Hridayapriya 4

Hṛdayapriyā 4

tailaṃ svayonivattatra mukhyaṃ tīkṣṇaṃ vyavāyi ca
tvagdoṣakṛnnacakṣuṣyaṃ sūkṣmoṣṇaṃ kaphakṛnna ca

kṛśānāṃ bṛṃhaṇāyālaṃ sthūlānāṃ karśanāya ca
baddhaviṭkaṃ kṛmighnaṃ ca saṃskārāt sarvarogajit

satiktoṣaṇamairaṇḍaṃ tailaṃ svādu saraṃ guru
vardhmagulmānilakaphānudaraṃ viṣamajvaram

rukacchophau ca kaṭīguhyakoṣṭhapṛṣṭhāśrayau jayet
nimbajaṃ kaphavātaghnaṃ nāntyuṣṇaṃ kṛmikuṣṭhajit

tadvat karañjajaṃ suptavāte'pacyādike hitam
kaṭūṣṇaṃ sārṣapaṃ tīkṣṇaṃ kaphaśukrānilāpaham

laghu pittāsrakṛt koṣṭhakuṣṭhāśauvraṇajantujit
ākṣaṃ svādu himaṃ keśyaṃ guru pittānilāpaham

jyotiṣmatīsamudbhūtaṃ vraṇakuṣṭhakaphāpaham
balyaṃ svarakaraṃ sadyo medhābuddhinivardhanam

kṛmighnamiṅgudītailaṃ tiktaṃ laghvapradoṣajit
bhṛśoṣṇatīkṣṇakaṭuke tauvaruṣkarodbhave

viśeṣāt kṛmikuṣṭhaghne ūrdhvādho'pi viśodhane
kiñcidvātakaraṃ pūrvaṃ paramarśaḥkaphāpaham

nālikerodbhavaṃ tailaṃ bṛṃhaṇaṃ balavardhanam
hṛdyaṃ tridoṣaśamanaṃ madhuraṃ dantarogajit

vasā majjā ca vātaghnau balapittakaphapradau
māṃsānugasvarūpau ca vidyānmedo'pi tāviva

iti tailavargaḥ

Linked texts (7)