[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.1 # Vikramarkacaritra 6.1 Vikramārkacaritra 6.1 - **Language:** Sanskrit ### [6.1](https://indike.org/pramana/in.lit.short_stories.vikramarkacaritra.6.1) "ahaṃ nadīvardhananagaranivāsī | mamāṣṭau putrāḥ samajāyanta | kanyakā punaḥ kāpi nājani | tataḥ sabhāryo'haṃ jagadambikāyāḥ purataḥ 'amba yadi tavānugrahānmama kācitkanyakā jāyeta tadā tvannāmadheyāṃ tāṃ tattulitena suvarṇena saha kasmaiccicaturvedavide dīnāya ca varāya dāsyāmi' iti saṅkalpitavān | tataḥ katipayaireva divasaistasyāḥ prasādādeṣā kanyā jātā | ayaṃ cāsyāḥ pāṇigrahaṇasamayaḥ | ato'nayā tulitaṃ suvarṇaṃ dātuṃ tvatto'nyo nāstīti matvā tvāntikamahamāgamam | tanmamemaṃ manorathaṃ paripūrayatu bhavān” iti nivedayāmāsa | tato rājā bhāṇḍārikamāhūya 'etasmai brāhmaṇāyaitatkanyāparimitaṃ suvarṇaṃ dehi' ityādideśa | koṣādhyakṣo'pi 'mahāprasādaḥ' ityuktvā tasmai viprāya tāvatkāñcanaṃ dadau | brāhmaṇo'pyatisantuṣṭaḥ kanyayā saha jagāma | tato rājāpi śubhe muhūrte puraṃ praviveśa | " iti pāñcālikodīritāṃ kathāṃ niśamya bhojastūṣṇīṃ nirjagāma iti ṣoḍaśamupākhyānam atha saptadaśamupākhyānam punarapi rājānaṃ bhojamāgatamanyā sālabhañjikābravīt 'rājannatra siṃhāsane samupeṣṭuṃ sa eva kṣamaḥ yo vikrama ivaudāryādiguṇabhūṣitaḥ' iti | rājā 'sālabhañjike kathaya tasyaudāryādikam' ityapṛcchata | tataḥ sālabhañjikā kathayāmāsa — "rājanaudāryeṇaiva triṣvapi bhuvaneṣu vikramasya kīrtirvistṛtābhavat | sarve janāstameva tuṣṭuvuḥ | loke hi puruṣasyaudāryamevotttamo guṇaḥ, na tu śauryādayaḥ | tathā coktam — yudhyanti pakṣiṇaścavaḥ paṭhanti śukasārikāḥ dadāti dānaṃ yaḥ ko'pi sa śūraḥ sa ca paṇḍitaḥ - [Previous: 5.1-5.p1](https://indike.org/pramana/in.lit.short_stories.vikramarkacaritra.5.1-5.p1) - [Next: 6.1-2](https://indike.org/pramana/in.lit.short_stories.vikramarkacaritra.6.1-2) - [Up: 6](https://indike.org/pramana/in.lit.short_stories.vikramarkacaritra.6) ## Linked texts (1) - [Southern recension](https://indike.org/pramana/in.lit.short_stories.simhasana*southern.18.5) — Sanskrit --- Source: [https://indike.org/pramana/in.lit.short_stories.vikramarkacaritra.6.1](https://indike.org/pramana/in.lit.short_stories.vikramarkacaritra.6.1) · Pramāṇa