[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Therapeutics](https://indike.org/pramana/in.med.cikitsa) › [Pharmaceutical preparations](https://indike.org/pramana/in.med.cikitsa.kalpana) › [Fermented Liquors and Distillates](https://indike.org/pramana/in.med.cikitsa.kalpana.sandhana) › [Arkaprakasha](https://indike.org/pramana/in.med.cikitsa.kalpana.sandhana.arkaprakasa-2) › 2 # Arkaprakasha 2 Arkaprakāśa 2 - **Language:** Sanskrit ### [2.1](https://indike.org/pramana/in.med.cikitsa.kalpana.sandhana.arkaprakasa-2.2.1) iti laṃkeśarāvaṇakṛtārkaprakāśe prathamaṃ śatakaṃ samāptam ### [2.1-2](https://indike.org/pramana/in.med.cikitsa.kalpana.sandhana.arkaprakasa-2.2.1-2) rāvaṇa uvāca athātaḥ sampravakṣyāmi hārkaniḥ sāraṇaṃ priye pañcaprakāradravyasya kuryānniṣkāsanaṃ budhaḥ ### [2.2](https://indike.org/pramana/in.med.cikitsa.kalpana.sandhana.arkaprakasa-2.2.2) atyantakaṭhinaṃ cādyaṃ kaṭhinaṃ ca dvitīyakam ārdre tṛtīyamuddiṣṭaṃ caturthaṃ palvalaṃ bhavet pañcamaṃ tu dravadravyaṃ teṣāṃ vidhirathocyate ### [2.3](https://indike.org/pramana/in.med.cikitsa.kalpana.sandhana.arkaprakasa-2.2.3) busavaccūrṇayeddravyamatyantakaṭhinaṃ tu vai dviguṇe nikṣipettoye chāyāyāṃ sthāpayettu tat ### [2.4](https://indike.org/pramana/in.med.cikitsa.kalpana.sandhana.arkaprakasa-2.2.4) yāvacchuṣkaṃ bhavettoyaṃ dravyaṃ syācchithilaṃ tathā tataḥ punaḥ kṣipettoyaṃ pūrvadravyasamaṃ bhiṣak ### [2.5](https://indike.org/pramana/in.med.cikitsa.kalpana.sandhana.arkaprakasa-2.2.5) kṛtvā'ṣṭapraharaistaptaṃ sūryacandrakarairalam sampūjya gaṇapaṃ sūryaṃ bhairavaṃ kuladevatām nikṣipedarkayaṃtre tacchitvā'syārkaṃ samāharet ### [2.6](https://indike.org/pramana/in.med.cikitsa.kalpana.sandhana.arkaprakasa-2.2.6) arkayogyadravya varṣādhikaṃ tu yaddravyamatyantakaṭhinaṃ ca yat candanādīni sarvāṇi hyatyantakaṭhināni hi ### [2.7](https://indike.org/pramana/in.med.cikitsa.kalpana.sandhana.arkaprakasa-2.2.7) kīṭairbhuktaṃ ghuṇairbhuktaṃ yacca gaṃdhavivarjitam rahitaṃ ca rasenāpi nārkakarmaṇi yojayet ### [2.8](https://indike.org/pramana/in.med.cikitsa.kalpana.sandhana.arkaprakasa-2.2.8) yathārke saṃsthitaṃ dravyaṃ kuryānnaroktustathā vapuḥ arkaṃ taruṇabhaiṣajyaṃ tasmātsaṃyojayetpriye ### [2.9](https://indike.org/pramana/in.med.cikitsa.kalpana.sandhana.arkaprakasa-2.2.9) kaṭhina dravyoṃ ke arka kī vidhi yabānyajājītrikaṭubhūnimbādikamauṣadham ### [2.10](https://indike.org/pramana/in.med.cikitsa.kalpana.sandhana.arkaprakasa-2.2.10) jñeyaṃ tatkaṭhinaṃ dravyaṃ tadarkasya vidhiṃ śṛṇu dviguṇaṃ nikṣipettoyaṃ dravye hi kaṭhine priye ### [2.11](https://indike.org/pramana/in.med.cikitsa.kalpana.sandhana.arkaprakasa-2.2.11) aṣṭapraharakaṃ taṃ ca kuryātparyāyamekakam rakṣeddravyaṃ dviguṇitaṃ dṛṣṭvā deśaṃ tu kālakam paścāddattvārkayaṃtre tadarkaṃ niṣkāsayecchanaiḥ ### [2.12](https://indike.org/pramana/in.med.cikitsa.kalpana.sandhana.arkaprakasa-2.2.12) ārdraṃ dravyaṃ dvidhā proktaṃ sarasaṃ nīrasaṃ tathā sadugdhaṃ guptarasakaṃ dvidhā nīrasamucyate ### [2.13](https://indike.org/pramana/in.med.cikitsa.kalpana.sandhana.arkaprakasa-2.2.13) vāstukaṃ sārṣapaṃ śākaṃ nirguṇḍacairaṇḍamārkavam dhattūrādyamidaṃ sarvamārdraṃ sarasamucyate ### [2.14](https://indike.org/pramana/in.med.cikitsa.kalpana.sandhana.arkaprakasa-2.2.14) eṣāṃ nālāṃścūrṇayitvā viṃśāṃśaṃ nikṣipejjalam muhūrtamuṣṇe saṃsthāpya grāhyo'rko vibudhottamaiḥ ### [2.14-2](https://indike.org/pramana/in.med.cikitsa.kalpana.sandhana.arkaprakasa-2.2.14-2) vaidya yaṃtra se inakā arka nikāla leve ### [2.15](https://indike.org/pramana/in.med.cikitsa.kalpana.sandhana.arkaprakasa-2.2.15) patrāṇi ca śatāṃśena tulyatoyena secayet dadyādghaṭīmakakare tato'rkaṃ kalayecchanaiḥ ### [2.16](https://indike.org/pramana/in.med.cikitsa.kalpana.sandhana.arkaprakasa-2.2.16) vaṭāśvatthakarīrādyamārdradravyaṃ tu nīrasam ### [2.17](https://indike.org/pramana/in.med.cikitsa.kalpana.sandhana.arkaprakasa-2.2.17) viśāṃśaṃ nikṣipettoyaṃ yāsyaṃ gharme ca dhārayet tato niṣkāsayedarkaṃ kramavṛddhyagninoktavat ### [2.18](https://indike.org/pramana/in.med.cikitsa.kalpana.sandhana.arkaprakasa-2.2.18) sadugdhaṃ tu dvidhā proktaṃ mṛdutīkṣṇamiti kramāt śātalāvajrasehuṃḍaśauriṇyādyāstu tīkṣṇakāḥ ### [2.19](https://indike.org/pramana/in.med.cikitsa.kalpana.sandhana.arkaprakasa-2.2.19) khaṃḍāni teṣāṃ kṛtvā'tha nikṣipeduṣṇake jale dinatraye tu niṣkāsya toyaṃ dadyācca kuṭṭayet ### [2.20](https://indike.org/pramana/in.med.cikitsa.kalpana.sandhana.arkaprakasa-2.2.20) yāvanna dṛśyate dugdhaṃ dadyāttoyaṃ daśāṃśakam śanairniṣkāsayedarkaṃ sa tu tīkṣṇārkasaṃjñakaḥ ### [2.21](https://indike.org/pramana/in.med.cikitsa.kalpana.sandhana.arkaprakasa-2.2.21) dugdhidhakārkakṣīriṇyādyā mṛdudugdhāḥ prakīrtitāḥ jale caturguṇe dadyāttān gharme viniveśayet ### [2.22](https://indike.org/pramana/in.med.cikitsa.kalpana.sandhana.arkaprakasa-2.2.22) yāvajjalasyoṣṇatā syāttato yaṃtre vinikṣipet śanairniṣkāsayedarkaṃ tatorko mṛdusaṃjñakaḥ ### [2.23](https://indike.org/pramana/in.med.cikitsa.kalpana.sandhana.arkaprakasa-2.2.23) khaṇḍīkṛtvaiva cāmrāṇāṃ phalānāṃ mṛdupākinām sarasānāṃ ca gṛhṇīyādaka toyena varjitaḥ ### [2.24](https://indike.org/pramana/in.med.cikitsa.kalpana.sandhana.arkaprakasa-2.2.24) kāṣṭhaudumbarikādīnāmāmrāṇāṃ dārubhāginām kṛtvā svalpāni khaṇḍāni aśītyaṃśaṃ pradāpayet ### [2.25](https://indike.org/pramana/in.med.cikitsa.kalpana.sandhana.arkaprakasa-2.2.25) pṛthak pṛthak caturvāraṃ svarjikṣāraṃ ca saindhavam dattvā vimardayetsarvaṃ catvāriṃśāṃśakaṃ jalam ### [2.26](https://indike.org/pramana/in.med.cikitsa.kalpana.sandhana.arkaprakasa-2.2.26) kṣiptvā tatkalaśe gharme yāmārdhenoṣṇatā bhavet tato yantre hi taddatvā gṛhṇīyādarkamuttamam ### [2.27](https://indike.org/pramana/in.med.cikitsa.kalpana.sandhana.arkaprakasa-2.2.27) atipakvaphalānāṃ tu vitoyaṃ cārkamāharet puṣpārkārthaṃ ṣoḍaśāṃśajalaṃ puṣpeṣu cārpayet ### [2.28](https://indike.org/pramana/in.med.cikitsa.kalpana.sandhana.arkaprakasa-2.2.28) athavā kaṭuphalādīni cilhikādīni yāni ca prakṣepyānyudake tāni bahudhā doṣaśāṃtaye tataścatvāriṃśadaṃśaṃ jalaṃ dattvā samāharet ### [2.29](https://indike.org/pramana/in.med.cikitsa.kalpana.sandhana.arkaprakasa-2.2.29) tadarkamatha ca drāvadravyārkopāya ucyate ### [2.30](https://indike.org/pramana/in.med.cikitsa.kalpana.sandhana.arkaprakasa-2.2.30) dravadravyakṣepaṇe ca procyate bādhakalpanā pidhānāni vicitrāṇi teṣāmaṃto na vidyate ### [2.31](https://indike.org/pramana/in.med.cikitsa.kalpana.sandhana.arkaprakasa-2.2.31) śatapatraprasūnairvā jātyutthairmālatībhavaiḥ pārijātaiḥ ketakijairvā pidhānaṃ samācaret ### [2.32](https://indike.org/pramana/in.med.cikitsa.kalpana.sandhana.arkaprakasa-2.2.32) dugdhe dadhnyathavā takke kṣaudre taile ca sarpiṣi sūtrādo devatoye ca camvelyādi pidhānakam ### [2.33](https://indike.org/pramana/in.med.cikitsa.kalpana.sandhana.arkaprakasa-2.2.33) kāntayāyasasatvasya kṛtaṃ pātramanuttamam niṣkāsayedevamarkaṃ dravadravyasya nānyathā ### [2.34](https://indike.org/pramana/in.med.cikitsa.kalpana.sandhana.arkaprakasa-2.2.34) atha ca stambhakaṃ dravyaṃ dadhno hi navanītakam dṛḍhabilvo jalasyokto madhūcchiṣṭaṃ tu sarpiṣaḥ ### [2.35](https://indike.org/pramana/in.med.cikitsa.kalpana.sandhana.arkaprakasa-2.2.35) gokaṇṭakastu dugdhasya tathā madyasya kīcakam tailasya tasya piṇyākaṃ sarvaṃ ghṛtasamanvitam ### [2.36](https://indike.org/pramana/in.med.cikitsa.kalpana.sandhana.arkaprakasa-2.2.36) yaṃtre datvā dravadravyaṃ yathā sthālīniveśanas tathā sthalaṃ sthāpayitvā dravyairyaṃtraṃ prapūrayet ### [2.37](https://indike.org/pramana/in.med.cikitsa.kalpana.sandhana.arkaprakasa-2.2.37) ācchādyaṃ sārikaiḥ pūrṇaṃ sthālīṃ kuryādadhomukhīm tathā cākarṣitaḥ sarvo dravaḥ phenaṃ parityajet ### [2.38](https://indike.org/pramana/in.med.cikitsa.kalpana.sandhana.arkaprakasa-2.2.38) durgandhiryo bhavedarkastaṃ kuryāccārugandhakam sarveṣāmeva māṃsānāṃ durgandhānāṃ ca sarvaśaḥ ### [2.39](https://indike.org/pramana/in.med.cikitsa.kalpana.sandhana.arkaprakasa-2.2.39) ghṛtābhyaktā hiṃgujīramethikā rājikākṛtāḥ navīnāyāṃ haṃḍikāyāṃ dadyāddhūpaṃ punaḥ punaḥ ### [2.40](https://indike.org/pramana/in.med.cikitsa.kalpana.sandhana.arkaprakasa-2.2.40) tatra dadyāttadarkaṃ tu yathā durgandhatā vrajet tathā punaḥ punaḥ kāryaṃ jāyate gandhavāraṇam āyāti rocako gandho sa bhavedvahnidīpanaḥ ### [2.41](https://indike.org/pramana/in.med.cikitsa.kalpana.sandhana.arkaprakasa-2.2.41) hai||38-39-40 arka ko gaṃdhaka kī vāsanā denā sarveṣvarkaprayogeṣu gaṃdhapāṣāṇavāsanā arkārṇāṃ tu pradātavyā te bhavaṃtyarkasambhavāḥ ### [2.42](https://indike.org/pramana/in.med.cikitsa.kalpana.sandhana.arkaprakasa-2.2.42) sarvatra vātarogeṣu mahiṣākṣādivāsanā ### [2.43](https://indike.org/pramana/in.med.cikitsa.kalpana.sandhana.arkaprakasa-2.2.43) mahiṣākṣastathā rālaṃ niryāsaḥ saralasya ca kṛṣṇāgurulavaṅgaṃ ca mahiṣākṣāhipañcakam ### [2.44](https://indike.org/pramana/in.med.cikitsa.kalpana.sandhana.arkaprakasa-2.2.44) sarveṣu pittarogeṣu candanādi ca vāsanam sarveṣu kapharogeṣu jaṭāmāṃsyādivāsanam ### [2.45](https://indike.org/pramana/in.med.cikitsa.kalpana.sandhana.arkaprakasa-2.2.45) candanādivāsanā candanaṃ ca tathośīraṃ karpūro gandhabākucī elā kacūriṇī dhūlī saptaite candanādayaḥ ### [2.45-2](https://indike.org/pramana/in.med.cikitsa.kalpana.sandhana.arkaprakasa-2.2.45-2) candanādi vāsanā kā gaṇa hai ### [2.46](https://indike.org/pramana/in.med.cikitsa.kalpana.sandhana.arkaprakasa-2.2.46) jaṭāmāṃsyādi vāsanā jaṭāmāṃsī nakhaṃ patrī lavaṅgaṃ tagaraṃ rasaḥ śilāyā gandhapāṣāṇaḥ sapta māṃsyādikā amī ### [2.47](https://indike.org/pramana/in.med.cikitsa.kalpana.sandhana.arkaprakasa-2.2.47) tridopanāśaka dhūpa vāsayeddvādaśāṅgena tridoṣaghnena cārkakam naśyanti yasya dhūpena upagrahapiśācakāḥ ### [2.48](https://indike.org/pramana/in.med.cikitsa.kalpana.sandhana.arkaprakasa-2.2.48) daśāṃgadhūpa pañcāṃśo gandhapāṣāṇastāvanmahiṣagugguluḥ caturāṃśaṃ candanaṃ ca jaṭāmāṃsī ca tāvatī ### [2.49](https://indike.org/pramana/in.med.cikitsa.kalpana.sandhana.arkaprakasa-2.2.49) tribhāgaḥ sarjakaḥ kṣārastāvadeva hi rālakam uśīraṃ ca dvibhāgaṃ syādghṛtamaṣṭanakhaṃ samam ### [2.50](https://indike.org/pramana/in.med.cikitsa.kalpana.sandhana.arkaprakasa-2.2.50) karpūro mṛganābhistu hokabhāgau prakīrtitau eṣo daśāṅgadhūpastu rudrasyāpi mano haret ### [2.51](https://indike.org/pramana/in.med.cikitsa.kalpana.sandhana.arkaprakasa-2.2.51) palāṇḍulaśunādīnāṃ nirgandhīkaraṇaṃ śṛṇu utpādyāntarviṣaṃ samyak takramadhye viniḥkṣipet ### [2.52](https://indike.org/pramana/in.med.cikitsa.kalpana.sandhana.arkaprakasa-2.2.52) paryāyamekamatyasle madhye'sminvirase sati dadyānniskāsyānyatakraṃ kuryāttaccāṣṭyāmakas ### [2.53](https://indike.org/pramana/in.med.cikitsa.kalpana.sandhana.arkaprakasa-2.2.53) droṇīpuṣparaseṣveva sūrvāpatrarase'pi vā triparyāyottaraṃ tattu rasonnaṃ kṣālayetsudhīḥ ### [2.54](https://indike.org/pramana/in.med.cikitsa.kalpana.sandhana.arkaprakasa-2.2.54) haridrārājikātoye sthāpyaṃ paryāyamekakas uṣṇodakena saṃkṣālyaṃ paryāyaṃ vāsayettataḥ ### [2.55](https://indike.org/pramana/in.med.cikitsa.kalpana.sandhana.arkaprakasa-2.2.55) sahasrapatraiḥ puṣpairvā abhāve pallavairapi āloḍayeddaśāṃśena paṃcāṃśena ca vāsanā ### [2.56](https://indike.org/pramana/in.med.cikitsa.kalpana.sandhana.arkaprakasa-2.2.56) yuktaṃ kṛtvā yāmamātraṃ sthāpayetprakaṭātape tato niṣkāsayedarkaṃ jātyādikapidhānakam ### [2.57](https://indike.org/pramana/in.med.cikitsa.kalpana.sandhana.arkaprakasa-2.2.57) tasyārkasya sugaṃdhena ekadā mohito haraḥ ko jānāti rasonasya hyarko'yamiti bhūtale ### [2.58](https://indike.org/pramana/in.med.cikitsa.kalpana.sandhana.arkaprakasa-2.2.58) māṃsa ke arka kī praśaṃsā ekataḥ sarva evārkā māṃsārkastu tathaikataḥ mayā svargo gṛhītastu prāptaṃ tatra mayā'mṛtam ### [2.59](https://indike.org/pramana/in.med.cikitsa.kalpana.sandhana.arkaprakasa-2.2.59) tadā proktaṃ śivasyāgre mama dhigjīvanaṃ prabho nītā vātha prayuktā vā sudhā devairmayā tu sā ### [2.60](https://indike.org/pramana/in.med.cikitsa.kalpana.sandhana.arkaprakasa-2.2.60) na dṛṣṭvā tatra deveśa śiraśchedaṃ karomyaham tataḥ prasanno giriśo vākyaṃ māṃ prati so'bravīt ### [2.61](https://indike.org/pramana/in.med.cikitsa.kalpana.sandhana.arkaprakasa-2.2.61) dattaṃ mayā samastaṃ te devāvadhyatvameva ca kiṃ te kāryaṃ tu sudhayā sudhāto'dhikarocanam ### [2.62](https://indike.org/pramana/in.med.cikitsa.kalpana.sandhana.arkaprakasa-2.2.62) sampravakṣyāmi māṃsārkaṃ madyasyārkaṃ tathaiva ca dravyāṇāṃ vijayādīnāṃ labhyate yaiḥ sukhaṃ mahat ### [2.63](https://indike.org/pramana/in.med.cikitsa.kalpana.sandhana.arkaprakasa-2.2.63) māṃsaṃ tu trividhaṃ jñeyaṃ mṛdulaṃ kaṭhinaṃ ghanam teṣāmarkaṃ yathā proktaṃ yaṃtrānniṣkāsayecchanaiḥ ### [2.64](https://indike.org/pramana/in.med.cikitsa.kalpana.sandhana.arkaprakasa-2.2.64) mṛdulaṃ yadbhavenmāṃsaṃ catvāriṃśāṃśakaṃ paṭuḥ sthūlakhaṃḍīkṛte tasmindattvā tatkṣālayejjalaiḥ ### [2.65](https://indike.org/pramana/in.med.cikitsa.kalpana.sandhana.arkaprakasa-2.2.65) ṣaṣṭacaṃśenāṣṭagandhena tadviloḍaya ca nikṣipet rasamikṣoraṣṭamāṃśaṃ tadabhāve payaḥ kṣipet ### [2.66](https://indike.org/pramana/in.med.cikitsa.kalpana.sandhana.arkaprakasa-2.2.66) jātīpatraṃ lavaṃgaṃ ca tvagelānāgakeśaram marīcaṃ mṛganābhiśca vidurgandhāṣṭakaṃ tvidam ### [2.67](https://indike.org/pramana/in.med.cikitsa.kalpana.sandhana.arkaprakasa-2.2.67) kāryaṃ puṣpāpidhānāṃdyamarkaṃ niṣkāsayettataḥ jāyate'sau mahāsvāduḥ sudhārasasamaḥ priye ### [2.68](https://indike.org/pramana/in.med.cikitsa.kalpana.sandhana.arkaprakasa-2.2.68) dṛḍhamāṃsasya khaṃḍāni laghūnyeva prakalpayet dadyācca tuvaraṃ tatra lavaṇaṃ proktyā diśā ### [2.69](https://indike.org/pramana/in.med.cikitsa.kalpana.sandhana.arkaprakasa-2.2.69) kṣālayedāranālena trivāraṃ koṣṇavāriṇā kṣālayetsaptavārāṇi haredarkaṃ tu pūrvavat ### [2.70](https://indike.org/pramana/in.med.cikitsa.kalpana.sandhana.arkaprakasa-2.2.70) ghanamāṃsasya khaṃḍāni kuryādatilaghūni ca āloḍaya śaṃkhadrāveṇa kṣālayetpayasā punaḥ ### [2.71](https://indike.org/pramana/in.med.cikitsa.kalpana.sandhana.arkaprakasa-2.2.71) saptavārāṇi lavaṇaṃ kṣālayedvāsayetpunaḥ tadvatvā yaṃtramadhye tu haretpūrvavadarkakam ### [2.72](https://indike.org/pramana/in.med.cikitsa.kalpana.sandhana.arkaprakasa-2.2.72) svarjikṣāraṃ yavakṣāraṃ śvetakṣāraṃ ca ṭaṃkaṇam saubhāgyakṣārakaṃ sauraṃ kṣāraṃ śaṃkhabhavaṃ tathā ### [2.73](https://indike.org/pramana/in.med.cikitsa.kalpana.sandhana.arkaprakasa-2.2.73) arkasehuṃḍapālāśakṣāraśca tuvarī tathā apāmārgabhavaṃ kṣāraṃ tathā'ṣṭau lavaṇāni ca ### [2.74](https://indike.org/pramana/in.med.cikitsa.kalpana.sandhana.arkaprakasa-2.2.74) lavaṇāṣṭakametacca saindhavaṃ ca suvarcalam viṭaṃ samudrasañjātamudbhidaṃ romakaṃ gaḍam ### [2.75](https://indike.org/pramana/in.med.cikitsa.kalpana.sandhana.arkaprakasa-2.2.75) kṛtvā sarvāṇi caikatra nimbunīreṇa bhāvayet ekaviṃśativārāṇi kācakūpyāṃ niveśayet ### [2.76](https://indike.org/pramana/in.med.cikitsa.kalpana.sandhana.arkaprakasa-2.2.76) nakhāṃśanisbukarasaiḥ sarvamārdrīkṛtaṃ tu tat adhaḥ sacchidrapiṭharīmadhye kūpīṃ niveśayet ### [2.77](https://indike.org/pramana/in.med.cikitsa.kalpana.sandhana.arkaprakasa-2.2.77) mṛtkarpaṭasamāyuktaṃ sahedagniṃ yathāvadhi tasyāgre kūpikā yojyā dīrghakaṇṭhā manoharā ### [2.78](https://indike.org/pramana/in.med.cikitsa.kalpana.sandhana.arkaprakasa-2.2.78) sā kūpikā jale sthāpyā melayecca dvayormukham jalamuṣṇaṃ yathā na syādyathā vopari kūpikā ### [2.79](https://indike.org/pramana/in.med.cikitsa.kalpana.sandhana.arkaprakasa-2.2.79) agnayaḥ kramato deyāstathā yāmaṃ ca pañcamam anenaiva prakāreṇa kṣārārkāṇāṃ samudbhavaḥ ### [2.80](https://indike.org/pramana/in.med.cikitsa.kalpana.sandhana.arkaprakasa-2.2.80) siddha hue śaṃkhadrāva kī parīkṣā dadyādasthīni māṃsāni śaṃkhaśuktyādikānyapi sarvāṇyapi vilīyante śaṃkhadrāve na saṃśayaḥ ### [2.81](https://indike.org/pramana/in.med.cikitsa.kalpana.sandhana.arkaprakasa-2.2.81) komala māṃsa ke jīva pārāvatāśva caṭakāḥ śaśaśūkaraṭiṭṭibhāḥ kṣudramatsyādikāḥ sarve māṃseṣu mṛdulāḥsmṛtāḥ ### [2.82](https://indike.org/pramana/in.med.cikitsa.kalpana.sandhana.arkaprakasa-2.2.82) kaṭhina māṃsa ke jīva mṛgarohitakādyāśca matsyāḥ śallakiśambarāḥ ete kaṭhinamāṃsāḥ syurjīvāstu jalacāriṇaḥ ### [2.83](https://indike.org/pramana/in.med.cikitsa.kalpana.sandhana.arkaprakasa-2.2.83) gār̤ha māṃsa ke jīva gajakuṃbhīraghaṇṭādyāḥ sagandhāḥ karkarādayaḥ godhāgobhvalulāyādyā ghanamāṃsāḥ prakīrtitāḥ ### [2.84](https://indike.org/pramana/in.med.cikitsa.kalpana.sandhana.arkaprakasa-2.2.84) annādisambhavo yo'rkastanmadyaṃ parikīrtitam tasya bhedānpravakṣyāmi saṭitāttatsamuddharet ### [2.85](https://indike.org/pramana/in.med.cikitsa.kalpana.sandhana.arkaprakasa-2.2.85) tadvāsanānivṛttyarthamaṣṭagandhaṃ prayojayet pūrvoktairdhūpayeddhūpairjayate gandhavarjitam ### [2.86](https://indike.org/pramana/in.med.cikitsa.kalpana.sandhana.arkaprakasa-2.2.86) arddhaṃ tatra jalaṃ deyaṃ siddhe deyo'ṣṭagandhakaḥ tuṣodakaṃ yavairāmaiḥ satuṣaiḥ śakalīkṛtaiḥ ### [2.87](https://indike.org/pramana/in.med.cikitsa.kalpana.sandhana.arkaprakasa-2.2.87) sauvīraṃ tu yavaiścaivaṃ nistuṣaiḥ śakalīkṛtaiḥ godhūmairapi sauvīraṃ jāyate svalpamādakam ### [2.88](https://indike.org/pramana/in.med.cikitsa.kalpana.sandhana.arkaprakasa-2.2.88) āranāla aura dhānyāmla madya āranālaṃ tu godhūmairāmaiḥ syānnistuṣīkṛtaiḥ dhānyāslaṃ śālicūrṇādi kodravādikṛtaṃ bhavet ### [2.89](https://indike.org/pramana/in.med.cikitsa.kalpana.sandhana.arkaprakasa-2.2.89) śaṇḍākī madya śaṇḍākī rājikāyuktaiḥ syānmūlakadaladravaiḥ sarṣapasvarasairvāpi śālipiṣṭikasaṃyutaiḥ ### [2.90](https://indike.org/pramana/in.med.cikitsa.kalpana.sandhana.arkaprakasa-2.2.90) sūktanāma madya kaṃdamūlaphalādīṃśca snehalavaṇāni ca ekīkṛtastu yo'rkaḥ syātsa sūktamabhidhīyate ### [2.91](https://indike.org/pramana/in.med.cikitsa.kalpana.sandhana.arkaprakasa-2.2.91) ariṣṭa madya pakvauṣadhāmbusaṃsiddho yo'rkaḥ sa syādariṣṭakam ariṣṭaṃ laghupākena sarvato hi guṇādhikam ### [2.92](https://indike.org/pramana/in.med.cikitsa.kalpana.sandhana.arkaprakasa-2.2.92) surā aura vāruṇīnāmavālā madya śālipeṭhakapiṣṭacādikṛto yo'rkaḥ surā tu sā punarnavāśivāpiṣṭairvihitā vāruṇī smṛtā ### [2.93](https://indike.org/pramana/in.med.cikitsa.kalpana.sandhana.arkaprakasa-2.2.93) sīdhu aura śītarasanāma madya ikṣoḥ pakvaiva rasaiḥ siddhaḥ sīdhuḥ pakvarasaśca saḥ āmaistaireva yaḥ siddhaḥ sa ca śītarasaḥ smṛtaḥ ### [2.94](https://indike.org/pramana/in.med.cikitsa.kalpana.sandhana.arkaprakasa-2.2.94) rājasa tāmasa aura sāttvika madya paryāyādyo bhavenmadyastāmaso rākṣasapriyaḥ maṇḍādī rājaso jñeyastato vai sāttviko bhavet ### [2.95](https://indike.org/pramana/in.med.cikitsa.kalpana.sandhana.arkaprakasa-2.2.95) sāttvikādi madya pīne kā samaya sāttvikaṃ gītahāsyādau rājasaṃ sāhasādike tāmase nindyakarmāṇi nidrāṃ ca bahuṃdhā caret ### [2.96](https://indike.org/pramana/in.med.cikitsa.kalpana.sandhana.arkaprakasa-2.2.96) vāruṇīmadya ke bheda punarnavāśilāpiṣṭaurvihitā vāruṇī ca sā saṃhitaistāla kharjūrarasairyā sā ca vāruṇī ### [2.97](https://indike.org/pramana/in.med.cikitsa.kalpana.sandhana.arkaprakasa-2.2.97) surāvadvāruṇī laghvī pīnasādhmānaśūlanut grāhiṇī śothagulmārśograhaṇīmūtrakṛcchrajit ### [2.98](https://indike.org/pramana/in.med.cikitsa.kalpana.sandhana.arkaprakasa-2.2.98) bhaṃgādimattadravyāṇāṃ yavānīpādayogataḥ arkaṃ niṣkāśayeddhīmān bodhakaḥ syānmadasya saḥ ### [2.99](https://indike.org/pramana/in.med.cikitsa.kalpana.sandhana.arkaprakasa-2.2.99) dhattūrādikabījāni kṣiptvā payasi dhāpayet kaṇṭhaśoṣavibaṃdhādirahito'rko bhavetsa hi ## Linked texts (7) - [Bhāvaprakāśa (another edition)](https://indike.org/pramana/in.med.sangraha.laghutrayi.bhavaprakasa*alt.2.2.78) — Sanskrit - [Arkaprakāśa (Laṅkeśvara Rāvaṇa)](https://indike.org/pramana/in.med.cikitsa.kalpana.sandhana.arkaprakasa-lankesvara-ravana.2.1) — Laṅkeśvara Rāvaṇa, Sanskrit - [Arkaprakāśa (Rāvaṇapaṇḍita)](https://indike.org/pramana/in.med.cikitsa.kalpana.sandhana.arkaprakasa.2.3) — Rāvaṇapaṇḍita 1600, Sanskrit - [Arkacikitsā (Laṅkeśvara Rāvaṇa)](https://indike.org/pramana/in.med.cikitsa.kalpana.sandhana.arkacikitsa-lankesvara-ravana.1.11-2) — Laṅkeśvara Rāvaṇa, Sanskrit - [Vaidyakaśabdasindhu (Umeścandra Gupta)](https://indike.org/pramana/in.med.navya.vaidyakasabdasindhu-umescandra-gupta.5.0.21) — Umeścandra Gupta, Sanskrit - [Āyurvedasaukhya](https://indike.org/pramana/in.med.sangraha.rajakulakrti.ayurvedasaukhya.13.1) — Ṭoḍaramalla 1565, Sanskrit - [Vaidyakaśabdasindhu (Umeśacandragupta)](https://indike.org/pramana/in.med.navya.vaidyakasabdasindhu.5.3.16) — Umeśacandragupta, Sanskrit --- Source: [https://indike.org/pramana/in.med.cikitsa.kalpana.sandhana.arkaprakasa-2.2](https://indike.org/pramana/in.med.cikitsa.kalpana.sandhana.arkaprakasa-2.2) · Pramāṇa