[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Veterinary Medicine and Animal Lore](https://indike.org/pramana/in.med.pasu) › [Elephantology and elephant medicine](https://indike.org/pramana/in.med.pasu.gaja) › [Hastyayurveda](https://indike.org/pramana/in.med.pasu.gaja.hastyayurveda) › 76.p1.3 # Hastyayurveda 76.p1.3 Hastyāyurveda 76.p1.3 - **Language:** Sanskrit ### [76.p1.3](https://indike.org/pramana/in.med.pasu.gaja.hastyayurveda.76.p1.3) vṛkṣaveśmābhighātādvā vasudhāṃ nimnatastathā niyudhyamānasya kairebandhervā vividhaistathā nāgasya kāraṇairebhirviṣāṇamupahanyate jarjaratvamavāpnoti bhajyate vā patatyapi kalpānte mathyate vā'pi • dālyate pāṭhyate'pi vā nāstyutpātakṛto doṣo yaddantapatanaṃ bhavet ityāgantoḥ samākhyātaṃ dantarogasya lakṣaṇam ata ūrdhvaṃ pravakṣyāmi sādhyāsādhyasya lakṣaṇam bhagnaśeṣasthitaṃ yāpyaṃ dantaveṣṭavyapāśrayam veṣṭopariṣṭādyadbhagnamasādhyamapi nirdiśet keriṇyā saha nistīrṇe vraṇakarmavidhiḥ smṛtaḥ saṃvatsaroṣito vyādhiḥ sa yāpyo yo na sidhyati sa yadā vardhate danto vivarṇasya ca dṛśyate evaṃ sādhyamiti brūyādasādhyaḥ saṃpravakṣyate yasyāṃ tu kṛmayo veṣṭau bhakṣayanti tadudbhavāḥ veṣṭaḥ saṃmlāyate caiva vivarṇaścopalakṣyate †karīryāścopaghātena srāvaḥ pūtiḥ pravartate na ca siddhimavāpnoti tadasādhyasya lakṣaṇam yāpyaṃ ca yāpayeddantamasādhyaṃ ca vivarjayet sādhyaṃ ca sādhayedvaidyaḥ śāstroddiṣṭena karmaṇā daśāṅgulā gatiryā tu bheṣajyaṃ tatra kārayet ūrdhvaṃ daśabhyo'ṅgulebhyo bheṣajyaṃ na praśasyate sarpiḥprakṣālanaṃ kāryaṃ dante sadyaḥkṣate nṛpaḥ dantarogasya śāntyarthamārogyāyaiva dantinām kaṭukāni kaṣāyāṇi tiktāni ca samāharet tvakpatraphalamūlāni śoṣayitvā vipācayet tena prakṣālayedveṣṭau kṣārairvā vividhaistathā prasannayā vā prakṣālyau hastimūtreṇa vā punaḥ tilasarṣapakalkena vātake'bhyañjanaṃ hitam nasta(sya)karma ca kartavyaṃ trivṛtena bhiṣagjitā paṭolaṃ candanaṃ mūrvā golomī kaṭurohiṇī pāṭhayā saha tulyāni gavāṃ mūtreṇa 'peṣayet - [Previous: 76.p1.2](https://indike.org/pramana/in.med.pasu.gaja.hastyayurveda.76.p1.2) - [Next: 76.p1.4](https://indike.org/pramana/in.med.pasu.gaja.hastyayurveda.76.p1.4) - [Up: 76.p1](https://indike.org/pramana/in.med.pasu.gaja.hastyayurveda.76.p1) ## Linked texts (1) - [Suśrutasaṃhitā](https://indike.org/pramana/in.med.samhita.susruta.1.23.14_2) — Suśruta & Nāgārjuna (siddha/alchemist), Sanskrit --- Source: [https://indike.org/pramana/in.med.pasu.gaja.hastyayurveda.76.p1.3](https://indike.org/pramana/in.med.pasu.gaja.hastyayurveda.76.p1.3) · Pramāṇa