[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 4.2-2 # Vikramarkacaritra 4.2-2 Vikramārkacaritra 4.2-2 - **Language:** Sanskrit ### [4.2-2](https://indike.org/pramana/in.lit.short_stories.vikramarkacaritra.4.2-2) iti eṣa punarvikramo naivamabhūt | sarvānpratyarthibhujaḥ svapādapadmopajīvino vidhāya nijājñāparatantraṃ niścintaṃ ca rājyamakarot | ekadā mantriṣu rājyabhāraṃ nidhāya svayaṃ yogiveṣeṇa deśāntaraṃ prati nirjagāma | nirgatya ca yatra svacittasya sukhamabhūttatra katiciddinānyatiṣṭhat | yatra cāścaryaṃ dṛṣṭaṃ tatrāpi kañcitkālamanayat | evaṃ paryaṭaṃstasyaikadā kutrāpi mahāraṇye sūryo'staṃ jagāma | tataśca kañcana vṛkṣamūlamāśrityopaviṣṭaḥ | tasyopari vṛddhaścirajīvī nāma kaścitpakṣirarājastasthau | tasya putrāḥ pautrāśca prātardeśāntaraṃ gatvā svodaramāpūrya sāyaṃ pratyekamekaikaṃ phalaṃ gṛhītvā tasmai cirajīvine pratidinaṃ diśantaḥ sukhamūṣuḥ | sādhu cedamucyate | yataḥ, vṛddhau ca mātāpitarau sādhvī bhāryā sutaḥ śiśuḥ apyakāryaśataṃ kṛtvā bhartavyā manurabravīt - [Previous: 4.1-2](https://indike.org/pramana/in.lit.short_stories.vikramarkacaritra.4.1-2) - [Next: 4.3](https://indike.org/pramana/in.lit.short_stories.vikramarkacaritra.4.3) - [Up: 4](https://indike.org/pramana/in.lit.short_stories.vikramarkacaritra.4) --- Source: [https://indike.org/pramana/in.lit.short_stories.vikramarkacaritra.4.2-2](https://indike.org/pramana/in.lit.short_stories.vikramarkacaritra.4.2-2) · Pramāṇa