[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Theory and terminology](https://indike.org/pramana/in.med.paribhasa) › [Tantrayuktivicara](https://indike.org/pramana/in.med.paribhasa.tantrayuktivicara) › 14\_49 # Tantrayuktivicara 14\_49 Tantrayuktivicāra 14\_49 - **Language:** Sanskrit ### [14\_49](https://indike.org/pramana/in.med.paribhasa.tantrayuktivicara.14_49) vīryaṃ dravyasya tajjñeyaṃ yadyogāt kriyate kriyā . nāvīryaṃ kurute kiñcit sarvā vīryakṛtā hi sā .. iti . tairapi caivamatiprakṛṣṭaśaktiyuktānāmaśeṣaudhaguṇasārabhūtānāmaṣṭānāmeva gurvādīnāṃ vīryasaṃjñā viśiṣṭāmnāyavihitāpi laukikīti samudbhāvyate . tathāhi . tayā rasavipākaguṇāntaravijayino bhūyāṃsaśca variṣṭhaśca guṇāḥ saṃgṛhitāḥ . viśeṣavṛttyā ca tatra tatra dravyasvarūpakathane vyavahāraḥ pravarttito bhavati . ata eva sarvātiśāyi dravyasvabhāvaḥ prabhāvaḥ ityāmnātaḥ.satyapi ca kriyānivarttanasāmānye tadviparītā rasādayo vīryākhyayā prabhāvasaṃjñayā vā na parāmṛśyante. anye tu gurvādināmagnīṣomātmakatvād ādānavisargavibhāgena kālasya coṣṇaśītātmakatvād dvividhamevāmananti . evaṃ cāhuḥ - - [Previous: 14\_48](https://indike.org/pramana/in.med.paribhasa.tantrayuktivicara.14_48) - [Next: 14\_50](https://indike.org/pramana/in.med.paribhasa.tantrayuktivicara.14_50) ## Linked texts (1) - [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya.629) — Vāgbhaṭa, Sanskrit --- Source: [https://indike.org/pramana/in.med.paribhasa.tantrayuktivicara.14_49](https://indike.org/pramana/in.med.paribhasa.tantrayuktivicara.14_49) · Pramāṇa