[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 3.7 # Vikramarkacaritra 3.7 Vikramārkacaritra 3.7 - **Language:** Sanskrit ### [3.7](https://indike.org/pramana/in.lit.short_stories.vikramarkacaritra.3.7) iti evamapramādaṃ śuśrūṣayā vidyāmabhyasyatastasya mahānkālo'ticakrāma | tata ekadopādhyāyastasyopari kṛpātaraṅgittāntaraṅgaḥ siddhasārasvatamantramupādiśet tena copadeśena sarvajño bhūtvā kamalākaraḥ kṛtārthamātmānaṃ matvā sapradakṣiṇapraṇāmamupādhyāyasyānujñāṃ gṛhītvā pitṛdarśanalālasaḥ svanagaraṃ pratyāgacchanmārgavaśātkāñcīnagaramagamat | tatra cānyasādhāraṇarūpasaṃpannā naramohinī nāma kācidvanitāsīt | yo hi puruṣastāṃ paśyetsa sadya eva kāmajvarapīḍitaḥ paramunmādāvasthāṃ prāpnuyāt | yaḥ pumaranayā vihṛtya tasminneva talpe nidrāmanubhavettasya rudhiraṃ vindhyācalanivāsī kaścidrākṣaso niravaśeṣaṃ pītvā taṃ mārayet | kamalākaro'pyetadāścaryaṃ tatra dṛṣṭvā nijanagaramājagāma | āgataṃ ca kumāramamitajñaṃ jñātvā janakaḥ paraṃ nananda | paredyureṣa kamalākaraḥ pitrā saha rājānaṃ draṣṭuṃ gatvāpāṇḍupaṅkajasaṃlīnā madhupālīrmanoharāḥ yo bibharti vidherātmā sa tanotu sumaṅgalam - [Previous: 3.6](https://indike.org/pramana/in.lit.short_stories.vikramarkacaritra.3.6) - [Next: 4.1](https://indike.org/pramana/in.lit.short_stories.vikramarkacaritra.4.1) - [Up: 3](https://indike.org/pramana/in.lit.short_stories.vikramarkacaritra.3) --- Source: [https://indike.org/pramana/in.lit.short_stories.vikramarkacaritra.3.7](https://indike.org/pramana/in.lit.short_stories.vikramarkacaritra.3.7) · Pramāṇa