[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Theory and terminology](https://indike.org/pramana/in.med.paribhasa) › [Tantrayukti](https://indike.org/pramana/in.med.paribhasa.tantrayukti) › 1.p3 # Tantrayukti 1.p3 Tantrayukti 1.p3 - **Language:** Sanskrit ### [1.p3](https://indike.org/pramana/in.med.paribhasa.tantrayukti.1.p3) 21) vidhānaṃ nāma- yatprakaraṇānupūrvaṃ vidhānamāvekṣyate . 22) anumataṃ nāma- uṣṇaṃ śītaṃ dvidhaivānye vīryamācakṣate'pi ca . nānātmakamapi dravyamagnīṣomau mahābalau .. ityādinā hyanumataṃ na vighātaḥ kṛtaḥ. 23) vyākhyānaṃ nāma - yanmādṛśebhyo viśiṣṭatarabuddhigamyam.yathā- saptāhāt kalalībhavet . dvitīye māsi kalalāt ghanaḥ peśyathavārbudam . puṃstrīklībāḥ kramāt iti . na hyatra garbhasyāvartamānā bhāvāḥ śakyā vijñātuṃ yogidṛṣṭiṃ muktvā . 24) saṃśayo nāma - sākāṅkṣatvamaniścitavastu vijñānam.yathā - saṃśayaṃ prāptamātreyo jīvitaṃ tasya manyate. ityādi . 25) atītāpekṣaṇaṃ nāma- yadatikrāntamapekṣya prastutasya sādhanamucyate . yathoktaṃ hṛdrogacikitsite - rāsnājīvaka ityādi yāvat mahāsnehaṃ vipācayet .. iti. atra ca na jāyate katamo mahāsneha iti . tadetadatikrāntamapekṣya prasādhyate snehavidhyuktam . yathā - dvābhyāṃ tribhiścaturbhistairyamakastrivṛto mahān . ityāpekṣya vyākhyāyate . 26) anāgatāpekṣā nāma-- 27) svasaṃjñā nāma -yā tantrakāraiḥ svatantrasaṃvyāvāhārārthaṃ praṇītā satī paratantreṣu na vyavaharati . yathā śākhā raktādayastvak ca iti . 28) ūhyaṃ nāma -yadapratibaddhaṃ granthe svayaṃ prajñayā tarkayitvā yojyam. yathoktaṃ -trayastriṃśaditi proktā vargāsteṣu tvalābhataḥ. yuñjyāt tadvidhamanyacca dravyaṃ jahyādayaugikam .. iti - [Previous: 1.p2](https://indike.org/pramana/in.med.paribhasa.tantrayukti.1.p2) - [Next: 1.p4](https://indike.org/pramana/in.med.paribhasa.tantrayukti.1.p4) - [Up: 1](https://indike.org/pramana/in.med.paribhasa.tantrayukti.1) ## Linked texts (1) - [Aṣṭāṅgasaṃgraha](https://indike.org/pramana/in.med.samhita.astangasamgraha.25.6) — Vāgbhaṭa, Sanskrit --- Source: [https://indike.org/pramana/in.med.paribhasa.tantrayukti.1.p3](https://indike.org/pramana/in.med.paribhasa.tantrayukti.1.p3) · Pramāṇa