Rasahridaya 11

Rasahṛdaya 11

Language: Sanskrit

11.1

athaikādaśo'vabodhaḥ
atha vījanirvāṇamārabhyate
svīkṛtya sarvasarito gaṅgā jaladhau yathā tathā haimam
praviśati rame gṛhītvā saṃmiliti sarvalohaguṇān

11.2

jīryati milati ca śulve tattattvaṃ kidṛtāṃ yāti
hemakriyāsu kariṇā trapuṇā tārakriyāsu nirvyūḍham

11.3

ghanasattvaṃ khalu raviṇā rasāyane dvandvakaṃ yojyam
raktagaṇapātabhāvitagirijatumākṣikagairikadaradaiḥ

11.4

mṛdulatāmrakāntaghanasattvaṃ mṛtanāgaṃ tīkṣṇakanakaṃ ca
kurvīta bījaśeṣaṃ daradaśilātālamākṣikairvāpāt

11.5

mṛtanāgaṃ vaṅgaṃ vā śulvaṃ ghanasatvaṃtārakanakaṃ vā
dhmātaṃ tadeva sarvaṃ giriṇā'dhikaśodhanairvāpāt

11.6

raktagaṇaṃ pītam̐ vā mām̐kṣikarājāvarttamatho vimalam
ekatamaṃ vā gairikakunaṭīkṣitigandhaikakhagairvā

11.7

nirvyūḍhairaiva raso rāgādi gṛhṇāti bandhamupayāti
mṛtalohoparamādyairnirvyūḍhaṃ bhavati śṛṅkhalābījam

11.8

āyasaśalāki‌kābhyāṃmaddvandvāravyaiśca saṃkarākhyaiśca
nirvyūḍhaṃ rasalohairjāraṇakarmocitaṃ bhavati

11.6-2

bījamidaṃ raktagaṇe niṣecitaṃ tena kṛtavāpam
cāritajāritamātraṃ sūtaṃ rañjayati badhnāti

11.10

raktasnehaviśodhitamṛṛtaloharasādibhistu sarveṣām
bījānāṃ kuru vāpaṃ raktasnehe niṣe‌kaṃ ca

11.11

vaṅgābhramabhratāraṃ, sitaśailamalāham̐tau ca sitavaṅgau
raiṃktaṃ sitatāpyahataṃ, rañjeti nirvyūḍhavaṅgābhram

11.12

nirvāhaṇavidhireṣaḥ prakāśito'śeṣadoṣaśamanāya
bījānamapyevaṃ ghanasattvaṃ yujyate prathamam

Commentaries (1)

Rasahdayaṭīkā — Caturbhuja Miśra, Sanskrit

Linked texts (1)

Rasahṛdayatantra — Govinda Bhagavatpāda (alchemist), Sanskrit