[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.2-3 # Vikramarkacaritra 6.2-3 Vikramārkacaritra 6.2-3 - **Language:** Sanskrit ### [6.2-3](https://indike.org/pramana/in.lit.short_stories.vikramarkacaritra.6.2-3) ' iti evaṃ teṣāṃ vacanaṃ śrutvā vikramaḥ saṃnidhāya tānavadat - 'bho vaideśikāḥ kimevamucyate ? | yāvatpuruṣeṇa pauruṣaṃ sāhasaṃ ca na kriyate tāvatsarvamapi durlabham | pauruṣe sāhase ca kṛte durlabhānyapi vastūni sulabhāni bhavanti' iti | tacchrutvā vaideśikā apṛcchan - 'bho mahāsattva tarhi kiṃ kāryaṃ kathaya' iti | rājā pratyavadat - 'mahāpuruṣadarśanameva kāryam | asmānnagarādvādaśayojanataḥ paraṃ mahāraṇyamadhye viṣamaḥ kaścitparvato'sti | tadupari mahānubhāvo'ṇimādisiddhiyuktaśca trikālanātho nāma kaścidyogī vidyate | sa tu sevito vāñchitārthaṃ dāsyati | ahaṃ tatra gamiṣyāmi' iti | tato vaideśikāḥ ' vayamapyāgamiṣyāmaḥ' ityūcuḥ | rājā sukhamāgamyatāmityāha | tataste rājñā saha nirgatya mahadaraṇyamativiṣamaṃ dṛṣṭvā rājānaṃ papracchuḥ - 'bho mahāsattva kiyadare parvato'sti ?' iti | rājā 'ito'ṣṭau yojanāni vartate' iti prāha | tato vaideśikāḥ 'tarhi vayaṃ nāgāmaṣyāmaḥ | mahadūramasti | mārge'pyativiṣama iva dṛśyate' ityūcuḥ | rājā prāha - vaideśikāḥ, vyavasāyināṃ kiṃ nāma dūram ? | tathā hi vadanti - nātyuccaśikharo merunītinīcaṃ rasātalam vyavasāyavatāṃ puṃsāṃ nāpāraśca mahodadhiḥ - [Previous: 6.1-4](https://indike.org/pramana/in.lit.short_stories.vikramarkacaritra.6.1-4) - [Next: 6.1-5](https://indike.org/pramana/in.lit.short_stories.vikramarkacaritra.6.1-5) - [Up: 6](https://indike.org/pramana/in.lit.short_stories.vikramarkacaritra.6) ## Linked texts (1) - [Southern recension](https://indike.org/pramana/in.lit.short_stories.simhasana*southern.20.p4) — Sanskrit --- Source: [https://indike.org/pramana/in.lit.short_stories.vikramarkacaritra.6.2-3](https://indike.org/pramana/in.lit.short_stories.vikramarkacaritra.6.2-3) · Pramāṇa