Rasadhyaya 2

2.2

tataḥ śodhitarasasya mūrchitotthāpanam

Having heard something from gurus, having conferred something with those who know it, / and having personally experienced a little, this text is explained by me.

2.3

mūrchitotthāpitasya pātanam

2.4

pātitasya ca punarutthāpanam

2.5

pātitotthāpitasya svedanam

2.6

svedena sveditasya ca niyāmitvam

2.7

niyāmitasya nirodhakatvam

2.8

nirodhitasya ca vakraprasāraṇam

2.9

vakraprasāritasya cābhrakajāraṇam

2.10

jīrṇābhrakasya ca lohajāraṇam

2.11

jīrṇalohasya cāyaḥprakāśarājijāraṇam

2.12

jīrṇāyaḥprakāśarājeśca hemarājijāraṇam

2.13

jīrṇahemarājergaṃdhakajāraṇam

2.14

jīrṇagaṃdhakasya ca manaḥśilāsatvajāraṇam

2.15

jīrṇaśilāsattvasya ca khāparasatvajāraṇam

2.16

jīrṇakhāparasattvasya cānyapathahīrakajāraṇam

2.17

jīrṇavajrasya ca baṃdhaḥ

2.18

baṃdhasya sāraṇam

2.19

sāritasya ca māraṇam

2.20

māritasya ca tasya krāmaṇam

2.21

krāmitasya ca baṃdhaḥ

2.22

baṃdhasya codghāṭanam

2.13-2

iti
sūtadoṣāṃstataḥ śuddhiṃ saṃskārātpākū vadāmyaham
rasānāṃ phalamutpattiṃ dehaloharasāyanam

2.14-2

mṛṇmayaḥ kaṃcukaścaiko dvikaḥ pāṣāṇakaṃcukaḥ
tṛtīyo jalajātaśca dvau dvau ca nāgavaṅgajau

2.15-2

kapāli kālikā vaṅge nāge śyāmakapālike
yādaśī ca tarā dugdhe tadrūpe dve kapālike

2.16-2

paṃcavarṇā bhavecchyāmā kālikā kṛṣṇavarṇikā
sadā mṛtasya jāyaṃte sahajāḥ sapta kaṃcukāḥ

2.17-2

maladoṣo bhavedeko dvitīyo vahnisaṃbhavaḥ
viṣadoṣastṛtīyastu caturtho darpasaṃjñakaḥ

2.18-2

unmattaḥ pañcamo doṣo doṣā pañca sadā rase
mṛṣmayātkaṃcukātkuṣṭhaṃ jāyate ca śarīriṇām

2.19-2

pāṣāṇājjāyate jāḍyaṃ vātastomaśca vārijāt
kuryātāṃ cilharī dehe vaṃganāgakapālike

2.20-2

gajacarmāṇi dadrūṇi kurute kālikā sadā
pāṃḍurogaṃ tathā mohaṃ dubhitāni ca kāmalām

2.21-2

jāyate śvetakuṣṭhaṃ ca śyāmākaṃcukasaṃbhavam
haṃti tejaḥ śarīrasya maḷaḥ pāradasaṃbhavaḥ

2.22-2

sattvaghātaṃ karotyagniviṣaṃ ghūrmma karoti ca
darpādaṅgaṃ sphuṭatsevonmattādunmattatā bhavet

2.23

yuktaṃ dvādaśabhirdoṣairyastu dadyāttu pāradam
brahmahatyādikā hatyā bhavedyuktasya sarvadā

2.24

muktaṃ dvādaśabhirdoṣairdadyādyaḥ pāradeśvaram
mahīyāniha loke syātparatra svargabhāg bhavet

2.25

doṣairdvādaśabhirmukto dehaṃ nīrogayedrasaḥ
saṃskārairddīpasaṃkhyaiśca (18) saṃskṛto dehalohakṛt

2.26

sūte'ṣṭādaśasaṃskārāstatrādyaḥ pāṭasāraṇaḥ
dvitīyo mardano nāma tṛtīyaḥ śodhano mataḥ

2.27

mūrcchanotthāpanasturyaḥ pañcamo rasapātanaḥ
rasasyotthāpanaṃ ṣaṣṭhaḥ saptamaḥ svedano bhavet

2.28

niyāmako 'ṣṭamaḥ prokto navamastu nirodhakaḥ
daśamo mukhakārī syāt rudrasaṃkhyo hi jāraṇaḥ

2.29

sūryāṃko baṃdhakṛtprokto yakṣasaṃkhyastusāraṇaḥ
māraṇo manusaṃkhyaḥ syāttithyaṃkaḥ pratisāraṇaḥ

2.30

kāmaṇaḥ ṣoḍaśāṃkaḥ syādvedhaḥ saptadaśāṃkakaḥ
aṣṭādaśaśca saṃskārastajjñairudghāṭano mataḥ

2.31

atha pāṭasāraṇaḥ
vāsasā gālite sūte saṃskāraḥ pāṭasāraṇaḥ
vaṃganāgādikāḥ sarvā vastre tiṣṭhanti vikriyāḥ

2.32

atha mardanasaṃskāraḥ
kāṇryaṃ tyājayituṃ sūtādidheyo loṣṭajīkakaḥ
tatpalaikaṃ ca sūtasya catuḥṣaṣṭipalāni ca

2.33

khalve prakṣipya saṃmelaya mardayed yāmapātrataḥ
mardito nirmalībhūtaḥ kṛṣṇatvaṃ tyajati dhruvam

2.34

atha śodhanam
vajrīkṣīreṇa saṃpiṣṭātsaptāhaṃ yāti bhūmijaḥ
saptāhaṃ cārkadugdhena piṣṭādyātyaṣṭamakaṃcukaḥ

2.36

parpaṭān brahmavṛkṣasya jalakrimnāṃśca varttayet
tadrasena ca saptāhaṃ piṣṭādyātpāṣāṇakaṃcukaḥ

2.36-2

citrakakkāthasaṃpiṣṭātkāpālī yāti vaṃgajā
vajrakaṃdarasenaiva piṣṭāṭṭaṃgajakālikā

2.37

kaṭṭutuṃbīpayaḥ piṣṭātśyāmā naśyati nāgajā
bīyājalena saṃpiṣṭātkapālī nāgasaṃbhavā

2.38

saptasaptadinaiḥ piṣṭātsūtānaśyaṃti kaṃcukāḥ
triphalākkāthasaṃpiṣṭād vajratyevaṃ kṣayaṃ malaḥ

2.39

citrakakkāthasaṃpiṣṭādagnidoṣaḥ praṇaśyati
aśvagaṃdhārasenaivaṃ viṣadoṣaḥ praśāmyati

2.40

nāhvārasena saṃpiṣṭādarpadoṣo vinaśyati
piṣṭātkudhyarasenaiva munmatto'pi vilīyate

2.41

sapta saptadinaiḥ piṣṭādoṣā naśyanti paṃca vai
itthaṃ dvādaśabhirdoṣairmuktaḥ śuddho bhavedrasaḥ

2.42

auṣadhasyauṣadhasyānte kṣālayetkāṃjikena ca
kartavyā sūtasaṃśuddhirekādaśabhirauṣadhaiḥ