[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.2-5 # Vikramarkacaritra 6.2-5 Vikramārkacaritra 6.2-5 - **Language:** Sanskrit ### [6.2-5](https://indike.org/pramana/in.lit.short_stories.vikramarkacaritra.6.2-5) iti ślokaṃ paṭhannamaskṛtya bahvībhiḥ stutibhiḥ stutvā raṅgamaṇḍape viśaśrāma tatra kaścidbrāhmaṇaḥ samāgatya rājasamīpe samupaviveśa | tadātve rājā tamapṛcchat 'bho brāhmaṇa kutastyo bhavān ?' iti | sa prāha 'ahaṃ tīrthayātāparaḥ kaścidbrāhmaṇaḥ | bhavānkutaḥ samāyātaḥ ?' iti | tato rājā 'ahamapi bhavāniva tīrthayātrāparaḥ kaścit' iti pratyavadat | anantaraṃ sa vipraḥ rājānaṃ samyagavalokya pṛcchati sma - 'bhavānatitejasvī dṛśyate | sarvāṇi rājalakṣaṇāni tvayi sandṛśyante | tvaṃ rājasiṃhāsanamarhasi | kutaḥ pṛthivīṃ paryaṭasi ?' iti | rājā pratyabravīt - 'ahamujjayinīpatiḥ vikramātmānaṃ māmāhuḥ | nānādeśasamālokanautsukyātkevalaṃ pṛthivīṃ paryaṭāmi' iti | brāhmaṇaḥ—'yathā tathā vā bhavatu | lalāṭalikhitaṃ na ko'pi laṅghayitumīṣṭe tathā ca paurāṇikāḥ — hariṇāpi hareṇāpi brahmaṇāpi surairapi lalāṭalikhitā rekhā parimārṭuṃ na śakyate - [Previous: 6.1-6](https://indike.org/pramana/in.lit.short_stories.vikramarkacaritra.6.1-6) - [Next: 6.1-7](https://indike.org/pramana/in.lit.short_stories.vikramarkacaritra.6.1-7) - [Up: 6](https://indike.org/pramana/in.lit.short_stories.vikramarkacaritra.6) --- Source: [https://indike.org/pramana/in.lit.short_stories.vikramarkacaritra.6.2-5](https://indike.org/pramana/in.lit.short_stories.vikramarkacaritra.6.2-5) · Pramāṇa