[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Diet and regimen](https://indike.org/pramana/in.med.pathya) › [Bhojanakutuhala](https://indike.org/pramana/in.med.pathya.bhojanakutuhala) › 21.p9 # Bhojanakutuhala 21.p9 Bhojanakutūhala 21.p9 - **Language:** Sanskrit ### [21.p9](https://indike.org/pramana/in.med.pathya.bhojanakutuhala.21.p9) piṣṭābhe salilaṃ priyālaphalaje pathyā hitā māpaje khaṇḍaṃ kṣīramaye ca takramucitaṃ koṣṇāmbu kālāmlaje | mātsye nūtaphalaṃ tvajīrṇaśamanaṃ madhvambu pānātyaye taile puṣkaraje kaṭu praśamanaṃ śeṣaṃ tu buddhyā jayet || tathāpanase kadalaṃ kadale ca ghṛtaṃ ghṛtapākavibhāvāpi jambharasaḥ | tadupadravaśāntikaraṃ lavaṇaṃ lavaṇe'pi ca taṇḍulavāri param || nārikeraphalatālabījayoḥ pāṭanaṃ sapadi taṇḍulaṃ viduḥ | te vadanti munayo'tha taṇḍulān kṣīravāri paripācayediti || dāḍimāmalakatālatindu kībījapūralavalīphalāni ca | bākulena ca phalena pācayet pāti vakulaṃ svabījataḥ || madhūkamālūranṛpādanānāṃ parūṣakakharjūrakapitthakānām | pākāya peyaṃ picumandabījaṃ siddhārthako hanti ca bījapūram || mṛṇālakharjūrakahārahūrā kaseruśṛṅgāṭakaśarkarāṇām | yathā vipākāya ca bhadramustaṃ tathā rasone ca payaḥ praśastam || āmrātakodumbarapippalānāṃ phalāni ca plakṣavaṭādikānām | syuḥ śarmaṇe paryuṣitodakena sauvarcalenāmraphalasya pākaḥ || sauvīraṃ phalamapi coṣṇavāri intyāt prācīnamalakamapīha rājikaikā | nāgaraṃ harati bilvajāmbhavaṃ śarkarā pacati tindu kīphalam | jīrakaṃ pacati bākulodbhavaṃ pācayenmadhurikā kapitthajam - [Previous: 21.p8](https://indike.org/pramana/in.med.pathya.bhojanakutuhala.21.p8) - [Next: 21.p10](https://indike.org/pramana/in.med.pathya.bhojanakutuhala.21.p10) - [Up: 21](https://indike.org/pramana/in.med.pathya.bhojanakutuhala.21) ## Linked texts (2) - [Ajīrṇamañjarī](https://indike.org/pramana/in.med.cikitsa.ajirnamanjari.9) — Kāśinātha, Sanskrit - [Ajīrṇamañjarī](https://indike.org/pramana/in.med.cikitsa.ekaroga.ajirnamanjari.2.23) — Dattarāma, Sanskrit --- Source: [https://indike.org/pramana/in.med.pathya.bhojanakutuhala.21.p9](https://indike.org/pramana/in.med.pathya.bhojanakutuhala.21.p9) · Pramāṇa