[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Therapeutics](https://indike.org/pramana/in.med.cikitsa) › [Therapeutics of Bengal and Assam](https://indike.org/pramana/in.med.cikitsa.gauda) › [Vaidyakasaroddhara](https://indike.org/pramana/in.med.cikitsa.gauda.vaidyakasaroddhara) › 1.p120 # Vaidyakasaroddhara 1.p120 Vaidyakasāroddhāra 1.p120 - **Language:** Sanskrit ### [1.p120](https://indike.org/pramana/in.med.cikitsa.gauda.vaidyakasaroddhara.1.p120) rasābhravaṭikā karṣa sūtasya śuddhasya, gandhakasyābhrakasya ca | tataḥ kajalikāṃ kṛtvā, vyoṣacūrṇaṃ pradāpayet || keśarājabhṛṅgarājanirguṇḍīcitrakasya ca | grīṣmasundarakasyātha, jayantyāḥ svarasastathā || maṇḍūkaparṇyyāḥ svarasaḥ, tathā śakrāśanasya ca | śvetāparājitāyāśca, svarasaḥ parṇasambhavaḥ || rasatulyaṃ pradātavyaṃ, cūrṇaṃ maricasambhavaṃ | deyaṃ ramārddhabhāgena, cūrṇaṃ ṭaṅkanasambhavaṃ || śuddhe pāṣāṇapātre ca, gharṣaṇīyaṃ prayatnataḥ | śuṣkamātapasaṃyogādguṭikāṃ kārayedbhiṣak || kalāyasammitāmevaṃ, khādet tāṃ pratyaha naraḥ | hanti kāsaṃ tathā śvāsaṃ, vātaśleṣmabhavaṃ rujaṃ || etadvājīkaraṃ śreṣṭhaṃ, balavarṇāgnivarddhanam | jvare caivātisāre ca, siddha eṣa prayogarāṭ || nātaḥ parataraṃ śreṣṭhaṃ, vidyate ca rasāyanam | cāturthakajvare śreṣṭhaṃ, sūtikātaṅkanāśanaṃ | dadhyavaśyaṃ sadāpathyaṃ, prāha nāgārjunomuniḥ - [Previous: 1.p119](https://indike.org/pramana/in.med.cikitsa.gauda.vaidyakasaroddhara.1.p119) - [Next: 1.p121](https://indike.org/pramana/in.med.cikitsa.gauda.vaidyakasaroddhara.1.p121) - [Up: 1](https://indike.org/pramana/in.med.cikitsa.gauda.vaidyakasaroddhara.1) --- Source: [https://indike.org/pramana/in.med.cikitsa.gauda.vaidyakasaroddhara.1.p120](https://indike.org/pramana/in.med.cikitsa.gauda.vaidyakasaroddhara.1.p120) · Pramāṇa