[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 4.1-2 # Vikramarkacaritra 4.1-2 Vikramārkacaritra 4.1-2 - **Language:** Sanskrit ### [4.1-2](https://indike.org/pramana/in.lit.short_stories.vikramarkacaritra.4.1-2) iti ato'nena vyādhinā viśīrṇaṃ mamaitaccharīraṃ yathā nirāmayaṃ sadanuṣṭhānayogyaṃ bhavettathā vidhātumarhasi' iti | tato rājā sarvadharmānuṣṭhānasādhanaśarīrārogyārthaṃ tasmai tatphalaṃ dadau | tato brāhmaṇaḥ paramatuṣyat | rājā svabhavanaṃ jagāma |" iti kathāṃ daśamasālabhañjikoktāṃ śrutvā rājā tūṣṇīṃ babhūva iti daśamamupākhyānam athaikādaśamupākhyānam punarapi bhojarājaḥ siṃhāsane samupaveṣṭuṃ yāvadājagāma tāvadanyā pāñcālikā puraiva nivārya rājānamabravīt — 'mahīpāla śrūyatāṃ vikramasyaudāryaṃ prathamam | paścādidamāruhyatām' iti | tato rājani 'kathaya tasyaudāryādikam | śuśrūṣate me śrotram' iti pṛcchati pāñcālikā prāha— 'vikrame rājyaṃ kurvati sati bhūmaṇḍale durjanaḥ piśunastaskaraḥ pāpakarmā vā na ko'yacāsīt | kiṃ ca yasya rājñaḥ sarvadā rājyacintā mantravicāraśca sa kevalaṃ cintāparatvādivārātraṃ nidrāmapi na yāti | uktaṃ ca— arthāturāṇāṃ na gururna bandhuḥ kāmāturāṇāṃ na bhayaṃ na lajjā cintāturāṇāṃ na sukhaṃ na nidrā kṣudhāturāṇāṃ na rucirna kālaḥ - [Previous: 4.2](https://indike.org/pramana/in.lit.short_stories.vikramarkacaritra.4.2) - [Next: 4.2-2](https://indike.org/pramana/in.lit.short_stories.vikramarkacaritra.4.2-2) - [Up: 4](https://indike.org/pramana/in.lit.short_stories.vikramarkacaritra.4) ## Linked texts (2) - [Mahāsubhāṣitasaṃgraha](https://indike.org/pramana/in.lit.subhasita.subhasita.mahasubhasitasangraha.2959) — Sanskrit - [Southern recension](https://indike.org/pramana/in.lit.short_stories.simhasana*southern.11.1) — Sanskrit --- Source: [https://indike.org/pramana/in.lit.short_stories.vikramarkacaritra.4.1-2](https://indike.org/pramana/in.lit.short_stories.vikramarkacaritra.4.1-2) · Pramāṇa