[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Therapeutics](https://indike.org/pramana/in.med.cikitsa) › [Pharmaceutical preparations](https://indike.org/pramana/in.med.cikitsa.kalpana) › [Fermented Liquors and Distillates](https://indike.org/pramana/in.med.cikitsa.kalpana.sandhana) › [Arkaprakasha](https://indike.org/pramana/in.med.cikitsa.kalpana.sandhana.arkaprakasa-2) › 4 # Arkaprakasha 4 Arkaprakāśa 4 - **Language:** Sanskrit ### [4.1](https://indike.org/pramana/in.med.cikitsa.kalpana.sandhana.arkaprakasa-2.4.1) kuṣṭhaṃ kṛmijaddu ghaniśāsaindhavasarṣapāḥ āmrāsthiśvetadarko vā lepāddruṃ vināśayet ||10.1 śvetāparājitāmūlajāto'rkaḥ, sarpiṣā traha galagaṇḍaṃ haredeva maṃḍalātpathyabhojane ### [4.2](https://indike.org/pramana/in.med.cikitsa.kalpana.sandhana.arkaprakasa-2.4.2) kāñcanāratvacārkastu śuṇṭhīcūrṇena saṃyutaḥ mākṣikāḍhyo gaṃḍamālāṃ bahukālodbhavāmapi ### [4.3](https://indike.org/pramana/in.med.cikitsa.kalpana.sandhana.arkaprakasa-2.4.3) graṃthiroga nāśaka arka svarjikāmūlakakṣārajātaḥ śaṃkhasya cūrṇayuk kṛtastena pralepaśved granthiṃ hanti na saṃśayaḥ ### [4.4](https://indike.org/pramana/in.med.cikitsa.kalpana.sandhana.arkaprakasa-2.4.4) medārbudaroga nāśaka arka haridrālodhrapatagagṛhadhūmasamanaḥ śilāḥ madhupragāḍhaścārkastu medorbudaharaḥ paraḥ ### [4.5](https://indike.org/pramana/in.med.cikitsa.kalpana.sandhana.arkaprakasa-2.4.5) vaṭadugdhapragāḍhe ca saptāhaṃ kuṣṭharomake tadarkasya pralepena haredasyārbudaṃ kṣaṇāt ### [4.6](https://indike.org/pramana/in.med.cikitsa.kalpana.sandhana.arkaprakasa-2.4.6) śrīpadaroga nāśaka arka dhattūrairaṇḍanirguṇḍīvarṣābhūśigramūlajaiḥ arkaiḥ piṣṭāḥ sarṣapāstu pralepācchlīpadāpahāḥ ### [4.7](https://indike.org/pramana/in.med.cikitsa.kalpana.sandhana.arkaprakasa-2.4.7) vidradhiroga nāśaka arka yavagodhūmamudgānāṃ piṣṭaṃ samyagviloḍitam viṣamuṣṭibhavārkeṇa vilepādvidradhipraṇut ### [4.8](https://indike.org/pramana/in.med.cikitsa.kalpana.sandhana.arkaprakasa-2.4.8) kṣaudrajātena madyena kṣālayetpakvavidradhim ahiphenākṣaphenābhyāṃ pūraṇādvidradhiṃ haret ### [4.9](https://indike.org/pramana/in.med.cikitsa.kalpana.sandhana.arkaprakasa-2.4.9) vātaghnauṣadhijātārkastanmāṃsārkastathā ghṛtaiḥ uṣṇaiḥ saṃsecayecchothaṃ kāñjikārkeṇa vātajam ### [4.10](https://indike.org/pramana/in.med.cikitsa.kalpana.sandhana.arkaprakasa-2.4.10) pittaraktābhighātotthaṃ śothaṃ siṃcecca śītalaiḥ kṣīrājyamadhukhaṇḍekṣujātārko mālatībhavaiḥ ### [4.11](https://indike.org/pramana/in.med.cikitsa.kalpana.sandhana.arkaprakasa-2.4.11) kaphaghnauṣadhasañjātairarkairuṣṇaiśca secayet tailadugdhāmbumūtrairvā śothaṃ śleṣmasamudbhavam ### [4.12](https://indike.org/pramana/in.med.cikitsa.kalpana.sandhana.arkaprakasa-2.4.12) viṣopaviṣañjātairarkaiḥ koṣṇaistu secayet vāruṇyā vā khākhasārkairvraṇaśothaḥ kṣayaṃ vrajet ### [4.13](https://indike.org/pramana/in.med.cikitsa.kalpana.sandhana.arkaprakasa-2.4.13) na praśāsyati yaḥ śothaḥ pralepādividhānataḥ dravyāṇi pācanīyāni dadyāttatropanāhake ### [4.14](https://indike.org/pramana/in.med.cikitsa.kalpana.sandhana.arkaprakasa-2.4.14) śaṇamūlakaśigrūṇāṃ mūlāni tilasarṣapāḥ atasīsattavaḥ kiñciduṣṇaṃ deyaṃ ca pācanam ### [4.15](https://indike.org/pramana/in.med.cikitsa.kalpana.sandhana.arkaprakasa-2.4.15) antaḥpūyeṣu vakreṣu tathaivotsaṃgavatsvati gatimatsvapi rogeṣu bhedanaṃ samprayujyate ### [4.16](https://indike.org/pramana/in.med.cikitsa.kalpana.sandhana.arkaprakasa-2.4.16) baddhamūlātipaṃkena tuvarīcchidrakānalaiḥ vraṇasaṃyoginīśaṃkhadrāvaiḥ pūryāttu yāmakam ### [4.17](https://indike.org/pramana/in.med.cikitsa.kalpana.sandhana.arkaprakasa-2.4.17) tuvarīsadṛśacchidraṃ yāmenaikena jāyate vinā śastraṃ śastrakarmakarametadapīḍanam ### [4.18](https://indike.org/pramana/in.med.cikitsa.kalpana.sandhana.arkaprakasa-2.4.18) aviśuddhavraṇastu syādarkaḥ śucikaraḥ paraḥ paṭolanimbapatrotthasarvatraiva prayujyate ### [4.19](https://indike.org/pramana/in.med.cikitsa.kalpana.sandhana.arkaprakasa-2.4.19) abhvagandhājahālodhrakaṭphalaṃ madhuyaṣṭikā samaṅganadhātakīpuṣpajāto'rko vraṇaropaṇaḥ ### [4.20](https://indike.org/pramana/in.med.cikitsa.kalpana.sandhana.arkaprakasa-2.4.20) khaḍgādicchinnagātrasya madyenāpūrito vraṇaḥ tathā nāgabalārkeṇa tīvrāṃ vā vedanāṃ haret ### [4.21](https://indike.org/pramana/in.med.cikitsa.kalpana.sandhana.arkaprakasa-2.4.21) jātīpaṭolanimbānāṃ naktamālasya pallavāḥ sikthaṃ ca madhukaṃ kuṣṭhaṃ dve niśe kaṭurohiṇī ### [4.22](https://indike.org/pramana/in.med.cikitsa.kalpana.sandhana.arkaprakasa-2.4.22) mañjiṣṭhā padmakaṃ pathyā lodhrakaṃ nīlamutpalam naktamālaphalaṃ tulyamahiphenaṃ ca sārivā ### [4.23](https://indike.org/pramana/in.med.cikitsa.kalpana.sandhana.arkaprakasa-2.4.23) etāni samabhāgāni kalkīkṛtya prayatnataḥ gomūtreṇa tadarkaṃ tu daśāṃśādikavāsitam ### [4.24](https://indike.org/pramana/in.med.cikitsa.kalpana.sandhana.arkaprakasa-2.4.24) vilepanādbhakṣaṇācca haretsarvavraṇāmayam viṣavraṇaṃ ca visphoṭaṃ visarpaṃ kīṭadaṃśitam ### [4.25](https://indike.org/pramana/in.med.cikitsa.kalpana.sandhana.arkaprakasa-2.4.25) dattaśastraprahāraṃ ca dagdhaṃ viddhaṃ vraṇaṃ tathā nakhadantakṣataṃ hanti duṣṭamāṃsaṃ ca karṣayet ### [4.26](https://indike.org/pramana/in.med.cikitsa.kalpana.sandhana.arkaprakasa-2.4.26) kaṭuvallyā kumāryā vā koṣṇenārkeṇa secayet agnidagdhavraṇaṃ tasmātsarvacarmaprarohaṇam ### [4.27](https://indike.org/pramana/in.med.cikitsa.kalpana.sandhana.arkaprakasa-2.4.27) asthisaṃhārakaṃ lākṣāgodhūmārjunasādhitam pibedarkaṃ sandhibhagne saghṛtaṃ vā yathocitam ### [4.28](https://indike.org/pramana/in.med.cikitsa.kalpana.sandhana.arkaprakasa-2.4.28) vigar̤e hue raktapara arka (madya) haridrākṣaudratuvarīraktacandanadārvikāḥ guḍena sādhitaṃ madyaṃ mṛtaraktaṃ vyapohati ### [4.29](https://indike.org/pramana/in.med.cikitsa.kalpana.sandhana.arkaprakasa-2.4.29) kuṣṭhahara arka kukkuṭaṃ kṛṣṇavarṇaṃ tu jale'ṣṭaguṇite pacet sarasantaṃ vipakṣaṃ ca dadyātkoṣṭhapraśāntaye ### [4.30](https://indike.org/pramana/in.med.cikitsa.kalpana.sandhana.arkaprakasa-2.4.30) nār̤īvraṇa (nahasūra) ke liye arka snuhyarkadugdhadārvībhirmadyaṃ kṣaudreṇa sādhayet vāraṃvāraṃ bhāvitaṃ ca vartināḍīvraṇāṃtakṛt ### [4.31](https://indike.org/pramana/in.med.cikitsa.kalpana.sandhana.arkaprakasa-2.4.31) bhagaṃdara roga ko haranevālā arka śuṃṭhī ca vaṭapatrāṇi jātīpatrāmṛte tathā saiṃdhavaṃ takranikṣiptaṃ tadarkastu bhagaṃdare ### [4.32](https://indike.org/pramana/in.med.cikitsa.kalpana.sandhana.arkaprakasa-2.4.32) upadaṃśa ko dūra karanevālā arka lodhrajambūvaṭaśivārjunarātrisamudbhavaḥ arkaḥ pānādito hanyādupadaṃśaṃ narastriyoḥ ### [4.33](https://indike.org/pramana/in.med.cikitsa.kalpana.sandhana.arkaprakasa-2.4.33) aśvagandhāvarīkuṣṭhamisisiṃhībalānvitam saṃśodhya dugdhena tadā hyarkaḥ śūkagadāpahaḥ ### [4.34](https://indike.org/pramana/in.med.cikitsa.kalpana.sandhana.arkaprakasa-2.4.34) yaṣṭīśirīṣatagaramāṃsyelāśvandanaṃ śilā ājyaṃ ca vā lakaṃ kuṣṭhamarkaḥ sekādvisarpajit ### [4.35](https://indike.org/pramana/in.med.cikitsa.kalpana.sandhana.arkaprakasa-2.4.35) nirguṇḍacarko gavyahavyayukto vā suṣavībhavaḥ śītalārko harecchīghraṃ snāyurogaṃ na saṃśayaḥ ### [4.36](https://indike.org/pramana/in.med.cikitsa.kalpana.sandhana.arkaprakasa-2.4.36) saptavatraṃ taṃḍulāmbuklinnārdendrayavāplutaḥ visphoṭakānnihantyeva tadarko lepasevitaḥ ### [4.37](https://indike.org/pramana/in.med.cikitsa.kalpana.sandhana.arkaprakasa-2.4.37) utpalaṃ candanaṃ lodhramuśīraṃ sārivādvayam etadarko dhāvanena sphoṭadāhārtināśanaḥ ### [4.38](https://indike.org/pramana/in.med.cikitsa.kalpana.sandhana.arkaprakasa-2.4.38) phiraṃga roga ko dūra karanevālā arka śaṃkhadrāvārkeke kṣiptapārado bhasmatāṃ vrajet vallaṃ guḍayutaṃ khādettiphiraṅgavinivṛttaye ### [4.39](https://indike.org/pramana/in.med.cikitsa.kalpana.sandhana.arkaprakasa-2.4.39) apakvaṃ pāradaṃ bhuktvā droṇapuṣpārkasevanāt lepanātsa prayātyeva phiraṅgo nātra saṃśayaḥ ### [4.40](https://indike.org/pramana/in.med.cikitsa.kalpana.sandhana.arkaprakasa-2.4.40) palāśapatravṛntānāṃ saptāhaṃ tasya sevanāt phiraṅgo yāti tvaritaṃ sādhyāsādhyo na saṃśayaḥ ### [4.41](https://indike.org/pramana/in.med.cikitsa.kalpana.sandhana.arkaprakasa-2.4.41) masūrikāroga ke ūpara arka snuhimohilamocīkārkaḥ samasūrikaḥ kautukena saṃpītaḥ sakalaṃ masūrikopaṃ gāḍhaṃ jātaṃ vināśayetkṣipram ### [4.42](https://indike.org/pramana/in.med.cikitsa.kalpana.sandhana.arkaprakasa-2.4.42) niṃbaḥ parpaṭakaḥ pāṭhā paṭolaḥ kaṭurohiṇī candane dve hyuśīraṃ ca dhātrī vāsā durālabhā ### [4.43](https://indike.org/pramana/in.med.cikitsa.kalpana.sandhana.arkaprakasa-2.4.43) etadarkaḥ sitāyukto masūrīmātranāśanaḥ mukhe kaṃṭhe vraṇe jāte gaṃḍūṣārthaṃ prayujyate ### [4.44](https://indike.org/pramana/in.med.cikitsa.kalpana.sandhana.arkaprakasa-2.4.44) gosyārkasya lepena pānena vilayaṃ vrajet gokṣuraṃ vātha tatpūrvaṃ jvare'dyāddhisarpiṣā ### [4.45](https://indike.org/pramana/in.med.cikitsa.kalpana.sandhana.arkaprakasa-2.4.45) ādau kṛtayuge brahmā maheśaṃ vākyamabravīt tavājñayā mayā deva sṛṣṭā nānāvidhāḥ prajāḥ ### [4.46](https://indike.org/pramana/in.med.cikitsa.kalpana.sandhana.arkaprakasa-2.4.46) samastā bhūstu tairvyāptā bhavantyanye'pi tadvidhāḥ kāmena yānti bhāryāsu punaḥ sṛṣṭiḥ pravartate ### [4.47](https://indike.org/pramana/in.med.cikitsa.kalpana.sandhana.arkaprakasa-2.4.47) gajairaśvairmanuṣyādyairgryāpteyaṃ tu dharā'khilā śīghraṃ yāsyaṃti pātāle tatra yatno vidhīyatām ### [4.48](https://indike.org/pramana/in.med.cikitsa.kalpana.sandhana.arkaprakasa-2.4.48) mahābhayaṃkara kālapuruṣa kī utpatti evaṃ brahmavacaḥ śrutvā śūlamaikṣanmaheśvaraḥ tato jajñe pumāneko bhīmo ghoraparākramaḥ ### [4.49](https://indike.org/pramana/in.med.cikitsa.kalpana.sandhana.arkaprakasa-2.4.49) raktāntalocanaḥ krodhī vaḍavāgniyuto naraḥ ūrdhvakeśo lalajjihvaḥ kṛtākrośo'jitendriyaḥ ### [4.50](https://indike.org/pramana/in.med.cikitsa.kalpana.sandhana.arkaprakasa-2.4.50) bhavitavyatā kī utpatti taddṛṣṭvā tu mahādevaḥ pārvatīṃ vākyamabravīt jāta eva mahākrūraḥ sarvasaṃhārakārakaḥ ### [4.51](https://indike.org/pramana/in.med.cikitsa.kalpana.sandhana.arkaprakasa-2.4.51) etasya mohanārthāya dehi bhāryāṃ yathocitām evaṃ śivavacaḥ śrutvā svakaṃ pṛṣṭhaṃ dadarśa ha ### [4.52](https://indike.org/pramana/in.med.cikitsa.kalpana.sandhana.arkaprakasa-2.4.52) tato devī samutpannā yocyate bhavitavyatā rūpalāvaṇyasaṃpannā pīnonnatapayodharā ### [4.53](https://indike.org/pramana/in.med.cikitsa.kalpana.sandhana.arkaprakasa-2.4.53) māraṇāstra mohanāstraṃ karābhyāṃ dadhatī śubhā śvetavastraparīdhānā lajjāprāvṛtalocanā ### [4.54](https://indike.org/pramana/in.med.cikitsa.kalpana.sandhana.arkaprakasa-2.4.54) sā praṇamya tadā devīṃ śivayoragrataḥ sthitā śastrabhārabharākrāntakāsacittavimohinī ### [4.55](https://indike.org/pramana/in.med.cikitsa.kalpana.sandhana.arkaprakasa-2.4.55) dṛṣṭvā tāṃ pārvatī prāha samājñāṃ kriyatāmiti kālasya bhava patnī tvaṃ tasya cittaṃ vimohaya ### [4.56](https://indike.org/pramana/in.med.cikitsa.kalpana.sandhana.arkaprakasa-2.4.56) yācayasva karaṃ śreṣṭhaṃ kuru kāryaṃ prajāpateḥ tataḥ prītā tu sā prāha devyagre praṇatā sthitā ### [4.57](https://indike.org/pramana/in.med.cikitsa.kalpana.sandhana.arkaprakasa-2.4.57) mamādhīnamidaṃ sarvaṃ brahmaviṣṇuśivātmakam kālaścāyaṃ mamādhīnaḥ ko'pi māṃ na ca vetsyati ### [4.58](https://indike.org/pramana/in.med.cikitsa.kalpana.sandhana.arkaprakasa-2.4.58) ābrahmastambaparyaṃtaṃ viṣṇau devyāṃ ca śūlini dṛṣṭirmama samaivāsti matsvarūpāvidastvime ### [4.59](https://indike.org/pramana/in.med.cikitsa.kalpana.sandhana.arkaprakasa-2.4.59) evamuktvā bhavānīṃ sā pāṇigrahamacīkarat kṛtakṛtyo'bhavatkāla udvāhya bhavitavyatām ### [4.60](https://indike.org/pramana/in.med.cikitsa.kalpana.sandhana.arkaprakasa-2.4.60) byāhkara kāla bhī dhanyavāda detā huā||57-59 kṛtodvāhaṃ tu taṃ jñātvā vidhātā vākyamabravīt śīghramāgamyatāṃ svāmin sṛṣṭiṃ saṃhāryatāmiti ### [4.61](https://indike.org/pramana/in.med.cikitsa.kalpana.sandhana.arkaprakasa-2.4.61) tatastu bhṛtyāḥ kālena racitāḥ svasya tejasā bhavitavyatayā sārddhaṃ tataḥ svasvāmitejasā ### [4.62](https://indike.org/pramana/in.med.cikitsa.kalpana.sandhana.arkaprakasa-2.4.62) śoṣo jvaraḥ pāṃḍusāraśvāsapānātyayādikāḥ abhyantarā giricarāḥ śataśastena nirmitāḥ ### [4.63](https://indike.org/pramana/in.med.cikitsa.kalpana.sandhana.arkaprakasa-2.4.63) sarpā vyāghravṛkāḥ siṃhaveṛścikā rakṣasā gajāḥ bhūtapretapiśācāśca bāhyasthāḥ paricārakāḥ ### [4.64](https://indike.org/pramana/in.med.cikitsa.kalpana.sandhana.arkaprakasa-2.4.64) tasyābhyantaraśaktyā ca kāminī mohinī tṛṣā lipsā'haṃkṛtibuddhacṛddhinidrāḥ serghyābhayādikāḥ ### [4.65](https://indike.org/pramana/in.med.cikitsa.kalpana.sandhana.arkaprakasa-2.4.65) grahaṇīkāmalāsūcīchardirmūrcchā'marītṛṣāḥ ḍākinī śākinī ghorāityetā bāhyahetukāḥ ### [4.66](https://indike.org/pramana/in.med.cikitsa.kalpana.sandhana.arkaprakasa-2.4.66) evaṃ parivṛtaṃ dṛṣṭvā svasainyamavicārayat mattaḥ kastvadhiko loke na jāne bhavitavyatām ### [4.67](https://indike.org/pramana/in.med.cikitsa.kalpana.sandhana.arkaprakasa-2.4.67) brahmaviṣṇumaheśādyā haninīyā mayā''ditaḥ evaṃ vicārya manasi maheśaṃ hantumudyataḥ ### [4.68](https://indike.org/pramana/in.med.cikitsa.kalpana.sandhana.arkaprakasa-2.4.68) taṃ dṛṣṭvā tu maheśena śaktirekā pradarśitā atighorāvirūpākṣī saṃkīrṇajaghanodarā ### [4.69](https://indike.org/pramana/in.med.cikitsa.kalpana.sandhana.arkaprakasa-2.4.69) dandahyamānā kopena jvalayantī diśo daśa tasyāstu dṛṣṭipātena kālaḥ sarvāṅgapīḍitaḥ ### [4.70](https://indike.org/pramana/in.med.cikitsa.kalpana.sandhana.arkaprakasa-2.4.70) tāmeva viviśuḥ sarve kaḥ prabhuḥ kaśca sevakaḥ balinaḥ sarva eva syuḥ sevakā nirbalasya na ### [4.71](https://indike.org/pramana/in.med.cikitsa.kalpana.sandhana.arkaprakasa-2.4.71) nānāsphoṭaiḥ parivṛto dahyamāno ruṣāgninā tasyedṛśīmavasthāṃ tu dṛṣṭvā dāhādayo gadāḥ ### [4.72](https://indike.org/pramana/in.med.cikitsa.kalpana.sandhana.arkaprakasa-2.4.72) bhagnāhaṃkārakaṃ dṛṣṭvā taṃ kālaṃ bhavitavyatā īṣadvihasya taṃ prāha nate sādhurahaṃkṛtiḥ ### [4.73](https://indike.org/pramana/in.med.cikitsa.kalpana.sandhana.arkaprakasa-2.4.73) madadhīnaṃ jagatsarvaṃ madājñā kriyatāṃ tvayā tvayā svataṃtratārambhaḥ kṛtastenedṛśī gatiḥ ### [4.74](https://indike.org/pramana/in.med.cikitsa.kalpana.sandhana.arkaprakasa-2.4.74) eṣā madaṃśasambhūtā śītalā tāṃ prasādaya avaśyaṃ tava sāhāyyaṃ kariṣyati tvayādṛtā ### [4.75](https://indike.org/pramana/in.med.cikitsa.kalpana.sandhana.arkaprakasa-2.4.75) kāla uvāca vaṃde'haṃ śītalāṃ devīṃ rāsabhasthā digambaram mārjanīkalaśopetāṃ śūrpālaṃkṛtamastakām ### [4.76](https://indike.org/pramana/in.med.cikitsa.kalpana.sandhana.arkaprakasa-2.4.76) vaṃde'haṃ śītalāṃ devīṃ sarvarogabhayāpahām nivartate yāmāsādya visphoṭakabhayaṃ mahat ### [4.77](https://indike.org/pramana/in.med.cikitsa.kalpana.sandhana.arkaprakasa-2.4.77) śītale śītale ceti yo brūyāddāhapīḍitaḥ visphoṭakabhayaṃ ghoraṃ gṛhe tasya na jāyate ### [4.78](https://indike.org/pramana/in.med.cikitsa.kalpana.sandhana.arkaprakasa-2.4.78) śītale jvaradagdhasya pūtigandhagatasya ca praṇaṣṭacakṣuṣaḥ puṃsastvāmāhurjīvanauṣadham ### [4.79](https://indike.org/pramana/in.med.cikitsa.kalpana.sandhana.arkaprakasa-2.4.79) śītale tanujān rogān nṛṇāṃ harasi dustarān visphoṭakaviśīrṇānāṃ tvamekā'mṛtavarṣiṇī ### [4.80](https://indike.org/pramana/in.med.cikitsa.kalpana.sandhana.arkaprakasa-2.4.80) galagaṇḍagrahā rogā ye cānye dāruṇā nṛṇās tvadanudhyānamātreṇa śītale yāṃti saṃkṣayam ### [4.81](https://indike.org/pramana/in.med.cikitsa.kalpana.sandhana.arkaprakasa-2.4.81) na maṃtraṃ nauṣadhaṃ tatra pāparogasya vidyate tvamekā śītale dhātri nānyāṃ paśyāmi devatām ### [4.82](https://indike.org/pramana/in.med.cikitsa.kalpana.sandhana.arkaprakasa-2.4.82) mṛṇālataṃtusadṛśīṃ nābhihṛnmadhyasaṃsthitām yastvāṃ sacintayeddevi tasya mṛtyurna jāyate ### [4.83](https://indike.org/pramana/in.med.cikitsa.kalpana.sandhana.arkaprakasa-2.4.83) evaṃ stutāṃ tadā devī śītalā prītamānasā uvāca vākyaṃ kālāya varaṃ varaya satvaram ### [4.84](https://indike.org/pramana/in.med.cikitsa.kalpana.sandhana.arkaprakasa-2.4.84) kāla uvāca aho cādbhutamāhātyaṃ tava dṛṣṭaṃ mayā'dhunā pīḍāspanaya kṣipraṃ praharṣaṃ kuru me sadā ### [4.85](https://indike.org/pramana/in.med.cikitsa.kalpana.sandhana.arkaprakasa-2.4.85) śītalovāca eṣā tava jagatkartrī bhāryeyaṃ bhavitavyatā asyājñāṃ saṃpravartante brahmaviṣṇumaheśvarāḥ ### [4.86](https://indike.org/pramana/in.med.cikitsa.kalpana.sandhana.arkaprakasa-2.4.86) ahaṃ tvaṃ ca maheśādyāstato dhanyāstu te matāḥ buddhvā dhīrjāyate sā yā yādṛśī bhavitavyatā sāhāyyaṃ te kariṣyāmi hariṣyāmi imāḥ prajāḥ ### [4.87](https://indike.org/pramana/in.med.cikitsa.kalpana.sandhana.arkaprakasa-2.4.87) upodakī tu yā khādedādāvuṣṇaṃ tataḥ param taṃ garbhaṃ bhakṣayiṣyāmi sāpi cedduṣṭabhugbhavet ### [4.88](https://indike.org/pramana/in.med.cikitsa.kalpana.sandhana.arkaprakasa-2.4.88) santuṣṭā śītalenāhaṃ sadā tatsevakasya ca pratyahaṃ yā samaśnāti mālatyarkasupodakī tasyā garbhaṃ na spṛśāmi yāvajjīvaṃ na saṃśayaḥ ### [4.89](https://indike.org/pramana/in.med.cikitsa.kalpana.sandhana.arkaprakasa-2.4.89) mama kopena sañjātadāho yastu narottamaḥ dadhibhaktaṃ brāhmaṇebhyo jalasebhyaḥ pradāya ca ### [4.90](https://indike.org/pramana/in.med.cikitsa.kalpana.sandhana.arkaprakasa-2.4.90) svayamaśnāti saptāhaṃ tasya pīḍāṃ harāmyaham ### [4.91](https://indike.org/pramana/in.med.cikitsa.kalpana.sandhana.arkaprakasa-2.4.91) aṣṭakaṃ ca mamaitaddhi yaḥ paṭhenmānavaḥ sadā visphoṭakabhayaṃ ghoraṃ kule tasya na jāyate ### [4.92](https://indike.org/pramana/in.med.cikitsa.kalpana.sandhana.arkaprakasa-2.4.92) śrotavyaṃ paṭhitavyaṃ ca narairbhaktisamanvitaiḥ upasargabhayaṃ tasya kadāpi nahi jāyate ### [4.93](https://indike.org/pramana/in.med.cikitsa.kalpana.sandhana.arkaprakasa-2.4.93) aṣṭakaṃ ca mamaitaddhi paṭhitaṃ bhaktitaḥ sadā sarvarogavināśāya paraṃ svastyayanaṃ mahat ### [4.94](https://indike.org/pramana/in.med.cikitsa.kalpana.sandhana.arkaprakasa-2.4.94) śītalāṣṭakametaddhi na deyaṃ yasya kasyacit dātavyaṃ sarvadā tasmai bhaktiśraddhānvito hi yaḥ ### [4.95](https://indike.org/pramana/in.med.cikitsa.kalpana.sandhana.arkaprakasa-2.4.95) rāvaṇa uvāca evamuktvā yayuḥ sarve tathaiva bhavitavyatā tathā lokān jighāṃsaṃtī kālasya vaśamāgatā ### [4.96](https://indike.org/pramana/in.med.cikitsa.kalpana.sandhana.arkaprakasa-2.4.96) śītalāriṣṭanivāraṇārtha arka atha vakṣye śītalādicikitsārkaṃ prabhāvataḥ jātyarkaṃ vā kadalyarkaṃ śatapatrārkamevaca yo bhuñjyāddadhibhaktābhyāṃ śītalā taṃ na mārayet ### [4.97](https://indike.org/pramana/in.med.cikitsa.kalpana.sandhana.arkaprakasa-2.4.97) śītalājvaranāśaka arka candanaṃ vāsako mustaṃ guḍūcī drākṣayā saha eṣāmarkaḥ śītalastu śītalājvaranāśanaḥ ### [4.98](https://indike.org/pramana/in.med.cikitsa.kalpana.sandhana.arkaprakasa-2.4.98) tāro māyāśītaleti caturthyantaṃ hṛdantakam mantramuccārya yo dadyāddhīni śatasaṃkhyayā ### [4.99](https://indike.org/pramana/in.med.cikitsa.kalpana.sandhana.arkaprakasa-2.4.99) sacandanena śītena śatapatrārkakeṇa ca avaśyameva saptāhaprayogādvraṇanāśanaḥ ## Linked texts (8) - [Bhāvaprakāśa (another edition)](https://indike.org/pramana/in.med.sangraha.laghutrayi.bhavaprakasa*alt.3.3-19.45) — Sanskrit - [Arkaprakāśa (Laṅkeśvara Rāvaṇa)](https://indike.org/pramana/in.med.cikitsa.kalpana.sandhana.arkaprakasa-lankesvara-ravana.5.1) — Laṅkeśvara Rāvaṇa, Sanskrit - [Arkaprakāśa (Rāvaṇapaṇḍita)](https://indike.org/pramana/in.med.cikitsa.kalpana.sandhana.arkaprakasa.6.2) — Rāvaṇapaṇḍita 1600, Sanskrit - [Arkacikitsā (Laṅkeśvara Rāvaṇa)](https://indike.org/pramana/in.med.cikitsa.kalpana.sandhana.arkacikitsa-lankesvara-ravana.5.1) — Laṅkeśvara Rāvaṇa, Sanskrit - [Kumāratantra (Rāvaṇa)](https://indike.org/pramana/in.med.kaumara.kumaratantra-ravana.52.2) — Rāvaṇa, Sanskrit - [Śītalādevyaṣṭaka](https://indike.org/pramana/in.sampradaya.general.devistotra.ksetra.sitala.sitaladevyastaka.2.2) — Sanskrit - [Amṛtasāgara](https://indike.org/pramana/in.med.sangraha.rajakulakrti.amrtasagara.68.2) — Pratāpasiṁha 1778, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.gauda.vangasena.59.50) — Vaṅgasena, Sanskrit --- Source: [https://indike.org/pramana/in.med.cikitsa.kalpana.sandhana.arkaprakasa-2.4](https://indike.org/pramana/in.med.cikitsa.kalpana.sandhana.arkaprakasa-2.4) · Pramāṇa