Ashvayurveda 23

Aśvāyurveda 23

ghṛtavidhānam

śilājatu viśālā ca padmakaṃ nāgakeśaram
lākṣā padmakamūlanca nimbadvayasamanvitam

ghṛtaṃ mākṣikasaṃyuktaṃ2 saptaviśatikaṃ viduḥ
aṣṭāṃśaṃ tu samādāya surāmāṃsaghṛtasya ca

yatnamātrāṇi sarvāṇi pūrvadravyāṇi niḥkṣipet
teṣāṃ3 dānena tatsarpirjayate sarvavājinām

valapuṣṭikaṃra nityaṃ sarvavātavināśanam
sarvarogapraśamanaṃ kāyāgneśca pradīpanam

ojaskaraṃ vyathānāśaṃ plīhaśoṣapraṇāśanam
dhātakī keśaraṃ kuṣṭhaṃ kusumaṃ kuṃkumaṃ nalam

dāḍimaṃ¹ sitarodhrañca palamātrāṇi niḥkṣipet
ghṛtañca pācayet² pānādabhighātānvito hayaḥ

jāyate sarvaśuddhāṃgo³ mahāprāṇairna saṃśayaḥ
āranālaṃ vacā kuṣṭhaṃ piṃgalā sikthakaṃ⁴ ghṛtam

etaiḥ pakvaṃ ghṛtaṃ samyak pittavyādhivināśanam
haridrādvayasaṃyuktaṃ gandhakaṃ tu manaḥśilā 𑌤

kvāthayennavanītena dviguṇena ghṛtena ca
abhyaṃgenātha pānena saptarātreṇa⁵ vājinaḥ

kaṇḍūtirnikṣayaṃ⁶ yāti tathodarabhavā rūjaḥ⁷
mākṣikaṃ nimbapatrāṇi nakhaṃ⁸ guggulaeva ca

bhṛṃgarājo viśālā⁹ ca pāṭhā caiva punarnavā
vilvamāruṣkaraṃ¹⁰ rodhraṃ saindhavaṃ tagaraṃ¹¹ tathā

etaiḥ paktvā ghṛtaṃ vājī saṃprāpyārtervimucyate ¹²

iti śrīnakulakṛte'śvacikitsite ghṛtādhyāyo nāma caturdaśo'dhyāyaḥ

Linked texts (1)