[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Therapeutics](https://indike.org/pramana/in.med.cikitsa) › [Therapeutics of Bengal and Assam](https://indike.org/pramana/in.med.cikitsa.gauda) › [Vaidyakasaroddhara](https://indike.org/pramana/in.med.cikitsa.gauda.vaidyakasaroddhara) › 2.p33 # Vaidyakasaroddhara 2.p33 Vaidyakasāroddhāra 2.p33 - **Language:** Sanskrit ### [2.p33](https://indike.org/pramana/in.med.cikitsa.gauda.vaidyakasaroddhara.2.p33) mahāgandhakaṃ rasagandhakayorgrāhyaṃ, karṣamekaṃ suśodhitaṃ | tataḥ kajalikāṃ kṛtvā, mṛdupākena sādhayet || jātīphalaṃ tathā koṣaṃ, lavaṅgāriṣṭapatrake | eteṣāṃ karṣamātreṇa, cūrṇena saha mardayet6 || muktāgṛhe punaḥ sthāpyaṃ, puṭapākena sādhayet | guñjādvayapramāṇeṇa7 vaṭikāṃ kārayedbhiṣak || etat proktaṃ kumārāṇāṃ rakṣaṇāya mahauṣadhaṃ | arśoghnaṃ dīpannañcaiva balavarṇaṃ pramādhanaṃ || durvvāragrahaṇīroga jayeccaiva pravāhikāṃ | sūtikāñca jayedetadapi vaidyavivarjitaṃ || śvāsakāsātisāraghnaṃ vājīkaraṇamuttamaṃ | bālaroga nihantyāśu sarvvopadravasaṃyutaṃ || piśācā dānavā daityā bālānāṃ vyādhikārakāḥ | yatrauṣadhavarastiṣṭhettat sakāsaṃ na yānti te || bālānāṃ gadayuktānāṃ strīṇāñcāpi viśeṣataḥ | mahāgandhametaddhi sarvvavyādhinisūdanam - [Previous: 2.p32](https://indike.org/pramana/in.med.cikitsa.gauda.vaidyakasaroddhara.2.p32) - [Next: 2.p34](https://indike.org/pramana/in.med.cikitsa.gauda.vaidyakasaroddhara.2.p34) - [Up: 2](https://indike.org/pramana/in.med.cikitsa.gauda.vaidyakasaroddhara.2) --- Source: [https://indike.org/pramana/in.med.cikitsa.gauda.vaidyakasaroddhara.2.p33](https://indike.org/pramana/in.med.cikitsa.gauda.vaidyakasaroddhara.2.p33) · Pramāṇa