[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Veterinary Medicine and Animal Lore](https://indike.org/pramana/in.med.pasu) › [Shivattvaratnakara](https://indike.org/pramana/in.med.pasu.sivattvaratnakara) › 74.66 # Shivattvaratnakara 74.66 Śivattvaratnākara 74.66 - **Language:** Sanskrit ### [74.66](https://indike.org/pramana/in.med.pasu.sivattvaratnakara.74.66) yathā vīṇāgatā tantrī sarvarogaprakāśikā tathā hastagatā nāḍī sarvarogaprakāśikā nipīḍyāṃguṣṭhamūladāvaṃkuśākṛtikrāṃguliḥ tryaṃgulyagraiḥ parīkṣyeta dhamanīṃ rogabhedinīm brahmanāḍī vāyujanyā viṣṇunāḍī ca pittajā rudranāḍī kaphotpannā tarjanyādiṣu vakṣyate vātā vakragatirnāḍī pittā capalvāhinī śleṣmā sthiragatiścaiva sarvaliṅgā tu sarvagā vyāyāmatṛṣṇātapapīḍitasya bubhukṣato bhuktavato'pi jantoḥ abhyañjanasnānavadhūpabhogakriyāsu nāḍī na vibodhanīyā pādayorhastayorghāṇamūlayoḥ karṇamūlayoḥ pādayornāḍikāsthānaṃ gulphasyādho'ṅ‌gulatrayam hastayostu prakoṣṭhānte maṇibandhe'ṅ‌gulatrayam nāsāmūle'ṅ‌guladvandvaṃ karṇamūle'ṅ‌gulānvitam ityevaṃ nāḍikāsthānaṃ sparśanād jñeyamīritam ajīrṇe raktapitte ca pādanāḍīṃ vinirdiśet kṣayaśvāsādigulmeṣu jvare śītajvare'pi ca sannipātādirogeṣu hastanāḍīṃ vinirdiśet vraṇe bhagandare cārśoltāśīrṣavyathāsu ca evamādiṣu rogeṣu nāsānāḍīṃ vinirdiśet vātāpasmārakuṣṭheṣu kaṇṭhanāḍīṃ vinirdiśet karṇaroge ca dṛgroge pramehe pādarogake krameṇa buddhimanvaidyaḥ karṇanāḍīṃ parīkṣayet sarpajalaukādigatiṃ vadanti vibudhāḥ prabhañjane nāḍyām pitte tu kākalāvakamaṇḍūkagatiṃ vidussudhiyaḥ rājahaṃsamayūrāṇāṃ pārāvatakapotayoḥ kukkuṭasya gatiṃ dhatte dhamanī kaphasaṃjñinī muhussarpagatiṃ nāḍī muhuḥ kākagatiṃ tathā vātapittasamudriktāṃ pravadanti vicakṣaṇāḥ jvarāsṛkkāmilāpāṇḍuvyatisāre pramehake caṭabhekagatiṃ paśyedvaidyavidyāviśāradaḥ aśītivāteṣvānāhe tathodāvartasaṃjñake jalaukāgatimāśritya nāḍī nityaṃ pravartate aṣṭhīlā ca pratiṣṭhīlā tunī pratitunī tathā śvāsakāse yakṣmāroge piṭakāgulmakodare - [Previous: 74.49](https://indike.org/pramana/in.med.pasu.sivattvaratnakara.74.49) - [Next: 74.84](https://indike.org/pramana/in.med.pasu.sivattvaratnakara.74.84) - [Up: 74](https://indike.org/pramana/in.med.pasu.sivattvaratnakara.74) ## Linked texts (4) - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.74.66) — Basappa Nāyaka 1684, Sanskrit - [Bṛhadyogataraṅgiṇī](https://indike.org/pramana/in.med.yoga.brhadyogatarangini.71.7) — Trimalla, Sanskrit - [Yogataraṅgiṇī (Trimalla)](https://indike.org/pramana/in.med.yoga.yogatarangini-trimalla-bhatta.71.7) — Trimalla, Sanskrit - [Nāḍīdarpaṇa](https://indike.org/pramana/in.med.nadi.kartr.nadidarpana.3.50) — Dattarāma 1800, Sanskrit --- Source: [https://indike.org/pramana/in.med.pasu.sivattvaratnakara.74.66](https://indike.org/pramana/in.med.pasu.sivattvaratnakara.74.66) · Pramāṇa