Ashvayurveda 8
Aśvāyurveda 8
- Language
- Sanskrit
8.538
atha puṇḍraka lakṣaṇam
pradeśalakṣaṇaṃ proktaṃ puṇḍrānāṃ lakṣaṇaṃ śṛṇu
prapānordhvaṃ' stuvasyādhaḥ śvetaṃ śvetetarasya yat
tat puṇḍramiti vijñeyaṃ tasya saṃsthānataḥ phalam
8.536
tatpuṇḍrake vajrasvastika bhṛṅgāra chatra tintiḍīphala kamala kamaladala kalaśa
lāṃgala gadā patākā dhvajām̐kuśādarśa śrīvatsa śaṃkhanibhaiḥ
cāmara kūrmmāṣṭāpada vedī khaḍgopamairmahāḥ puṇḍraiḥ
kurvanti1 vijayaṃ bharturvibhavaṃ putrāṃśca pautrāṃśca
8.540
vicchinna puṇḍrakeṇa vaiṣamyaṃbhavati parājayaṃ bhartuḥ
atha tīryagāyatena vittabhraṃśaṃ vijānīyāt
8.541
kalmāṣapuṇḍrakeṇa¹ kleśo vandho yamena vaddhasyāt
atha pāśa śṛṃkhalābhe vandhabhayau stāṃ sadā bhartuḥ
8.542
etāni turagāṇāṃ puṇḍrāṇi śubhāśubhāni kathitāni
dhanyādhanyānyadhunā lalāmarūpāṇi vakṣyante
8.543
śvetaṃ lalāṭamadhye tārārūpaṃ hayasya yadbhavati
tattu lalāmaṃ vidyāt phalaṃ tu saṃsthānatastasya
8.544
candrārdhacandradinakaratārāvajropamaṃ lalāmantu²
yasya turagasya bhavettasya svāmī bhavedrājā
8.545
piṭakākṛti³ tu lalāmaṃ kākapadaṃ bhavati yacca vicchinnaṃ
vāmasthaṃ cādhastādvittavināśāya nirdaśyam
8.546
yaduktaṃ śālihotreṇa gargeṇa ca tathaiva ca
uktāḥ1 puṇḍravikalpāśca śṛṇu cinhaṃ dhvajāhvayam
8.547
śiraḥkarṇākṣikeśeṣu2 vālapādodarāṃśake
anyavarṇo bhavedyasya taiścihnau ścihnitaṃ viduḥ
8.548
tamāruhya hayaṃ rājā sa parai rjīyate raṇe
tasmādrājā viśeṣeṇa dhvajinaṃ varjayedraṇe
8.551
tatra kalmāṣarūkṣāṇi vicchinnāni tanūmi ca
puṇḍrāṇi na praśasyante pītaraktāsitāni ca