[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.1-7 # Vikramarkacaritra 6.1-7 Vikramārkacaritra 6.1-7 - **Language:** Sanskrit ### [6.1-7](https://indike.org/pramana/in.lit.short_stories.vikramarkacaritra.6.1-7) iti tato rājābravīt — 'satyamevaitat | daivaṃ hi sarvasmādbalīyaḥ | bhavatvetat kuto bhavānatiśrānta iva dṛśyate ?' iti | brāhmaṇaḥ pratyavadat— 'śṛṇu rājan, ito nātidūre nīlo nāma kaścitparvato'sti | tatra hi kiñcitpātālavilamasti | tanmadhye kāmākṣī nāma devatā vasati | tatra kaścidrasakumbho dṛśyate | tena ca rasena dhātavaḥ suvarṇatāṃ yānti | tādṛśarasalābhārthaṃ dvādaśa varṣāṇi kāmākṣīmantramajapam | tathāpi biladvāraṃ noddhāṭyate | tenātiduḥkhito'smi' iti | tacchrutvā vikramaḥ 'tatsthānaṃ mama darśaya | mayā kopyupāyaḥ kriyate' ityāha | tato brāhmaṇena tatsthānaṃ rājñe pradarśitam | sūryo'pyastāgiriśikharamālalambe | rājāpi sāyaṃtnaṃ karmakalāpaṃ parisamāpya tatraiva suṣuvāpa | tataḥ svapne devatā samāgatya rājānaṃ jagāda — 'rājankimarthamāgato'si ? | dvātriṃśallakṣaṇayuktasya puruṣasya kaṇṭharaktasecanaṃ vi atha trayoviṃśamupākhyānam punarapi rājā yāvatsiṃhāsanamāroḍhumājagāma tāvadaparā pāñcālikābhaṇat - 'bho rājaṃstava siṃhāsanasamārūrukṣā garīyasī dṛśyate | idaṃ punarāsanaṃ vikramādityasadṛśa eva samāroḍhuṃ prabhavati | śṛṇu tasya guṇān' iti | rājñā 'kathaya' ityāha | pāñcālikā kathayati - "ekadā vikramo mahīṃ paribhramya nānādeśānvilokya tṛpto bhūtvā punarnijanagarīmujjayinīmāgacchat tadā nagaravāsinaḥ sarve janāḥ paramānandamavāpuḥ | rājāpi svaśuddhāntaṃ praviśya madhyāhnasamaye sugandhatailāktaḥ snātvā vastrābharaṇādibhiralaṃkṛtaḥ sandevamarcayitvā, tvameva mātā ca pitā tvameva tvameva bandhuśca sakhā tvameva tvameva vidyā draviṇaṃ tvameva tvameva sarvaṃ mama devadeva - [Previous: 6.2-5](https://indike.org/pramana/in.lit.short_stories.vikramarkacaritra.6.2-5) - [Next: 6.2-6](https://indike.org/pramana/in.lit.short_stories.vikramarkacaritra.6.2-6) - [Up: 6](https://indike.org/pramana/in.lit.short_stories.vikramarkacaritra.6) ## Linked texts (1) - [Southern recension](https://indike.org/pramana/in.lit.short_stories.simhasana*southern.23.1) — Sanskrit --- Source: [https://indike.org/pramana/in.lit.short_stories.vikramarkacaritra.6.1-7](https://indike.org/pramana/in.lit.short_stories.vikramarkacaritra.6.1-7) · Pramāṇa