṛṣṭvā bhavetpaścāttu tāpasaḥ - [Previous: 2.3-3](https://indike.org/pramana/in.lit.short_stories.vikramarkacaritra.2.3-3) - [Next: 2.2-4](https://indike.org/pramana/in.lit.short_stories.vikramarkacaritra.2.2-4) - [Up: 2](https://indike.org/pramana/in.lit.short_stories.vikramarkacaritra.2) --- Source: [https://indike.org/pramana/in.lit.short_stories.vikramarkacaritra.2.1-3](https://indike.org/pramana/in.lit.short_stories.vikramarkacaritra.2.1-3) · Pramāṇa