[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 5.1-2 # Vikramarkacaritra 5.1-2 Vikramārkacaritra 5.1-2 - **Language:** Sanskrit ### [5.1-2](https://indike.org/pramana/in.lit.short_stories.vikramarkacaritra.5.1-2) iti vadansvanagarānnirgatya deśāddeśamaṭanhimācalasamīpasthaṃ nagaramekamagamat tatra rātrau kasyacidgṛhasya bahirvedikāryā suṣvāpa | ardharātrasamaye ca nāti rasthaveṇuvanamadhye rudantyāḥ kasyāścidbalāyā hāhākāraṃ śrutvā 'kimetat iti purandare dattakarṇe sati 'bho mahājanā māṃ paritrāyadhvam | eṣa ko rākṣaso māṃ mārayati' iti varṇāvaliraśrūyata | tataḥ prabhātasamaye savisma purandarastannagaravāsino janān ' kimetat' ityapṛcchat | tataḥ ' atra veṇu madhye pratidinamevaṃ rātrau rodanadhvaniḥ śrūyate | paraṃ tu ko'pi yathānna nirgaccha ti na vicārayati ca' iti bruvadbhirjanairviditavṛttāntaḥ purandarastato ṣkramya svecchayā kañcitkālaṃ paryaṭansvanagaramāgatya rājānamadrākṣīt | rā 'vatsa purandara deśānparyaṭanbahūni divasānnayamayaḥ | atimahatā cānena yena kiṃ kimadbhutamadrākṣīḥ ? kiṃ kimaśroṣīḥ?' ityapṛcchat | purandarastu ṇuvanavṛttāntamakathayat | anantaraṃ rājā tena saha tannagaramavagāhya niśīthe madhyevanamākrandadhvanimākarṇya kṛpāṇapāṇiḥ svayameka eva tadaraṇyaṃ viveśa tatra cātikaruṇaṃ rudantīmanāthāṃ mānuṣīṃ pīḍayantamekaṃ rākṣasamapaśyat avīcca—'re pāpiṣṭha striyamanāthāṃ kimevaṃ mārayasi ?' iti | rākṣasaḥ tyāha— tava kimenena vicāreṇa | yathāgatamapasara | anyathā tvamapi vṛthā mariṣyasi iti | tata ubhayorvivādo mahānabhūt | tato rājā kṛpāṇamutkṛṣya pya rākṣasaṃ jaghāna | hate ca tasmiñchintramūla iva mahīruhe nipatite prahṛṣṭā sā vanitā sasambhramaṃ samāgatya rājñaḥ pādayornipatya babhāṣe | 'svāmiṃstave prasādānmama śāpāvasānamabhūt | mahato duḥkhasāgarāduddhṛtāsmi' iti | tato rājā 'kā tvam ? kutastvāmeṣa pāpīyānapīḍayat ? kiyatā ca kālenaivaṃvidhāmavasthāmanubhavasi ?' ityapṛcchat | vanitā "deva vijñāpayāmi | asminnagare mahādhanasaṃpannaḥ kaścidbrāhmaṇo'bhūt | tasya bhāryāham | vyabhicāriṇī mama tasminprītileśo'pi nāsīt | tasya tu mayi mahānanurāgo'vartata | sa ca yāvajjīvaṃ kāmasantaptaḥ patirdehāvasānasamaye māmaśapat | 'ayi durācāre tvameva mama mṛtyormūlamasi | yadevaṃ mama manorathaṃ vitathamakārṣīḥ | anubhava tadadyaprabhṛti tatphalam | 'veṇuvanavāsī kaścidrākṣasaḥ atibhayaṅkararūpo rātrau tvāmanicchantīmapi balātpratidinaṃ pīḍayiṣyati' iti | evaṃ śaptayā mayā sapādapatanamayimabhyarthito 'yadā mahopakārī mahādhairyasaṃpannaḥ kaścinmahāpuruṣaḥ samāgatya taṃ rākṣasaṃ mārayiṣyati tadā tava śāpāvasānaṃ bhaviṣyati' ityuktvā tanuṃ tatyāja | tadāprabhṛti bhavadāgamanamabhikāṅkṣantī daivādadya bhavatāhaṃ śāpānmocitā | adya mama prāṇā nirgamiṣyanti | mama navaghaṭaparimitaṃ suvarṇamasti | tvaṃ tadgṛhāṇa" iti | evaṃ vijñāpya dhanasthānaṃ rājñe nivedya sā prāṇāṃstatyāja | rājā ca taddhanaṃ purandarāya vaṇije samarpya tena sahojjayinīmavāpa |" iti sālabhañjikayā kathitāṃ kathāṃ śrutvā bhojastādṛśamaudāryādikamātmanyapaśyaṃstūṣṇīṃ nivavṛte iti dvādaśamupākhyānam atha trayodaśamupākhyānam punarapi siṃhāsanasamārūḍhatayā samāgataṃ bhojabhūpatiṃ pratimāparā jagāda— "prathamaṃ vikramaguṇānākarṇaya | tato yadi rocate tarhyasminsamupaviśa | ekadā vikramārko mantriṣu rājyabhāraṃ nidhāya svayaṃ bhūmikāntaratirohitaḥ pṛthivīparyaṭanāya niṣkrakrāma | niṣkramya ca pratinagaraṃ trīṇi trīṇi divasāni nayannagaramekamagamat | tannagarasamīpasthitanadītaṭe devālaye sarve'pi mahājanāḥ kasmādapi paurāṇikātpurāṇaṃ śṛṇvantīti niśamya nadyāṃ snātvā devālayaṃ gatvā devaṃ namaskṛtya mahājanasamīpe svayamupaviśya purāṇaślokāṃstānaśṛṇotanityāni śarīrāṇi vibhavo naiva śāśvataḥ nityaṃ saṃnihito mṛtyuḥ kartavyo dharmasaṅgrahaḥ - [Previous: 5.2](https://indike.org/pramana/in.lit.short_stories.vikramarkacaritra.5.2) - [Next: 5.2-2](https://indike.org/pramana/in.lit.short_stories.vikramarkacaritra.5.2-2) - [Up: 5](https://indike.org/pramana/in.lit.short_stories.vikramarkacaritra.5) --- Source: [https://indike.org/pramana/in.lit.short_stories.vikramarkacaritra.5.1-2](https://indike.org/pramana/in.lit.short_stories.vikramarkacaritra.5.1-2) · Pramāṇa