[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Theory and terminology](https://indike.org/pramana/in.med.paribhasa) › [Tantrayukti](https://indike.org/pramana/in.med.paribhasa.tantrayukti) › 5.3 # Tantrayukti 5.3 Tantrayukti 5.3 - **Language:** Sanskrit ### [5.3](https://indike.org/pramana/in.med.paribhasa.tantrayukti.5.3) upadeśo nāmāptavacanam. yathā snehaklonnāḥ koṣṭhāgā ityādi. apadeśo nāmācāryaḥ kañcidarthaṃ pratijñāya hetumupadiśati. yathā jīvitaṃ mriyamāṇānāṃ sarveṣāmeva nauṣadhāditi pratijñā. hetumāha- nahyupāyamapekṣante sarve rogā iti. atideśo nāmātītena deśaḥ atideśaḥ yat kiñcidevārthamuktvānuktārthasādhanāya evamanyadapi pratyetavyamiti paribhāṣāyāṃ jñāpayati. yathā mahataḥ pañcamūlasya kāṣṭhāt kṣaumeṇa veṣṭitam. yojyaścaivaṃ bhadrakāṣṭhādi tyādi. arthāpattirnāma yenārthenoktena tato'nyo'pyartho gadita iva jñāyate. yathā - naivādyāniśi naivoṣṇamityuktam. na tūktaṃ divā bhuñjīteti. etaccārthāpattyā gamyate. nirṇayo nāma yadanirdhāritasyārthasya pratiṣṭhāpanam. yathā dṛśyante bhagavan kecidityādina cikitsāśāstraṃ prati saṃśayakaraṇe paścānnirṇayārthamuttaraṃ yathā na cikitsā ca tulyā bhavitumarhatītyādi. prasaṅgo nāma pūrvābhihitasya sato'rthasya sato'rthasya kenacit sambandhāntareṇa punarabhidhānam. yathā sirāvyadhavidhau - lohitaṃ prabhavaṃ vadet śuddhaṃ tanostenaiva sthitirityuktvā punaḥ śārīraṃ śuddhārtavaprasaṅgenoktam. na ca punaruktidoṣaḥ yasmāt sirāvyadhe śarīraprabhavatvameva raktasyoktaṃ natu kramo varṇitaḥ. śārīre tu yayāpūrvyā śarīrahetuḥ syāt tad vistaraṇoktamiti. ekānto nāma ekameva pakṣamavyabhicāreṇāśrayati nānyat nyam. tadyathā ye bhūte tyādinā bhūtādijāstvāgantava iti. naikānto nāmānyatarapakṣānavadhāraṇam. yathā jīvitaṃ mriyamāṇānāṃ sarveṣāmeva nauṣadhādityādi. - [Previous: 5.2](https://indike.org/pramana/in.med.paribhasa.tantrayukti.5.2) - [Next: 5.4](https://indike.org/pramana/in.med.paribhasa.tantrayukti.5.4) - [Up: 5](https://indike.org/pramana/in.med.paribhasa.tantrayukti.5) --- Source: [https://indike.org/pramana/in.med.paribhasa.tantrayukti.5.3](https://indike.org/pramana/in.med.paribhasa.tantrayukti.5.3) · Pramāṇa