Pramāṇa · Search · About · API

Ashvayurveda 12

Aśvāyurveda 12

Language
Sanskrit

12.1

varṇāḥ sapta bhavantīha sarveṣāṃ vājināṃ dhruvam
tānahaṃ kīrtayiṣyāmi bhedairjātānanekadhā

12.2

sito raktastathā pītaḥ sāraṃgaḥ piṃga eva ca
nīlo kṛṣṇo'tha sarveṣāṃ śvetaḥ śreṣṭhatamaḥ smṛtaḥ

12.3

paṭṭārho bhūpatervājī sarvaśvetaḥ praśasyate
tadabhāve yathā proktastathā śreṣṭhāḥ krameṇa ca

12.4

śvetaḥ prāleyasaṃkāśo raktaḥ kuṃkumasaṃnnibhaḥ
haridrāsadṛśaḥ pītaḥ sāraṃgaḥ karburaḥ smṛtaḥ

12.5

piṃga kapilakākāro nīlo dūrvāgrasannibhaḥ
kṛṣṇo jambūphalākāraḥ śāstrajñaiḥ samudāhṛtaḥ

12.6

pītābhaḥ śvetapādo yastathā syātsitalocanaḥ
cakravākaḥ sa vijñeyo rājārho vājisattamaḥ

12.7

sarvaśveto hayo yastu bhavenmecakakarṇakaḥ 1
sa vājī vājimedhārhaḥ śyāmakarṇaḥ prakīrtitaḥ

12.8

mukhe candrakasrvīto 2 jambūphalasamākṛtiḥ
śvetapādaḥ sa vijñeyo mallikākhyaḥ sa pūjitaḥ

12.6-2

catvāropyasitāḥ pādāḥ sarvaśvetasya vājinaḥ
bhavanti yasya sa tyājyo yamadūtaḥ sudūrataḥ

12.10

yasya pādāḥ sitāḥ sarve pucchaṃ vakṣo mukhaṃ tathā
mūrdhajāśca sitā yasya taṃ vidyādaṣṭamaṃgalam

12.11

bhasmābhaṃ vājinaṃ jahyāt sudūreṇa narādhipaḥ
yadi vāṃrcchāta' kalyāṇaṃ vāñchecca śrīsamudbhavam

12.12

yasya' romavibhedena jāyante roma vindavaḥ
puṣpākhyaḥ sa parityājyaḥ sarvavājībhayāvahaḥ

12.13

yasya pādāḥ sitāḥ sarve tathā vaktrañca madhyataḥ
kalyāṇapañcakaḥ proktaḥ sarvakalyāṇakṛcca1 saḥ

12.14

vimiśravarṇakāḥ sarve praśastā vājinaḥ smṛtāḥ
kṛṣṇanīlasya miśratvamekaṃ muktvā sudūrataḥ

12.15

yasyotkṛṣṭataro varṇo vṛddhiṃ yāti śanaiḥ śanaiḥ
nāśayaṃti2 tathā nīcān sa karoti bahūn hayān

12.16

yasyādhamena varṇena chādyate3 ca pradhānajaḥ
vivṛddhiṃ gacchatā so'tha karoti hayasaṃkṣayam

Linked texts (3)