[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.5 # Vikramarkacaritra 6.5 Vikramārkacaritra 6.5 - **Language:** Sanskrit ### [6.5](https://indike.org/pramana/in.lit.short_stories.vikramarkacaritra.6.5) iti anantaraṃ samānavayobhiḥ priyamitrairgoṣṭhīṃ kurvannāsta | krameṇa marīcimālī ca caramagiriśikharamavatatāra | atha rājā samutthāya sāyantanaṃ karma parisamāpya bhojanānantaraṃ śayanagṛhaṃ praviśya tatra śaśikaranikaraprabhābhāsuraghaṭaparistīrṇe surabhikusumabisaravikrīrṇe vicitratarāvatānasamullāsite paryaṅke sukhaṃ suṣuvāpa prabhātasamaye svapne svayamātmānaṃ mahiṣamāruhya dakṣiṇāṃ diśaṃ gacchantaṃ dṛṣṭvā sahasā prabuddho viṣṇuṃ smaransamutthāya sandhyākarma samanuṣṭhāya siṃhāsane samupaviṣṭo brāhmaṇānāṃ purataḥ svapnavṛttāntamakathayat | tacchrutvā sarvajñabhaṭṭanāmā vipravaraḥ prāha— ‘rājan, svapnā dvividhāḥ śubhāḥ aśubhāśceti | tatra śubhāḥ śubhaṃ phalaṃ prayacchanti | aśubhāścāśubhaphalam | yatra govṛṣabhakuñjarādīnāṃ prāsādaśailāgrādīnāṃ cārohaṇam, nitāntaraোদনm, viṣṭhānulepanam, agamyāgamanaṃ ca te śubhāḥ | tathā ca svapnādhyāye— ārohaṇaṃ govṛṣakuñjarāṇāṃ prāsādaśailāgravanaspatīnām viṣṭhānulepo ruditaṃ nitāntaṃ śubhānyagamyāgamanaṃ tathaiva - [Previous: 6.4](https://indike.org/pramana/in.lit.short_stories.vikramarkacaritra.6.4) - [Next: 6.6](https://indike.org/pramana/in.lit.short_stories.vikramarkacaritra.6.6) - [Up: 6](https://indike.org/pramana/in.lit.short_stories.vikramarkacaritra.6) ## Linked texts (1) - [Southern recension](https://indike.org/pramana/in.lit.short_stories.simhasana*southern.23.p6) — Sanskrit --- Source: [https://indike.org/pramana/in.lit.short_stories.vikramarkacaritra.6.5](https://indike.org/pramana/in.lit.short_stories.vikramarkacaritra.6.5) · Pramāṇa