[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.2 # Vikramarkacaritra 6.2 Vikramārkacaritra 6.2 - **Language:** Sanskrit ### [6.2](https://indike.org/pramana/in.lit.short_stories.vikramarkacaritra.6.2) iti āryebhyo yathāśakti dadyāt | dharmasthāne mṛṣā na bhāṣeta | manasā vācā karmaṇā ca paropakāraṃ kurvīta' iti | ito'nyāśca bahuvidhā nītīrvikramasya prajā anvasaran | evaṃ rājyaṃ kurvati tasminnekadā kaścidvaideśiko brāhmaṇastatsabhāmājagāma | rājā taṃ dṛṣṭvā yathocitāsanadānādinā sambhāvya 'ko bhavān ? kasmāddeśādāgamyate bhavatā ?' iti papraccha | brāhmaṇo'pi 'ahaṃ vaideśikaḥ | mama ko'pi nivāso nāsti | sarvadā paribhramanneva kālaṃ nayāmi' ityāha | tato rājā 'pṛthvīparyaṭanāttvayā kimapūrva dṛṣṭam ? kathaya' iti punaḥ papraccha | tadā brāhmaṇaḥ prāha - 'deva, udayaparvate mahānādityasya prāsādo'sti | tatra gaṅgā nāma kācinnadī pravahati | tatpravāhasyāntaḥ kaścitsuvarṇastambho'sti | tasyopari navaratnakhacitaṃ siṃhāsanamekaṃ vartate | sa ca suvarṇastambhaḥ prāgudayati vibhāvasau pravāhānnirgamya gaganamadhyagate ravau tasminsvayamapi krameṇa tasya saṃnihito bhavati | astamupagacchati ca tasminsvayamapi krameṇāvatīrya gaṅgāpravāhe nimajjati | pratidinamevaṃ tatra pravartamānaṃ mahadāścaryaṃ mayā dṛṣṭam' iti | tato rājā vikramo'pi tena sahodayagiriṃ gatvā rātrau sukhaṃ suṣuvāpa | prabhātāyāṃ ca śarvaryāmudayamāne ca savitari gaṅgāpravāhātsiṃhāsanayukto hemastambho mandaṃ mandaṃ nirjagāma | rājāpi stambhāgrasthitasiṃhāsane samupaviveśa | stambho'pi krameṇa sūryamaṇḍalasamīpaṃ jagāma | tāvadagnikaṇasamudgāribhiḥ sūryakiraṇairadahyata rājñaḥ śarīram | tathāpi rājā māṃsapiṇḍībhūtena śarīreṇa sūryamaṇḍalaṃ prāpyāstauṣīt — namaḥ savitre jagadekacakṣuṣe jagatprasūtisthitināśahetave trayīmayāya triguṇātmadhāriṇe viriścinārāyaṇaśaṃkarātmane - [Previous: 6.1-2](https://indike.org/pramana/in.lit.short_stories.vikramarkacaritra.6.1-2) - [Next: 6.1-3.1](https://indike.org/pramana/in.lit.short_stories.vikramarkacaritra.6.1-3.1) - [Up: 6](https://indike.org/pramana/in.lit.short_stories.vikramarkacaritra.6) ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.6.1.32.19_136) — Sanskrit - [Southern recension](https://indike.org/pramana/in.lit.short_stories.simhasana*southern.18.5) — Sanskrit --- Source: [https://indike.org/pramana/in.lit.short_stories.vikramarkacaritra.6.2](https://indike.org/pramana/in.lit.short_stories.vikramarkacaritra.6.2) · Pramāṇa