Rasahridaya 12
Rasahṛdaya 12
- Language
- Sanskrit
12.2
chāgāsthibhasmanirmitamūṣā
mākṣīkarasakasasyakadaradānyatamena vāpitaṃ loham
saṃtyajati nibiḍabhāvaṃ sattve saṃmilati sudhmātam
12.3
guḍapuraṭaṅgaṇalākṣāsarja rasairdhātakīsamoyuktaiḥ
strīstanyena tu piṣṭai rasāyane dvandvitaṃ yojyam
12.4
ūrṇātaṅkaṇagirijatukarṇākṣimalendragopakarkaṭakaiḥ
nārīpayasā piṣṭaiḥ sarve dvandveṣu hi milanti
12.5
rasavaikrāntakamevaṃ milati dvandvanvitaṃ samaṃ hemnā
nirvyūḍhaṃ tanmattvaṃ tena raso bandhamupayāti
12.6
śastaṃ sarvadvandvaṃ girijatulelītakaindragopādyaiḥ
mahiṣīkarṇamalaudyaiḥ syādbījaṃ ṭaṅkaṇālaviṣaiḥ
12.7
madhumahitairapyetaistārābhraṃ milati tāpyakanakaṃ ca
eraṇḍatailaṭaṅkaṇakaṅkuṣṭhaśilendragopaistu
12.8
sūtena śuddhakanakaṃ niṣpiṣya samābhrayojitaṃ kṛtvā
pādena tu pūrvoktadvandvānyatamaikaṃ kalpyam
12.9
rasoparasasya hemno dviguṇaṃ vai śuddhamākṣikaṃ dattvā
svarasena kākamācyā rambhākandena mardayet
12.10
kutamityetatpiṇḍaṃ hemābhraṃ milati vajramūṣāyām
raviśaśitīkṣṇairevaṃ milanti gaganādisattvāni
12.11
saṃkarabījānāmapi vidhānamityādigaganasattvayogena
mākṣikayogādanyaṃ yojyamavaśyaṃ tu sarvatra
12.12
kāntamukhaṃ sarveṣāṃ sattvānāṃ melakaṃ prathamam
pūrvoktakalkasahitaṃ mākṣikamṛtanāgatālaśilam
Commentaries (1)
- Rasahdayaṭīkā — Caturbhuja Miśra, Sanskrit
Linked texts (1)
- Rasahṛdayatantra — Govinda Bhagavatpāda (alchemist), Sanskrit