[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Story collections and fables](https://indike.org/pramana/in.lit.short_stories) › [Vikramarkacaritra](https://indike.org/pramana/in.lit.short_stories.vikramarkacaritra) › 7.6 # Vikramarkacaritra 7.6 Vikramārkacaritra 7.6 - **Language:** Sanskrit ### [7.6](https://indike.org/pramana/in.lit.short_stories.vikramarkacaritra.7.6) ' iti tato devarājaḥ kāmadhenumabhāṣata — 'surabhe martyalokaṃ gatvā vikramasya paropakārādīnguṇānsamyagavagamya mama nivedaya' iti | atha sā surabhirmartyalokaṃ samāgatya vikramārkasya hṛdayaparīkṣārthaṃ kutrāpi tadāgamanamārge durbalā satī mahāpaṅke nimagnā paramaṃ viṣādamabhinayantī samabhūt | vikramo'pi tāmālokya sahasā svadehābhimānamapahāya duravagāhe paṅke praviśya svayameva tāṃ paṅkādākṛṣya tīraṃ nītvā prakṣālya śanairghasamuṣṭiṃ dattvā kaṇḍūyanādibhirupacacāra | tataḥ surabhirnijarūpaṃ dhṛtvā prasannacittā satī 'rājanprītāsmi tavānenopacāreṇa īpsitaṃ prārthayasva' iti vyājahāra | rājāpi 'yadi prītāsi tarhi nijarūpeṇa mama gṛhe sarvadā nivase' iti prārthayata | sāpi tathetyuktvā tadāprabhṛti vikramavaśagā babhūva | atha kadācitkaścidvipraḥ samāgatya vikramāyāśiṣaṃ prayujyāvādīt — ' rājansarvānahaṃ yāce na māṃ kaścana yācate aho daivavipāko'yamīśvarāṇāmapīśvaraḥ - [Previous: 7.5](https://indike.org/pramana/in.lit.short_stories.vikramarkacaritra.7.5) - [Next: 7.7](https://indike.org/pramana/in.lit.short_stories.vikramarkacaritra.7.7) - [Up: 7](https://indike.org/pramana/in.lit.short_stories.vikramarkacaritra.7) --- Source: [https://indike.org/pramana/in.lit.short_stories.vikramarkacaritra.7.6](https://indike.org/pramana/in.lit.short_stories.vikramarkacaritra.7.6) · Pramāṇa