[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 4.5 # Vikramarkacaritra 4.5 Vikramārkacaritra 4.5 - **Language:** Sanskrit ### [4.5](https://indike.org/pramana/in.lit.short_stories.vikramarkacaritra.4.5) iti evaṃ pakṣiṇāṃ saṃlāpaṃ śrutvā vikramastaṃ parvatamayāsīt | tatra ca vadhyaśilāṃ nirīkṣya tatsamīpasthitasarovare snātvā vadhyaśilāyāmupaviveśa | tatrāntare rākṣaso'pi samāgatya prahasitavadanamāsīnaṃ rājānaṃ dṛṣṭvā vismitaḥ papraccha 'bho mahāsattva ko bhavān ? kutaḥ samā jagāma ? | yaḥ punaratra śilāyāmupaviśati sa māmadṛṣṭvaiva bhayāntriyeta | tvaṃ punarmahādhairyasaṃpannaḥ smerānano haśyase | anyacca, yasya maraṇakālaḥ saṃnidhatte sa mlāniṃ bhajate | tvaṃ punaradhikāṃ kāntiṃ prāpya hasasi' iti | rājā 'sakhe tava kimanena vicāreṇa ? mayā parārthameva śarīraṃ dīyate | tadātmanaḥ samīhitaṃ kuru' ityavadat | niśācarastu rājñaḥ saujanyamālokya 'bho mahāpuruṣa yataḥ 'parārthaṃ śarīraṃ prayacchasi tatastavaiva jīvitaṃ ślāghyam | athavā bhavādṛśāṃ paropakāriṇāṃ naitaccitram | uktaṃ ca - kimatra citraṃ yatsantaḥ parānugrahatatparāḥ na hi svadehaśaityārthaṃ jāyante candanadrumāḥ - [Previous: 4.4](https://indike.org/pramana/in.lit.short_stories.vikramarkacaritra.4.4) - [Next: 5.1](https://indike.org/pramana/in.lit.short_stories.vikramarkacaritra.5.1) - [Up: 4](https://indike.org/pramana/in.lit.short_stories.vikramarkacaritra.4) ## Linked texts (2) - [Skandapurāṇa (early; "Ambikākhaṇḍa")](https://indike.org/pramana/in.purana.skanda*early.31.76) — Sanskrit - [Southern recension](https://indike.org/pramana/in.lit.short_stories.simhasana*southern.11.p8) — Sanskrit --- Source: [https://indike.org/pramana/in.lit.short_stories.vikramarkacaritra.4.5](https://indike.org/pramana/in.lit.short_stories.vikramarkacaritra.4.5) · Pramāṇa