[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 5.1-4 # Vikramarkacaritra 5.1-4 Vikramārkacaritra 5.1-4 - **Language:** Sanskrit ### [5.1-4](https://indike.org/pramana/in.lit.short_stories.vikramarkacaritra.5.1-4) ityāśiṣaṃ prayujyābravīt — 'rājanmama sucirābhyarcitaṃ śivaliṅgaṃ kenāpyapahatām | tricaturairdivasairahamupavasāmi | anārādhya liṅgaṃ na bhuñjīya | yadidaṃ liṅgaṃ dadāsi tarhi kṛtārtho bhaviṣyāmi' iti | tacchrutvā rājā talliṅgaṃ tasmai dattvā nijagaraṃ jagāma'' | iti sālabhañjikayā kathitāṃ kathāmārkaṇya rājā bhojaḥ 'nāhamidaṃ siṃhāsanaṃ samāroḍhumarhāmi' iti manvāno nivavṛte iti caturdaśamupākhyānam atha pañcadaśamupākhyānam athaikadā yathāpūrvaṃ siṃhāsanamāroḍhumāgate dhārādhināthe pañcadaśī pāñcālikā vihasya rājānamabhāṇīt - kathamiva bhūyo'pi samāgato'si | adyāpi samākarṇaya tasya vikramasya mahaudāryam | " vikrame rājyaṃ kurvati sati tasya vasumitro nāma kaścitpurohita āsīt | so'tyantarūpavān sakalakalābhijño rājño'tyantapriyatamaḥ paropakārī sarvalokapriyo mahādhanasaṃpannaśca tasya caivaṃvidhasya cetasi kadācidevaṃ buddhirabhūt - upārjitānāṃ pāpānāṃ gaṅgāsnānādṛte kṣayo nāsti | uktaṃ ca - agniṃ prāpya yathā sadyastūlarāśirviṃnaśyati tathā gaṅgāvagāhena sarvapāpaṃ vinaśyati - [Previous: 5.3-2](https://indike.org/pramana/in.lit.short_stories.vikramarkacaritra.5.3-2) - [Next: 5.2-4](https://indike.org/pramana/in.lit.short_stories.vikramarkacaritra.5.2-4) - [Up: 5](https://indike.org/pramana/in.lit.short_stories.vikramarkacaritra.5) --- Source: [https://indike.org/pramana/in.lit.short_stories.vikramarkacaritra.5.1-4](https://indike.org/pramana/in.lit.short_stories.vikramarkacaritra.5.1-4) · Pramāṇa