[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 6.9 # Vikramarkacaritra 6.9 Vikramārkacaritra 6.9 - **Language:** Sanskrit ### [6.9](https://indike.org/pramana/in.lit.short_stories.vikramarkacaritra.6.9) aruṇodayavelāyāṃ daśāhena phalaṃ bhavet govisarjanavelāyāṃ sadyaḥ svapnaphalaṃ bhavet ### [6.9.p1](https://indike.org/pramana/in.lit.short_stories.vikramarkacaritra.6.9.p1) iti kiṃ bahunā ?| rājan, bhavatānubhūto duḥsvapnaḥ | ato'niṣṭaṃ phalaṃ te dadyāt ’ iti | tacchrutvā rājā ‘bho brāhmaṇasya duḥsvapnasya kīdṛśaṃ prāyaścittamanutiṣṭhāmi ?’ ityapṛcchat | sarvajñabhaṭṭaḥ prāha— ‘bhūpāla puṇyatīrthe snātvā savastrālaṅkaraṇaḥ santrājyāvekṣaṇaṃ kṛtvā tadvastrādikaṃ brāhmaṇāya dehi | punarnavavastrābharaṇādikaṃ dhṛtvā devasyābhiṣekaṃ kṛtvā navabhī ratnaiḥ saṃpūjya brāhmaṇebhyo gavādidaśadānāni dehi | dīnāndhabadhirakubjādibhyo bhūri prayaccha anenānuṣṭhānena brāhmaṇāśīrvādena ca duḥsvapnajātāriṣṭaṃ śāntimeṣyati' iti rājāpyetatsarvajñabhaṭṭavacanaṃ śrutvā yathoktamanuṣṭhāya bhūridānārthaṃ dinatrayaṃ kośāgāramarthisāṃdakarot | yathābhilaṣitaṃ sarve jagṛhuḥ | ” iti kathāṃ kathayitvā pāñcālikā rājānamabravīt - 'bho rājaṃstvayyevamaudāryaṃ kiṃ vidyate ?' iti | tacchrutvā bhojastūṣṇīṃ babhūva iti trayoviṃśamupākhyānam atha caturviṃśamupākhyānam punarapi bhojabhūpālaṃ siṃhāsanasamārurukṣayā samāgataṃ sālabhañjikāparā samākṣipya samabhāṣata - 'bho rājannasminsiṃhāsane samāroḍhuṃ vikramārkasadṛśa eva kṣamaḥ' iti | rājāpṛcchat - 'kathaya tasya guṇān' iti | sābravīt - "mahīpāla vikramasya rājye purandarapurī nāma kācana nagarī samabhūt | tatra mahādhanikaḥ kaścidvaṇigāsīt | tasya catvāraḥ putrāḥ sambabhūvuḥ sa vaiśyo maraṇasamaye caturaḥ putrānāhūyāvadat - 'bhoḥ putrāḥ, mayi parete bhavatāṃ parasparaṃ maitrī bhavedvā na vā | tadahamadyaiva bhavatāṃ caturṇāṃ jyeṣṭhānukrameṇa vibhāgaṃ karavāṇi' iti | putrāśca 'yathocitaṃ kriyatām' ityūcuḥ | tataḥ pitā yathocitaṃ vibhāgaṃ kṛtvā putrāṃntrovāca - 'asya mañcasya caturṇāṃ pādānāmadhastāccatvāro bhāgā nihitāḥ tānjyeṣṭhakrameṇa gṛhṇītam' iti | putrāḥ 'bāḍham' ityaṅgīcakruḥ | tataḥ pitari paralokaṃ gate catvāro bhrātaro māsamekañca tasthuḥ | tataḥ krameṇa teṣāṃ kalahaḥ samudiyāya | tadā jyāyānuvāca - 'kimarthaṃ kolāhalaḥ kriyate ? | tātasyādeścaturṇāṃ vibhāgaḥ pūrvameva kṛtaḥ | tanmañcādhaḥsthitaṃ dravyaṃ gṛhītvā vibhaktā eva sukhinastiṣṭhāmaḥ' iti | anantaraṃ sarve'pi mañcādhaśvakhanan | tatra caturṇāṃ pādānāṃ tale catvāri tāmrasaṃpuṭāni dṛṣṭāni | teṣāmekasma saṃpuṭe mṛta, ekatroṅgāraḥ, anyatrāsthīni, paratra palālaṃ cāsīt | vastra dṛṣṭvā te catvāraḥ parasparaṃ vismitāḥ procuḥ - 'aho asmatpitrā samyageva vibhāgaḥ kṛtaḥ | paraṃ tu kimatra nidānamiti na jñāyate ### [6.9.p2](https://indike.org/pramana/in.lit.short_stories.vikramarkacaritra.6.9.p2) iti | anantaraṃ rājasabhāṃ praviśya nivedayāmāsuḥ | tacchrutvā sabhyā nirṇayaṃ --- Source: [https://indike.org/pramana/in.lit.short_stories.vikramarkacaritra.6.9](https://indike.org/pramana/in.lit.short_stories.vikramarkacaritra.6.9) · Pramāṇa