[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Diet and regimen](https://indike.org/pramana/in.med.pathya) › [Bhojanakutuhala](https://indike.org/pramana/in.med.pathya.bhojanakutuhala) › 5.p1 # Bhojanakutuhala 5.p1 Bhojanakutūhala 5.p1 - **Language:** Sanskrit ### [5.p1](https://indike.org/pramana/in.med.pathya.bhojanakutuhala.5.p1) śālayastaptuṣā bhārdrā mṛṣṭā asphuṭitāśca tāḥ | kuṭṭitāścipiṭāssamyak te smṛtāḥ pṛthukā iti || pṛthukā guravo vātanāśanāḥ śleṣmalā api | sakṣīrā bṛṃhaṇā vṛṣyā balyā bhinnamalā hi te || pohe | ardhapakvaiśśamīdhānyaistṛṇabhṛṣṭaiśca holakaḥ | holako'lpānilo medaḥkaphadoṣaśramāpahaḥ || bhavedyo holako yasya sa ca tattadguṇo bhavet | ravhā | mañjarī tvardhapakvā yā yavagodhūmayorbhavet || tṛṇānalena saṃsṛṣṭā budhairambvīti sā smṛtā| ambvī kaphapradā balyā laghvī pittānilāpahā || voṃvī | sverdhasvinnāstu godhūmā anye'pi caṇakādayaḥ | huramāpā iti kathyante śabdaśāstreṣu paṇḍitaiḥ - [Previous: 4.p10](https://indike.org/pramana/in.med.pathya.bhojanakutuhala.4.p10) - [Next: 5.p2](https://indike.org/pramana/in.med.pathya.bhojanakutuhala.5.p2) - [Up: 5](https://indike.org/pramana/in.med.pathya.bhojanakutuhala.5) --- Source: [https://indike.org/pramana/in.med.pathya.bhojanakutuhala.5.p1](https://indike.org/pramana/in.med.pathya.bhojanakutuhala.5.p1) · Pramāṇa