Rasadhyaya 1

1.1

siddhiḥ śrīnāmato yeṣāṃ bhavetsarvepsitaṃ śriyām
natvā tānarhataḥ kurve kaṃkālādhyāyavārttikam

Bowing to those Jinas by whose auspicious name perfection ensues, the desired object of all fortunes, / I compose the commentary on the chapter of Kaṅkāla.

1.2

gurubhyaḥ kiṃcidākarṇya tajjñaiḥ saṃsṛjya kiṃcana
kiṃcidanyanubhūyāsau graṃtho vivṛtīyate mayā

1.3

prokto'pi guruṇā sākṣāddhātuvādo na siddhyati
yāvanna dṛśyate dvistrirgurupārśve kriyāvidhiḥ

1.4

yasmāttatspādapi śrutvā yatra kutrāpi vīkṣya ca
dṛṣṭvavyayaṃ prakurvanto mudhā trāmyaṃti bāliśāḥ

1.5

prasannībhūya cetsarvaṃ darśayetkarma sadguruḥ
līlayāpi tadā sarve yogāḥ sidhyantyasaṃśayam

1.6

tato'tra vyaktamukte'pi graṃthārthe mukhyaniścayāt
gurūnupekṣya no kāryo dhātuvāde pariśramaḥ

1.7

kiñca—
vakti yo na sa jānāti yo jānāti na vakti saḥ
tato yatrāpi tatrāpi prasāryaṃ na mukhaṃ budhaiḥ

1.8

rasagurjyaṃjanābhijñaḥ śrīkaṃkālayayogyabhūn
tena svaśiṣyaśikṣārthaṃ rasatattvaṃ niveditam

1.9

śrīkaṃkālayaśiṣyo'pi svānyopakṛtaye kṛtī
ekaviṃśatyadhīkāraṃ rasādhyāyaṃ nibaddhavān

1.10

tatrādāveva nirvighnaṃ prārabdhakāryasiddhyarthamabhīṣṭadevatānamaskāramāha—
śrībhairavaṃ praṇamyādau sarvajñaṃ trijagatprabhum
śrībhāratīṃ ca vighneśaṃ vande pratyūhaśāntaye

1.11

brahmacaryaṃ tapaḥ kāryaṃ haviṣyānnasya bhojanam
kriyābhraṣṭe na siddhyaṃti taponaṣṭe phalanti na

1.12

athā'dhyāyaṃ samāyātaṃ śrīkaṃkālayayoginaḥ
vadāmi vyañjito yatra yuktibhiḥ śṛṃkhalārasaḥ