[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Therapeutics](https://indike.org/pramana/in.med.cikitsa) › [Therapeutics of Bengal and Assam](https://indike.org/pramana/in.med.cikitsa.gauda) › [Bhaiṣajyaratnāvalī](https://indike.org/pramana/in.med.cikitsa.gauda.bhaisajyaratnavali) › [Bhaishajyaratnavali (ed. Rajeshvaradatta Shastri)](https://indike.org/pramana/in.med.cikitsa.gauda.bhaisajyaratnavali*sastri1978) › 7 # Bhaishajyaratnavali 7: atha dugdhaprakaraṇam Bhaiṣajyaratnāvalī (ed. Rājeśvaradatta Śāstrī) 7 - **Language:** Sanskrit ### atha dugdhaprakaraṇam ### [7.1402](https://indike.org/pramana/in.med.cikitsa.gauda.bhaisajyaratnavali*sastri1978.7.1402) jīrṇajvare kṣīrapānamjīrṇajvare kaphe kṣīṇe kṣīraṃ syādamṛtopamam tadeva taruṇe pītaṃ viṣavaddhanti mānavam ### [7.1403](https://indike.org/pramana/in.med.cikitsa.gauda.bhaisajyaratnavali*sastri1978.7.1403) caturgunenāmbhasā ca śṛtaṃ jvaraharaṃ payaḥ dhāroṣṇaṃ vā payaḥ śītaṃ pītaṃ sadyo jvaraṃ jayet ### [7.1404](https://indike.org/pramana/in.med.cikitsa.gauda.bhaisajyaratnavali*sastri1978.7.1404) jīrṇajvarāṇāṃ sarveṣāṃ payaḥ praśamanaṃ param peyaṃ taduṣṇaṃ śītaṃ vā yathāsvamauṣadhaiḥ śṛtam ### [7.1405](https://indike.org/pramana/in.med.cikitsa.gauda.bhaisajyaratnavali*sastri1978.7.1405) pañcamūlīpayaḥ - kāsācchvāsācchiraḥ śūlātpārśvaśūlāccirajvarāt mucyate jvaritaḥ pītvā pañcamūlīśṛtaṃ payaḥ ### [7.1406](https://indike.org/pramana/in.med.cikitsa.gauda.bhaisajyaratnavali*sastri1978.7.1406) dravyādaṣṭaguṇaṃ kṣīraṃ kṣīrāttoyaṃ caturguṇam kṣīrāvaśeṣaḥ kartavyaḥ kṣīrapāke tvayaṃ vidhiḥ ### [7.1407](https://indike.org/pramana/in.med.cikitsa.gauda.bhaisajyaratnavali*sastri1978.7.1407) trikaṇṭakavalāṃvyāghrīguḍanāgarasādhitam varcomūtravibandhaghnaṃ śothajvaraharaṃ param ### [7.1408](https://indike.org/pramana/in.med.cikitsa.gauda.bhaisajyaratnavali*sastri1978.7.1408) vṛścīrabilvavarṣābhūpayaścodakameva ca pacet kṣīrāvaśiṣṭantu taddhi sarvajvarāpaham ### [7.1404-2](https://indike.org/pramana/in.med.cikitsa.gauda.bhaisajyaratnavali*sastri1978.7.1404-2) śītaṃ koṣṇaṃ jvare kṣīraṃ yathāsvamauṣadhaiḥ śṛtam eraṇḍamūlasiddhaṃ vā jvare saparikarttike ### [7.1410](https://indike.org/pramana/in.med.cikitsa.gauda.bhaisajyaratnavali*sastri1978.7.1410) sūkṣmailā tathā pathyā kaṇā'yo vyoma kharparam samāṃśaṃ tu grahītavyaṃ pāradasta dvabhāgikaḥ ### [7.1411](https://indike.org/pramana/in.med.cikitsa.gauda.bhaisajyaratnavali*sastri1978.7.1411) droṇapuṣpīrasairnaitat sarvamekatra mardayet raktidvayamitā mātrā syācchothaghnīrasānvitā ### [7.1412](https://indike.org/pramana/in.med.cikitsa.gauda.bhaisajyaratnavali*sastri1978.7.1412) plīhāyakṛcchothavahnimandatā'rocakāni ca viṣamajvaro viśeṣeṇa dāruṇo nāsikājvaraḥ ### [7.1413](https://indike.org/pramana/in.med.cikitsa.gauda.bhaisajyaratnavali*sastri1978.7.1413) āhakārirasasyāsya prayogeṇa yathāvidhi vilayaṃ tvarayā yānti nātra kāryā vicāraṇā ### [7.1414](https://indike.org/pramana/in.med.cikitsa.gauda.bhaisajyaratnavali*sastri1978.7.1414) dūrvāpathyādāḍimapuṣkarajātai rasairnūnam svāduphalāmalakījasvarasopetairidaṃ nasyam ### [7.1415](https://indike.org/pramana/in.med.cikitsa.gauda.bhaisajyaratnavali*sastri1978.7.1415) prātaḥ kāle tridinaṃ sevitamāhakarujaṃ hanyād iti bahuvāraṃ bhiṣajāṃ vandyairanubhūya saṃproktam ### [7.1416](https://indike.org/pramana/in.med.cikitsa.gauda.bhaisajyaratnavali*sastri1978.7.1416) dūrvā śleṣmātakaphalaṃ kulatthaḥ pitṛbhojanaḥ veṇupatrī jalodbhūtasthalajau karṇamoraṭau ### [7.1417](https://indike.org/pramana/in.med.cikitsa.gauda.bhaisajyaratnavali*sastri1978.7.1417) apāmārgastathā daṇḍotpalāmūlaṃ bhiṣagvaraḥ kalkametatsamudgṛhya militaṃ dviśarāvakam ### [7.1418](https://indike.org/pramana/in.med.cikitsa.gauda.bhaisajyaratnavali*sastri1978.7.1418) arddhaprasthamite taile prasthadvayamite jale vipācayettailatulyaṃ tatkaṣāyaṃ ca buddhimān ### [7.1419](https://indike.org/pramana/in.med.cikitsa.gauda.bhaisajyaratnavali*sastri1978.7.1419) dūrvādyatailenānena nūnaṃ nasyaprayogataḥ avaśyaṃ tvaritaṃ naśyedāhakāhvaya āmayaḥ ### [7.1420](https://indike.org/pramana/in.med.cikitsa.gauda.bhaisajyaratnavali*sastri1978.7.1420) jvarāmayagṛhītasya muṣṭibhirnavabhiḥ kṛtam taṇḍulairodanaṃ tena kuryātputtalakaṃ śubham ### [7.1421](https://indike.org/pramana/in.med.cikitsa.gauda.bhaisajyaratnavali*sastri1978.7.1421) taṃ haridrā'valiptāṅgaṃ catuḥpītadhvajānvitam haridrārasapūrṇābhiḥ puṭikābhiścatasṛbhiḥ ### [7.1422](https://indike.org/pramana/in.med.cikitsa.gauda.bhaisajyaratnavali*sastri1978.7.1422) maṇḍitaṃ gandhapuṣpādyairavakīrya visarjayet evaṃ dinatrayaṃ kuryājjvararogopaśāntaye ### [7.1423](https://indike.org/pramana/in.med.cikitsa.gauda.bhaisajyaratnavali*sastri1978.7.1423) svastyastu vastutaḥ svāhā oṃ kaṃ taṃ paṃ śaṃ bainateyāya namaḥ | oṃ hrīṃ kṣaḥ kṣetrapālāya namaḥ | oṃ ṭha ṭha o so jvara śṛṇu śṛṇu hala hala garja garja paikāhikaṃ dvayāhikaṃ tryāhikaṃ cāturthikaṃ sāptāhikam arddhamāsikaṃ naimeṣikaṃ mauhūrttikaṃ phaṭ phaṭ hūṃ phaṭ phaṭ halahala muñca muñca bhūmyāṃ gaccha svāhā | iti paṭhitvā ekavṛkṣe śmaśāne catuṣpathe vā visarjayet | etat karma vāstudeśasya pavitre dakṣiṇe pradeśe vidadhyāt ||1420-1422 atha nakṣatrajanmaphalamkṛttikāyāṃ yadā vyādhirutpanno bhavati svayam navarātraṃ bhavetpīḍā trirātraṃ rohiṇīṣu ca ### [7.1424](https://indike.org/pramana/in.med.cikitsa.gauda.bhaisajyaratnavali*sastri1978.7.1424) mṛgaśīrṣe saptarātramārdrāyāṃ mucyate'subhiḥ punarvasau tathā puṣye saptarātreṇa mocanam ### [7.1425](https://indike.org/pramana/in.med.cikitsa.gauda.bhaisajyaratnavali*sastri1978.7.1425) navarātraṃ tathāśleṣe śmaśānāntaṃ maghāsu ca dvau māsau pūrvaphālgunyāmuttarāsa tripañcakam ### [7.1426](https://indike.org/pramana/in.med.cikitsa.gauda.bhaisajyaratnavali*sastri1978.7.1426) haste ca saptame mokṣaścitrāyāmarddhamāsakam māsadvayaṃ tathā svātyāṃ viśākhe dinaviṃśatiḥ ### [7.1427](https://indike.org/pramana/in.med.cikitsa.gauda.bhaisajyaratnavali*sastri1978.7.1427) maitre caiva daśāhāni jyeṣṭhāyāmarddhamāsakam mūlena jāyate mokṣaḥ pūrvāṣāḍhe tripañcakam ### [7.1428](https://indike.org/pramana/in.med.cikitsa.gauda.bhaisajyaratnavali*sastri1978.7.1428) uttare dinaviṃśatyā dvau māsau śravaṇe tathā dhaniṣṭhāyāmarddhamāso vāruṇe ca daśāhakam ### [7.1426-2](https://indike.org/pramana/in.med.cikitsa.gauda.bhaisajyaratnavali*sastri1978.7.1426-2) pūrvabhādrapade devi ! ūnaviṃśativāsaram tripañcañcāhirbudhne ca revatyāṃ daśarātrikam ### [7.1430](https://indike.org/pramana/in.med.cikitsa.gauda.bhaisajyaratnavali*sastri1978.7.1430) ahorātraṃ tathā'śvinyāṃ bharaṇyāntu gatāyuṣaḥ evaṃ krameṇa jānīyānnakṣatreṣu yathocitam ### [7.1431](https://indike.org/pramana/in.med.cikitsa.gauda.bhaisajyaratnavali*sastri1978.7.1431) jvaramuktalakṣaṇānisvedo laghutvaṃ śirasaḥ kaṇḍūḥ pāko mukhasya ca kṣavathuścānnalipsā ca jvaramuktasya lakṣaṇam ### [7.1432](https://indike.org/pramana/in.med.cikitsa.gauda.bhaisajyaratnavali*sastri1978.7.1432) anyaccadeho laghurvyapagataklamamohatāpaḥ pāko mukhe karaṇasauṣṭhavamavyathatvam svedaḥ kṣavaḥ prakṛtigāmimano'nnalipsā kaṇḍūśca mūrdhni vigatajvaralakṣaṇāni ### [7.1433](https://indike.org/pramana/in.med.cikitsa.gauda.bhaisajyaratnavali*sastri1978.7.1433) jvaramuktāvasthāyāṃ varjanīyānivyāyāmañca vyavāyañca snānaṃ caṅkramaṇāni ca jvaramukto na seveta yāvanno balavān bhavet ### [7.1442](https://indike.org/pramana/in.med.cikitsa.gauda.bhaisajyaratnavali*sastri1978.7.1442) pathyāpathyavidhiḥ navajvare'pathyamsnānaṃ virekaṃ surataṃ kaṣāyaṃ vyāyāmamabhyañjanamahi nidrām dugdhaṃ ghṛtaṃ vaidalamāmiṣaṃ ca takraṃ surāsvādugurūdravaṃ ca annaṃ pravātaṃ śramaṇaṃ ruṣāṃ ca tyajetprayatnāttaruṇajvarārttaḥ madhyajvare pathyampurātanāḥ ṣaṣṭikaśālayaśca vārttākuśobhāñjanakāravellam vetrāgramāṣāḍhaphalaṃ paṭolaṃ karkoṭa kaṃ mūlakapūtike ca mudgairmasūraiścaṇakaiḥ kulatthairmakuṣṭhakairvā vihitaśca yūṣaḥ pāṭhā'mṛtāvāstukataṃḍulīyaṃjīvaṃtikāśāmi ca kākamācī drākṣākapitthāni ca dāḍimāni vaikaṅkatānyeva pacelimāni laghūni sātmyāni ca bheṣajāni pathyānimadhyajvariṇāmamūni purātanajvare pathyamvirecanaṃ charddanamañjanaṃ ca nasyaṃ ca dhūmo'pyanuvāsanaṃ ca śirāvyadhaḥ saṃśamanaṃ pradeho'bhyaṅgo'vagāhaḥśiśiropacāra. eṇaḥkuliṅgo hariṇo mayūro lāvaḥ śaśastaittirikukkuṭau ca krauñcaḥ kuraṅgaḥ pṛṣataścakoraḥ kapiñjalo varttakakālapucchau gavāmajāyāśca payo ghṛtaṃ ca harītakī parvatanirjharāmbhaḥ eraṇḍatailaṃ sitacandanaṃ ca dravyāṇi sarvāṇi purerītāni jyotsnāpriyāliṅganamapyayaṃ syādgaṇaḥ purāṇajvariṇāṃ hitāya jvare'pathyamadhivāsanakarmāṇi raktasragvastradhāraṇam vamivegaṃ dantakāṣṭhamasātmyamatibhojanam ### [7.1443](https://indike.org/pramana/in.med.cikitsa.gauda.bhaisajyaratnavali*sastri1978.7.1443) viruddhānyannapānāni vidāhīni gurūṇi ca duṣṭāmbu kṣāramamlāni patraśākaṃ virūḍhakam ### [7.1444](https://indike.org/pramana/in.med.cikitsa.gauda.bhaisajyaratnavali*sastri1978.7.1444) naladāmbu ca tāmbūlaṃ kālindaṃ laikucaṃ phalam oḍīmatsyaṃ ca piṇyākaṃ chatrakaṃ piṣṭavaikṛtam ### [7.1445](https://indike.org/pramana/in.med.cikitsa.gauda.bhaisajyaratnavali*sastri1978.7.1445) abhiṣyandīni caitāni jvaritaḥ parivarjayet ### [7.1446](https://indike.org/pramana/in.med.cikitsa.gauda.bhaisajyaratnavali*sastri1978.7.1446) ārogyasnānavidhiḥdhaniṣṭhā śravaṇā svātī jyeṣṭhā śatabhiṣā tathā ravimandabhaumavārāṃścandro'tha śubhavarjitaḥ ### [7.1447](https://indike.org/pramana/in.med.cikitsa.gauda.bhaisajyaratnavali*sastri1978.7.1447) kendrasthāścāśubhāḥ śastā vyatīpātādivāsarāḥ tithinaṃ śastā pratipattṛtīyā navamī tathā ### [7.1448](https://indike.org/pramana/in.med.cikitsa.gauda.bhaisajyaratnavali*sastri1978.7.1448) snānāya rogamuktānāṃ daśamī ca trayodaśī budhendukuruśukrāṇāṃ vārāḥ snāne na śobhanāḥ rogānmuktasya nāśleṣā rohiṇī bhadradāyinī ### [7.6](https://indike.org/pramana/in.med.cikitsa.gauda.bhaisajyaratnavali*sastri1978.7.6) atha jvarātisāracikitsāprakaraṇam ## Linked texts (9) - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.1.256) — Cakrapāṇidatta, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.121.72) — Sanskrit - [Carakasaṃhitā](https://indike.org/pramana/in.med.samhita.caraka.6.3.234) — Agniveśa (Āyurveda) & Caraka, Sanskrit - [Siddhayoga (Vṛndamādhava)](https://indike.org/pramana/in.med.sangraha.siddhayoga.1.275) — Vṛnda, Sanskrit - [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya.3227) — Vāgbhaṭa, Sanskrit - [Pathyāpathyaviniścaya (Viśvanātha)](https://indike.org/pramana/in.med.pathya.pathyapathyaviniscaya.1.42) — Viśvanātha, Sanskrit - [Jvaratimirabhāskara (Cāmuṇḍa Kāyastha)](https://indike.org/pramana/in.med.cikitsa.jvara.jvaratimirabhaskara.16.21) — Cāmuṇḍa Kāyastha 1598, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.5.714) — Vaṅgasena, Sanskrit - [Basavarājīya](https://indike.org/pramana/in.med.cikitsa.daksina.basavarajiya.p451) — Nīlakaṇṭhakoṭṭūru Basavarāja 1500, Sanskrit --- Source: [https://indike.org/pramana/in.med.cikitsa.gauda.bhaisajyaratnavali*sastri1978.7](https://indike.org/pramana/in.med.cikitsa.gauda.bhaisajyaratnavali*sastri1978.7) · Pramāṇa