Pramāṇa · Search · About · API

Hridayapriya 7

Hṛdayapriyā 7

Language
Sanskrit

Contents

7.11

śītaṃ parpaṭakaṃ raktapittamehajvarāpaham
dūrvā jvaraharā vraṇyā raktapittavināśinī

7.12

sparśāsahā vraṇaharā śukrasrāvavināśinī
viṣṇukāntī jvaraharā vṛṣyā cetovikārajit

7.13

upodakā gulmapittaviṣaghnī mehanāśinī
cāṅgerī dīpanī cāmlā pittalā pācanī tathā

7.14

grahaṇyartho'nila śleṣmahitoṣṇā grāhiṇī laghuḥ
vṛṣyo'gnikṛttridoṣaghnassaṅgrāhī suniṣaṇṇakaḥ

7.15

ārdrikā kaphavātaghnī mūtralā na ca pittakṛt
tripādī mūtradoṣaghnī pipāsugvātakopajit

7.16

śophapāṇḍujvaraharā tīkṣṇoṣṇā tu viśodhanī
brahmī prajñābalakarī tiktā pittakaphāpahā

7.17

saptalāpi tathā śuddhikarī kuṣṭhāśmarīharā
maṇḍūkaparṇī kaphajit pittaghnī kuṣṭhanāśinī

7.18

tridoṣaśamanī vṛṣyā kakramācī rasāyanī
nātyuṣṇā śītavīryā ca bhedinī kuṣṭhanāśinī

7.19

śophodarārśasāṃ pathyā varṣābhūrdoṣajit sarā
vārāhī mehakuṣṭhaghnī balyā vṛṣyā rasāyanī

7.20

kākṣīrā vātajit koṣṇā dīpanyarśo'tisārajit
śilārijvaraśophaghnaḥ saro rūkṣastridoṣajit

7.21

śītalāticarā raktapittanetravikārajit
jaladaṃ jvarapittātīsārakṛcchrabhramehajit

7.22

śaśaśrutirjvaraharā vātavaiguṇyanāśinī
vasukò vātapittaghno mūtrakṛcchravināśanaḥ

7.23

paraṃ kṛcchrāśmarīhantā tatsamāno'śmabhedanaḥ
kumārī garakāsaghnī cakṣuṣyā dīpanī himā

7.24

kuśaṃ himaṃ vātapittamūtrakṛcchravināśanam
himāḥ pittajito darbhakāśaikṣuśaraśālayaḥ

7.25

sahadevī jvaraharā raktapittarujāpahā
raktapittaharī śītā bhadrā kṛcchrapramehajit

7.26

kāsaśvāsaharaṃ kaṇṭhyaṃ bhṛṅgaṃ keśyaṃ ca varṇadam
kaṭutiktarasaṃ pittaśleṣmaghnaṃ jvarajillaghu

7.27

tāmalakyatisāraghnī kāmilāpaharā himā
uṣṇo droṇaḥ kṛmiharo gulmaśūlavināśanaḥ

7.28

tatpuṣpantu tridoṣaghnaṃ hidhmāśvāsārucīrjayet
kutumbaraṃ tatsadṛśaṃ sūtikāśūlajit param

7.29

balātrayaṃ snigdhaśītaṃ bṛṃhaṇaṃ vātapittanut
kṣatakṣīṇe nāgabalā yakṣmaroge ca śasyate

7.30

āntravātaharī coṣṇā vraṇyā ca mṛdukuñcikā
vṛddhyaśmarīgulmaharā ramaṇī vātanāśinī

7.31

taṇḍulīyo laghuśśīto madapittavipāsahā
sakṣārassarvadoṣaghno vāstuko rocanassaraḥ

7.32

laghupatrā tu yā cilla़ī sā vāstukasamā matā
kāsaśvāsaharī tīkṣṇā viṣaghnī raktapittaḷā

7.33

ānāhagulmaśūlārśo hantrī haritamañjarī
tulasyau kaṭutīkṣṇoṣṇe kṛmigulmakaphāpahe

7.34

arśoviṣānilahare kaṇḍūpāmāvraṇāpahe
rājakṣavo'rśograhaṇīviṣamajvaranāśanaḥ

7.35

rāmākhyā tulasī tadvat nātyuṣṇā raktadoṣajit
karpūragandhā tulasī paramastrakaphāpahā

7.36

pattūro dīpanastiktaḥ plīhārśaḥ kaphavātajit
mithyātyuṣṇā vātakaphajvaraślīpadanāśinī

7.37

mūtradoṣakṛmiharā jharasī vātaḷānyanut
bhṛṅgīśirīṣaṃ saraṃ pittakapharaktavikārajit

7.38

gojihvā kaphapittaghnī cakṣuṣyā raktapittajit
samaṅgā dīpanī vātapittaraktātisārajit

7.39

kukṣirugjvaravātaghnaṃ dīpanaṃ bṛhatīdvayam
tatphalaṃ kṛmikuṣṭhaghnaṃ rūkṣaṃ vātakaphau jayet

7.40

śvāsakāsajvaraharā kaṇṭakārī viśeṣataḥ
kirātatiktaṃ doṣaghnaṃ dīpanaṃ grahaṇīharam

7.41

acakṣuṣyāḥ punaśśeṣā bṛhatyaḥ kīṭavarddhanāḥ
jvarātisārapavanapittaghnyau dīptide sthire

7.42

gokṣuraṃ jvarahṛt pittavātaghnaṃ srāvakṛcchrajit
māyūrikā raktapittaharā varṇyā jvarāpahā

7.43

apāmārgo'tisāraghno jvarahā vahnidīpanaḥ
ajagandhāgnikṛt gulmaśūlātīsāravātajit

7.44

śarapuṃkho vātakaphau mukhadantarujo jayet
vṛścikālī vātapittagulmaśūlātisārajit

7.45

nīlī keśyā vātapittakaṇḍūvraṇavināśinī
citrako'gnisamaḥ pāke śophārśaḥkṛmikuṣṭhahā

7.46

dīpanaḥ sūraṇo rucyaḥ kaphaghno viśado laghuḥ
vanasūraṇakandastu viśeṣādarśasāṃ hitaḥ

7.47

aghorī cittadoṣaghnī vātabhūtāviṣāpahā
aṃvitrā kṛmiśophaghnī bālānāṃ jaṭharārtinut

7.48

uddala śītalā pittakaphajinmehanāśinī
kṣemadaṃ vātapittaghnaṃ kṣatamarmavikārajit

7.49

karīrā pittaraktottharogaghnī netrarogajit
bhūkesaro'rśorogaghnaḥ vraṇahā garbhasaṅgajit

7.49.p1

iti prathamavargaḥ

Linked texts (3)