[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Diet and regimen](https://indike.org/pramana/in.med.pathya) › [Bhojanakutuhala](https://indike.org/pramana/in.med.pathya.bhojanakutuhala) › 21.p5 # Bhojanakutuhala 21.p5 Bhojanakutūhala 21.p5 - **Language:** Sanskrit ### [21.p5](https://indike.org/pramana/in.med.pathya.bhojanakutuhala.21.p5) tulye 'pi hato'nyonyaṃ viṣe sthāvarajaṅgame | saktavo vātalā rūkṣāḥ pītāste tarpayantyapi || vināpi copayogena maṇimantrādikāryakṛt | ārdrākājjāyate śuṇṭhī saṃskarāeṇa laghīyasī || laghubhyo'pi hi saktubhyo guravaḥ bhaktapiṇḍakāḥ | bhṛṣṭaḥ kṣuṇṇo'pi pṛthuko raktaśālerlaghorguruḥ || śālipiṣṭo garīyastvaṃ godhūmādapi gacchati | laghuḥ pittaharo lājo vrīhito gurupittalāt || saṃgrāhiṇo laghormudgātkulmāṣo bhedano guruḥ | āmaṃ grāhitaraṃ takaṃ tatkavalīkṛtamanyathā || guḍatoyācca sutarāṃ mūtralaṃ guḍapānakam | garīyo guḍadadhyukta rasālā cātiśukralā || daṇḍādimanthanādaśmo guṇaścāviśoṣadāt | anuddhatasnehamapi takaṃ śophaharaṃ laghu || sarpiḥ snigdhataraṃ hanti nārditaṃ navanītavat | cakṣuṣyo'pi hi godhūmastailapakvastu dṛṣṭihā || mūlakaṃ doṣajanana siddhaṃ tu tadadoṣalam | uṣṇaṃ viṣībhavatyeva viṣamamapi mākṣikam || durbhājanasthā drākṣāmlā doṣalā ca prajāyate | rūkṣaṇaḥ piṣṭo ghano lepaścandanasyāpi dāhakṛt || medhyastalaḥ sparśaśīto medhyaṃ tailaṃ khalo himaḥ | tasyaiva śleṣmakāritvaṃ na tailasya khalasya vā || daghnaḥ śvayathukāritvaṃ na takranavanītayoḥ | bhūri sātmyaṃ dadhikṣīraśarīraṃ madyādiṣu || dhārāḥ prācyeṣu matsyāśca saindhaveṣvandhakeṣu ca - [Previous: 21.p4](https://indike.org/pramana/in.med.pathya.bhojanakutuhala.21.p4) - [Next: 21.p6](https://indike.org/pramana/in.med.pathya.bhojanakutuhala.21.p6) - [Up: 21](https://indike.org/pramana/in.med.pathya.bhojanakutuhala.21) ## Linked texts (1) - [Carakasaṃhitā](https://indike.org/pramana/in.med.samhita.caraka.6.30.324) — Agniveśa (Āyurveda) & Caraka, Sanskrit --- Source: [https://indike.org/pramana/in.med.pathya.bhojanakutuhala.21.p5](https://indike.org/pramana/in.med.pathya.bhojanakutuhala.21.p5) · Pramāṇa