Hridayapriya 6: atha tṛtīyo'dhyāyaḥ
Hṛdayapriyā 6
- Language
- Sanskrit
Contents
- 6.10 — 1 part
atha tṛtīyo'dhyāyaḥ
6.1
mudgāḍhakīmasūrrādi śimbidhānyaṃ vibandhakṛt
kaṣāyasvādusaṃgrāhi kaṭupākaṃ himaṃ laghu
6.2
medaḥśleṣmāsrapitteṣu hitaṃ lepāvasekayoḥ
varo'tra mudgo'lpacalaḥ kalāyastvativātalaḥ
6.3
rājamāṣo'nilakaro rūkṣo bahuśakṛd guruḥ
uṣṇāḥ kulatthāḥ pāke'mlāśrukrāśmaśvāsapīnasān
6.4
kāsārśaḥkaphavātāṃśca ghnanti pittāsradāḥ param
parṇintyau tṛṣṭide dṛṣṭeḥ prokte doṣatrayāpahe
6.5
ānāhārthaḥśvāsakāsavātaghno raktapittakṛt
vanyaḥkulasthaḥ kṣayajinmedodṛṣṭivikāranut
6.6
niṣpāvo vātapittāsrastanyamūtrakaro guruḥ
saro vidāhī dṛkcchukrakaphaśophaviṣāpahaḥ
6.7
māṣaḥ snigdho balaśleṣmamalapittakarassaraḥ
gurūṣṇo'nilahā svāduḥ śukravṛddhivirekakṛt
6.8
phalāni māṣavadvidyāt kākāṇḍolātmaguptayoḥ
uṣṇastvacyo himasparśaḥ keśyo balyastilo guruḥ
6.9
alpamūtraḥ kaṭuḥ pāke medhāgnikaphapittakṛt
snigdhomā svādutiktoṣṇā kaphapittakarī guruḥ
6.10
dṛkcchukrahṛt kaṭuḥ pāke tadvad bījaṃ kusumbhajam
navaṃ dhānyamabhiṣyandi laghu saṃvatsaroṣitam
6.10.p1
iti śimbidhānyavargaḥ
Linked texts (4)
- Aṣṭāṅgahṛdayasaṃhitā — Vāgbhaṭa, Sanskrit
- Vāgbhaṭasaṃhitā — Vāgbhaṭa, Sanskrit
- Āyurvedasaukhya — Ṭoḍaramalla 1565, Sanskrit
- Bhāvasvabhāva — Mādhavadeva 1688, Sanskrit