Hridayapriya 10
Hṛdayapriyā 10
- Language
- Sanskrit
Contents
- 10.129 — 1 part
10.104
bilvaṃ vātakaphacchardihidhmārucyatisārajit
takārī koṣṭharogātīsāravātakaphāpahā
10.105
vātaṃ kaphaṃ ca kāśmaryaḥ pāṭalā ḍuṇḍukaṃ jayet
kaphapittapramehaghnau lodhrau netrahitau himau
10.106
tatra śveto guṇotkṛṣṭaḥ śābaro'nuguṇo'sya ca
kṛmijvaraharo nimbaḥ kuṣṭhavātakaphāpahaḥ
10.107
kāḷaśākaṃ tiktakaḍu kaphavātaharaṃ laghu
dīpanaṃ pācanaṃ svaryaṃ rucyaṃ śoṣagarapraṇut
10.108
gṛñjano vātapittaghnaśśophagulmajvarāpahaḥ
tasya pallavamapyevaṃ kṛminetravikārajit
10.109
palāśo vātajid gulmaśūlaghnaḥ kṛmināśanaḥ
arjunaḥ kiṃśukaścobhāvubhau vātanāśanau
10.110
āragvadhassaraḥ śvitrakuṣṭhakrimikaphāpahaḥ
kam̐laiśāSource āmlaḥ ślīpadaghno vātajid gulmaśūlahā
10.111
vṛkṣāmlo vātajid gulmaśūlaśophavināśanaḥ
pittaḷaṃ tatphalaṃ rucyaṃ pakvaṃ sasvādu vātajit
10.112
tadbījavalkaṃ mehaghnaṃ patraṃ śophānilāpaham
karañjayugmantu saraṃ dīpanaṃ kaphavātajit
10.113
jambūdvayaṃ himaṃ raktapittātīsāramehajit
nyagrodhoduṃbarāśvatthaplakṣṇāṇāṃ pallavāstvacaḥ
10.114
kaṣāyāśśītaḷāḥ pathyā raktapittātisāriṇām
evaṃ kapītanasyāpi smṛtaṃ taiḥ pañcavalkalam
10.115
araḷudvitayaṃ coṣṇaṃ vātaśophavināśanam
modakaḥ pradaraṃ raktavātaśophaṃ ca nāśayet
10.116
uṣṇaśśirīṣo viṣahā kaṣāyaḥ kaphavātahā
vandhyo'syānuguṇacchardikaro vraṇakṛmipraṇut
10.117
vātapittāsrakṛdbālaṃ baddhāsthi kaphapittajit
gurvāmaṃ vātajit pakvaṃ pittaghnaṃ kaphaśukrakṛt
10.118
sahakāraraso hṛdyo rucyaśca kaphavātajit
tadbījaṃ vātajid grāhi jvaratṛṭkuśiroganut
10.11
āmrātakaṃ vātapittaharaṃ kiñcit kaphapradam
kapitthamāmaṃ kaṇṭhaghnaṃ doṣalaṃ doṣaghāti tu
10.120
9
pakvaṃ hidhmāvamathujit sarvaṃ grāhi viṣāpaham
vātaḷaṃ bakuḷaṃ grāhi dantānāṃ sthāpanaṃ param
10.121
panasasya phalaṃ bālaṃ kaphakṛdvātapittajit
agnimāndyakaraṃ pakvaṃ dāhatṛṣṇānivāraṇam
10.122
arśovivardhanaṃ bījaṃ svādu baddhamalaṃ guru
phalānāmavaraṃ svādu likucaṃ sarvadoṣakṛt
10.123
uṣṇo'sanaḥ kaphamarutkuṣṭhaśophavināśanaḥ
kāraskaro jayet kuṣṭhaṃ śophaṃ vātaṃ saraktakam
10.124
khadiro dantarogeṣu mehe kuṣṭhe ca śasyate
tālasya mañjarī vātakaphaśophavināśinī
10.125
masūrikādau tadbālaphalatoyaṃ hitaṃ himam
kegmūlaṃ vātakaphau jayet pradarahatsubham
10.126
nālikeraṃ guru snigdhaṃ pittaghnaṃ svādu śītaḷam
śuṣkaṃ tatkṛmiśūlaghnaṃ dantarogavināśanam
10.127
bhedī saṃmohakṛtpūgaḥ tatpuṣpaṃ raktaśophajit
snuhī yogaviśeṣeṇa virekāt sarvarogajit
10.128
latāsnuhī tato nyūnā svarṇakṣīryetirūkṣiṇī
saptacchado vātakaphau jayet kuṣṭhajvarādikān
10.129
kampilyo'pi tathā bhedī duṣṭavraṇaviśodhanaḥ
raktārśasyatisāre ca jvarādau kuṭajo hitaḥ
10.129.p1
iti caturthavargaḥ